လါအီကူး ၇, ၂၀၂၁
ပျိာ်လဲလိာ်တၢ်ဖံးတၢ်ညၣ်ဆူနီၢ်သးတၢ်လၢတၢ်ပှဲၤ
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၁ကွဲးနီၣ်တၢ် ၂၄, ၁ကွဲးနီၣ်တၢ် ၂၅,
၁ကွဲးနီၣ်တၢ် ၂၆:၁-၁၉, ၁ကရံၣ်သူး ၃, စံးထီၣ်ပတြၢၤ ၉၂:၁-၁၅
“ယဒုးအီၣ်သုလၢတၢ်နုၢ်ထံ, ဒီးတမ့ၢ်ဘၣ်တၢ်အီၣ်ဘၣ်. အဂ့ၢ်ဒ်အံၤ, သုအီၣ်တၢ်တသ့ဒံးဘၣ်. ဒီးခဲကနံၣ်အံၤဒၣ်လဲာ်, သုတသ့ဒံးစ့ၢ်ကီးဘၣ်လီၤ. အဂ့ၢ်ဒ်အံၤ, မ့ၢ်သုဘၣ်ဃးဒီးတၢ်ဖံးတၢ်ညၣ်ဒံးလီၤ. အဂ့ၢ်ဒ်အံၤ, မ့ၢ်တၢ်သးက့ၣ်, ဒီးတၢ်အ့ၣ်လိာ်ဆိးက့, ဒီးတၢ်လီၤမုၢ်လီၤဖးသ့ၣ်တဖၣ်အိၣ်ဝဲလၢသုကျါဒီးသုမ့ၢ်ပှၤဘၣ်ဃးဒီးတၢ်ဖံးတၢ်ညၣ်, ဒီး သုလဲၤတၢ်ဒ်ပှၤကညီအသိး, တမ့ၢ်ဘၣ်ဧါ.”
၁ကရံၣ်သူး ၃:၂-၃
ယမ့ၢ်ပှၤတဂၤလၢအဒိးစူၢ်ဒိးဘျၢထံတူၢ်လိာ်ကစၢ်ခရံာ်ဒ်တၢ်အုၣ်က့ၤခီၣ်က့ၤကစၢ်တဂၤအသိးလီၤ. ယနာ်ကစၢ် ခရံာ်မ့ၢ် ပှၤပျၢ်ယတၢ်ဒဲးဘးတၢ်သရူးတၢ်ကမၣ် ဒီးမၤစီဆှံထီၣ်ယၤလၢအသွံၣ်စီဆှံလၢ သ့ၣ်ဖျၢၣ်ထူၣ်စုညါအလိၤ, ဒ်သိးယကလဲၤတၢ်လၢနီၢ်သးအတၢ်လၢတၢ်ပှဲၤအပူၤ ဒီးတၢ်ဒိၣ်တုာ်ခိၣ်ပှဲၤလၢကစၢ်ယွၤအတၢ်မ့ၢ်တၢ်တီအပူၤ န့ၣ်လီၤ.
ဘၣ်တဘျီယအိၣ်ဒီးယတံၤသကိးပှၤမၤသကိးတၢ်တဂၤလၢ တၢ်ဖံးတၢ်မၤအပူၤအဝဲမၤတၢ်ကမၣ်, အမၤတၢ် တဘၣ်ဒ်တၢ်မၤအကျိၤအကျဲ, တလဲၤအသးဒ်တၢ်ဖံးတၢ်မၤအသိးဘၣ်. လၢတၢ်န့ၣ်အဃိယသးဟဲဒိၣ်ထီၣ် ဘၣ်အီၤဒိၣ်ဒိၣ်ကလဲာ်, ဒီး တၢ်သးက့ၣ်လၢတဂၤဒီးတဂၤအဘၢၣ်စၢၤအိၣ်ထီၣ်တုၤဒၣ်လဲာ်တၢ်အ့ၣ်လိာ်ဆိးက့, တၢ်လီၤမုၢ်လီၤဖးသ့ၣ်တဖၣ်ဘူးကအိၣ်ထီၣ်ဘၣ်အသးန့ၣ်လီၤ. ဘၣ်ဆၣ်လံာ်စီဆှံတတီၤအံၤလၢအမ့ၢ် (၁ကရံၣ်သူး ၃:၂ -၃) ဒုးသ့ၣ်နီၣ်ထီၣ်ယၤလၢယမ့ၢ်ပှၤအီတၢ်နုၢ်ထံဒံးလီၤ. ယတသ့အီၣ်တၢ်ဒံးဘၣ်, ယလဲၤတၢ်ဒ်တၢ်ဘၣ်ယသး ဒီးလဲၤဒ်ပှၤကညီအသိးန့ၣ် လီၤ. ဖဲကစၢ်ယွၤအကလုၢ်ကထါတတီၤအံၤ ထိးဘၣ်က့ၤယသးဒီး ယနၢ်ပၢၢ်လီၤက့ၤ ယသးလီၤ. ယမၤန့ၢ်ကစၢ်ခရံာ်ဒီး တူၢ်လိာ်အီၤလၢယသးပူၤလံအဃိယတဘၣ်လဲၤတၢ်ဒ်ပှၤကညီအသိးဘၣ်, ဒီးယတဘၣ်ဃးဘၣ်ဒီးတၢ်ဖံးတၢ်ညၣ်လၢၤဘၣ်. တဘျီဃီ, ယဆီၣ်လီၤယသးဒီးအိၣ်ဒီးတၢ်ထံၣ် လၢအကပီၤ တကပၤ ဒီးယပာ်က့ၤယသးပှဲၤဒီးတၢ်သးခုသးမုာ်ဒီး ယနၢ်ပၢၢ်က့ၤအီၤ ဒ်ပှၤကိးဂၤဆၢမၤတၢ်ဂ့ၤဘၣ်ဆၣ် တၢ်ကမၣ်အိၣ်ထီၣ်လၢတၢ်မၤဂ့ၤအပူၤန့ၣ်သ့ဝဲန့ၣ်လီၤ. ဒီးယရ့လိာ်မုာ်လိာ်က့ၤသးဒီးယတံၤသကိးတဂၤအံၤ ပှဲၤဒီးသးခုသးမုာ်န့ၣ်လီၤ. တၢ်လၢယမၤလိန့ၢ်လၢယတၢ်အိၣ်မူပူၤအံၤ တဘျီဘျီပလဲၤတၢ် ဒ်တၢ်ဘၣ်ဃးတၢ်ဖံး တၢ်ညၣ်အသးဒ်ပှၤကညီလဲၤတၢ်အသိးန့ၣ်လီၤ. တမ့ၢ်ဒ်နီၢ်သးအတၢ်ဒိၣ်တုာ်ခိၣ်ပှဲၤလၢခရံာ်အပူၤဘၣ်န့ၣ်လီၤ. မ်ပကလဲၤသကိး, မၤသကိးတၢ်လၢနီၢ်သးအတၢ်ဒိၣ်တုာ်ခိၣ်ပှဲၤဒီးဘၣ်အမုာ် လၢယွၤအပူၤကိးဂၤဒဲး တက့ၢ်.
တၢ်ဒုးဘၣ်ထွဲလံာ်စီဆှံဒီးပတၢ်အိၣ်မူ
မ့ၢ်ပလဲၤတၢ်လၢနီၢ်သးအတၢ်ဒိၣ်တုာ်ခိၣ်ပှဲၤအပူၤလံဧါ. မ့တမ့ဘၣ်တခီမ့ၢ်ပလဲၤတၢ်လၢတၢ်ဖံးတၢ်ညၣ်အသးဧါ.
တၢ်ထုကဖၣ်
အိၣ်လၢမူခိၣ်တၢ်အဲၣ်ပၢ်သးဘိစီဆှံယွၤဧၢ, ဆိၣ်ဂ့ၤမၤစၢၤလၢ်ဘၣ်ယသး ဒ်ယကမူဒၣ်ထဲလၢနဂီၢ်ဒီးယသုတမူလၢယကျဲ ဒ်တၢ်ဖံးတၢ်ညၣ်အသးတဂ့ၤ. မ်ယအိၣ်မူကဲထီၣ်တၢ်ဆိၣ်ဂ့ၤလၢပှၤကိးဂၤအဂီၢ်ဆိၣ်ဂ့ၤမၤစၢၤဘၣ်ယၤတက့ၢ်. လၢခရံာ်မံၤပူၤယဃ့နၤလီၤ. အၤမ့ၣ်.
သရၣ်တၢ်အဲၣ်ဖိ
ကီၢ်သူလ့ၤကညီဘျၢထံခရံာ်ဖိလံာ်စီဆှံကၠိဒီးခီလ့ၣ်ကၠိ
မဲၢ်လးဘၣ်ကီဘၣ်ခဲဒဲကဝီၤ, ကီၢ်ကၠီၣ်တဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
August 7, 2021
BEING TRANSFORMED BY OVERCOMING THE FLESH AND GROWING TO SPIRITUAL MATURITY
Bible in a Year: 1 Chronicles 24, 1 Chronicles 25, 1 Chronicles 26:1-19;
1 Corinthians 3; Psalm 92:1-15
“I fed you with milk, not with meat; for you weren’t yet ready. Indeed, you aren’t ready even now, for you are still fleshly. For insofar as there is jealousy, strife, and factions among you, aren’t you fleshly, and don’t you walk in the ways of men?”
1 Corinthians 3:2-3 WEB
I am a believer who already got baptized and accepted Jesus Christ as my Lord and Savior. I believe Jesus forgives my sin and cleanses me with His blood shed on the cross, just so I will walk in spiritual maturity in the truth of God.
I had a friend and coworker who made a mistake by not following the established work procedure. It made me very angry. The relationship became tense between us to the point where conflicts and divisions were about to ensue. However, 1 Corinthians 3:2-3 reminded me that I still drank milk. I was not ready for meat yet. I lived in the flesh. But when this scripture touched my heart, I became self-aware. Since I have accepted Christ in my life, I could not go on being fleshly. Right away, I humbled myself and adopted a brighter view with the understanding that people could make mistakes even in intending and trying to do good. I reconciled with my friend with joy and peace. What I learned from this lesson is that we sometimes live in the flesh and walk in the ways of men, and not in spiritual maturity in Christ. Let us walk and work together maturely in the ways of the Lord and enjoy the peace of God!
Reflection
Are we walking in spiritual maturity? Or are we still walking in the flesh?
Prayer
Dear Heavenly Father, please bless me and help me by giving me the heart to live for You. Let me not live according to the demands of the fleshly heart. Instead, let me live to be a channel of blessings for others. In Jesus’ Name we pray. Amen.
Tharah Ta Eh Poe
Kawthoolei Karen Baptist Bible School and College
Mae La Refugee Camp, Thailand