လါအီးကထိဘၢၣ် ၆

တၢ်သဘျ့တမ့ၢ်တၢ်လၢပမၤန့ၢ်အီၤခီလီ

တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ်- ယံးရမံယၤ ၁၁:၁၈-၂၃, ယံးရမံယၤ ၁၂, ယံးရမံယၤ ၁၃, ကလီးစဲ ၂:၆-၂၃, စံးထီၣ်ပတြၢၤ ၁၁၈:၁၆ 

‘‘မၤသးဒ်န့ၣ်ဒီးသုဂံၢ်စဲၤလီၤ, ဒီးသုဘၣ်တၢ်မၤထီၣ်မၤထီသုလၢအပူၤ, ဒီးသုအိၣ်ဂၢၢ်ဆိးကျၢၤလၢတၢ်နာ်အပူၤဒ်တၢ် သိၣ်လိသုအသိးသတးဒီး, အါထီၣ်လၢတၢ်စံးထီၣ်ပတြၢၤအဘျုးအဖှိၣ်, ဒီးလဲၤတၢ်လၢကစၢ်ယ့ၣ်ၡူးခရံာ်အပူၤ, ဒ်သုဒိးန့ၢ်အီၤအသိးန့ၣ်တက့ၢ်.’’
ကလီးစဲ ၂:၆-၇

လၢတၢ်သဘျ့အပူၤယွၤတ့လီၤပှၤကညီကရူၢ်သ့ၣ်တဖၣ်, ဒီးထံၣ်ဝဲလၢအဂ့ၤမးလီၤ. (၁မိၤၡ့ ၁:၃၁). ပှၤကညီကလုာ် မ့ၢ်ပှၤကလုာ်လီၤဆီဒ်သိးလၢကလုာ်အဂၤလၢယွၤအတၢ်ဘၣ်တ့အကျါန့ၣ်လီၤ. တၢ်အဲၣ်ပၢၤဃး ပှၤကလုာ်အတၢ်န့ၢ် သါ, အတၢ်ရ့လိာ်မုာ်လိာ်, အတၢ်ပၢတၢ်ဆှၢ, ဒီးအတၢ်ဆဲးတၢ်လၤ တမ့ၢ်တၢ်လၢတဘၣ်လိာ်ဖိးမံလၢယွၤအတၢ်တ့ ဘၣ်. လီၤဆီဒၣ်တၢ်ဖဲသရၣ်ယူၤဒၤသၣ်ဟဲစိာ်တၢ်သးခုကစီၣ်အဆၢကတီၢ် ပှၤကညီတကလုာ်အံၤအတၢ်မ့ၢ်တၢ် စးထီၣ်ဆီတလဲအသးဒီးသူၣ်ထီၣ်အသးလၢခရံာ်အပူၤခီဖျိ လၢကိၣ်သၣ်ဖၠူၣ် လၢအပူၤကွံာ်ယံာ်တ့ၢ်လံအနံၣ်ခံကယၤ ဃၣ်ဃၣ်န့ၣ်လီၤ. စးထီၣ်ဖဲန့ၣ်ပှၤကညီတဖၣ်ပိာ်က့ၤကစၢ်ယ့ၣ်ၡူးခရံာ်အခံဒ်ကစၢ်လၢအအုၣ်က့ၤခီၣ်က့ၤပှၤအသိးဒီး ပာ်တ့ၢ်ကွံာ်တၢ်ဘါတၢ်ဝံတၢ်ကလၤ, ဘၣ်ထွဲဒီးမိၢ်ပၢ်ဖံဖုအလုၢ်အလၢ်သ့ၣ်တဖၣ်န့ၣ်လီၤ. တၢ်မ့ၢ်တၢ်အသီလၢခရံာ် အပူၤ ဒုးအိၣ်ထီၣ်တၢ်သူၣ်လီၤပသးဂၢၢ်ဂၢၢ်ကျၢၤကျၢၤ, တၢ်ဟ့ၣ်လီၤသးလၢခရံာ်အဂီၢ်ဒီးတဘျီဃီ ပတၢ်ဟ့ၣ်လီၤသး အံၤ ပာ်ဖျါထီၣ်အသးလၢတၢ်စံၣ်စိၤတဲစိၤအပူၤဒၣ်လဲာ်န့ၣ်လီၤ. လၢလံာ်စီဆှံအလီၢ်လံၤအပူၤ ပှၤကလုာ်သ့ၣ်တဖၣ်ပာ် တ့ၢ်ကွံာ်ကစၢ်ယွၤအဃိ, ဘၣ်တၢ်စံၣ်ညီၣ်အီၤန့ၣ်လီၤ. လၢဟီၣ်ခိၣ်ဒီဘ့ၣ်အတၢ်စံၣ်စိၤတဲစိၤအပူၤပှဲၤဒီးတၢ်လီၤတူာ် လီၤကာ်တဖၣ်လၢဟဲအိၣ်ထီၣ်ခီဖျိလၢပှၤကညီပာ်ထီၣ်ထီအသးအဃိန့ၣ်လီၤ. တနံၤအံၤ, ပှၤကညီကလုာ်ကြၢးအိၣ်မူ က့ၤလၢတၢ်မုၢ်လၢ်လၢကစၢ်ယွၤအပူၤန့ၣ်လီၤ. ပှၤကညီတဖၣ်အတၢ်အိၣ်တၢ်ဆိးလီၤပြံလီၤပြါ လၢကီၢ်ပယီၤအပူၤဆူ မဲၢ်လးလၢအအိၣ်လၢယိၤကီၢ်ကလံၤစိး ဒီးတုၤဆူဟီၣ်ခိၣ်ဒီဘ့ၣ်ညါန့ၣ်တမ့ၢ်တၢ်ဆိၣ်ဂ့ၤသ့ၣ်တဖၣ်လၢအဟဲလၢတၢ်ခူ သူၣ်အပူၤန့ၣ်ဘၣ်ဧါ. ပတကြၢးဆိကမိၣ်ထီၣ်က့ၤတၢ်ဆိၣ်ဂ့ၤလၢအဘၣ်ပှၤသ့ၣ်တဖၣ်န့ၣ်ဘၣ်ဧါ. စီၤပီလူးတမ့ၢ်ပှၤတ ဂၤလၢအဂဲၤပျုၢ်ဂဲၤဆှးလၢတၢ်မုၢ်လၢ်တအိၣ်ဘၣ်အပူၤဒီးသ့ၣ်ညါဝဲတၢ်ကီတၢ်ခဲဟဲအိၣ်ထီၣ်ခီဖျိလၢတၢ်ထုးဖးသး လၢ ခရံာ်န့ၣ်လီၤ. ဒ်နမိၢ်ပၢ်ဖံဖုတဖၣ်တူၢ်လိာ်ခရံာ်ဒ်ကစၢ်လၢအုၣ်က့ၤခီၣ်က့ၤအီၤ လၢတၢ်နာ်ယိယိဖိဒီးနၤစ့ၢ်ကီး နယီၢ်လီၤအခီၣ်ဒီးပိာ်နဲထူၣ်စုညါအကျဲဒ်သိးသိးလီၤ. စီၤပီလူး ပာ်ဖျါထီၣ် တၢ်ကစီၣ်ပျီပျီလၢ ဒ်သိးပှၤကညီတဖၣ် ကအိၣ်မူ ဆူညါလၢခရံာ်အပူၤအဂီၢ် ပကဘၣ်ပိာ်ထွဲ ဒ်ကလီးစဲ ၂:၆-၇ ပာ်ဖျါဝဲအသိးန့ၣ်လီၤ. နတကြၢးဟံးန့ၢ် တၢ်အိၣ်ဒီးနၤ ခဲအံၤဖှံဖှံဘၣ်. သ့ၣ်နီၣ်ထီၣ်လၢတၢ်သဘျ့လၢအအိၣ်ဒီးနၤန့ၣ်တမ့ၢ်တၢ်အခီလီလၢ တၢ်တဟ့ၣ်တ့ၢ် အပှ့ၤဘၣ်. တၢ်သဘျ့အမ့ၢ်အတီ ဟဲခီဖျိလၢကစၢ်ခရံာ်အပူၤအိၣ်ဒီးမူဒါလၢပကသူၣ်လီၤပတၢ်အိၣ်မူလၢခရံာ်ဒီး မူဒါလၢပဒီပုၢ်ဝဲၢ်တဖၣ် အဖီခိၣ်လၢ တၢ်တူၢ်တၢ်ဒီး တၢ်ဟ့ၣ်လီၤသးလၢတၢ်အဲၣ်န့ၣ်လီၤ. နတၢ်မုၢ်လၢ်လၢယွၤန့ၣ် ကြၢးအိၣ်ထီၣ်အသးခဲအံၤ ခီဖျိ လၢနကဲထီၣ်ယွၤအတၢ်မုၢ်လၢ်ဆူနပှၤကလုာ်တဖၣ်အဂီၢ်န့ၣ်တက့ၢ်.

တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ

တၢ်သဘျ့လၢအအိၣ်ဒီးနၤန့ၣ် နသူအီၤလၢနကကဲထီၣ်ယွၤအတၢ်မုၢ်လၢ် ဆူနပှၤကလုာ်အဂီၢ်ဒ်လဲၣ်. 

တၢ်ထုကဖၣ် 

ယွၤဧၢ, မၤစၢၤဘၣ်ပှၤလၢပကဟဲစိာ်နတၢ်မုၢ်လၢ်လၢဟီၣ်ခိၣ်လိၤန့ၣ်တက့ၢ်. လၢခရံာ်အမံၤယဃ့နၤလီၤ. အၤမ့ၣ်.

ဒီးကထၢၣ်ဝၤတံၤအါယၢၤ
ကၠိခိၣ်ဒီးတၢ်လၤကပီၤ, အိၣ်ရံၣ်ယဲတၢၤလ်ယွၤဂ့ၤပီညါဖၠၣ်စိမိၤ
နၤကးကီၢ်, အ့ဒယါ

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

October 6

FREEDOM IS NOT FREE

Bible in a year – Jeremiah 11:18-23, Jeremiah 12, Jeremiah 13; Colossians 2:6-23; Psalm 118:1-16

“As therefore you received Christ Jesus, the Lord, walk in him, rooted and built up in him, and established in the faith, even as you were taught, abounding in it in thanksgiving.”
Colossians 2:6-7 WEB

In His freedom, God created a people group and He said, “It was very good “(Genesis 1:31). Ethnic Karen people are special, as much as others are, in God’s created order. The love for the preservation of one’s ethnic identity with socio-politico– cultural de facto, is never out of the line in God’s creation. More notably during Adoniram  Judson’s time the Karen people’s identity began taking root with the conversion to Christ in the person of Ko Tha Byu and this was nearly two hundred years ago. Since then, many Karen ethnic have committed to following Jesus Christ as their personal savior, debunking the numerous animistic spirits of the fore-parents. The new Identity in Christ entails steadfast rootedness in personal life of devotion to Christ and at the same time, fleshing out that devotion in historical context. In the Old Testament, people abandoning their God were judged. World history is replete with failures when human pride takes precedence. Today, the Karen people must rekindle hope- hope in God. The Karenic diaspora from the Karen Homeland in Burma to Mai La in Northern Thailand and on to nations of the world–could that not be a blessing in disguise for the Karens? In the possibility of much to muster to the Karen narrative, can hope in God ignite the flame of Karen belongingness with greater imagination? 

Paul was no fanatic visionary, but emphatic of the great pitfalls of disengagement from Christ. Just as your fore-parents in simple faith accepted Christ as their personal Lord and Savior, and later you also have trod the same path of the cross,  Paul heralds in a clear message that Karens “continue to live in him (Christ ), rooted and built up in him, strengthened in faith as you were taught, and following with thankfulness (Colossian 2;6-7).” What you have now should not be taken lightly. Remember the relative freedom you have is not free. True freedom in Christ entails responsibility of remaining rooted in him and to your fellow sisters and brothers though suffering and sacrificial love. Your hope in God must begin now by translating that you have become the hope of God for your people.

Reflection

How do you use the freedom you have to bring the hope of God to your people?

Prayer

 Lord, help us to bring Your hope to this world. In Jesus’ Name I pray. Amen. 

Dr. Wati Aier
President Emeritus, Oriental Theological Seminary
Nagaland, India