လါယူၤလံ ၄, ၂၀၂၁
အံၣ်စရ့လးအပှၤကွၢ်သိ
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၂စီၤပၤ ၈:၁၆-၂၉, ၂စီၤပၤ ၉, မၤတၢ် ၂၃:၁၂-၃၅, စံးထီၣ်ပတြၢၤ ၈ဝ:၁-၇
‘‘အံၣ်စရ့လးအပှၤကွၢ်သိဧၢ, ကနၣ်တက့ၢ်.’’
စံးထီၣ်ပတြၢၤ ၈ဝ:၁
ထါစံးထီၣ်ပတြၢၤအယုၢ် (၈၀) ဒီတယုၢ်အံၤမ့ၢ်ဝဲ, တၢ်ထုကဖၣ်လၢဘၣ်ဃးဒီးပှၤတကလုာ်လၢအိၣ်ဒီးတၢ်တူၢ်ခီၣ် ပာ်သးတမံၤဃီ, လၢတၢ်ဘူၣ်ထီၣ်ဘါထီၣ်ယွၤအိၣ်ဒီးတၢ်ဟီၣ်ကိးပသူထီၣ်ဆူကစၢ်ယွၤအအိၣ်ဒ်သိး ကစၢ်ယွၤ ကမၤပူၤဖျဲးထီၣ်အဝဲသ့ၣ်တဖၣ်လၢတၢ်ကီတၢ်ခဲအပူၤန့ၣ်လီၤ. ပကမၤလိသကိး တၢ်ဂ့ၢ်(၂) ထံၣ်လၢအတဲဖျါထီၣ်ဝဲ ယွၤမ့ၢ်ပှၤကွၢ်သိအတၢ်မ့ၢ်တၢ်ဒ်လာ်အံၤအသိးန့ၣ်လီၤ.
၁. ပှၤကွၢ်သိအတၢ်ဖံးတၢ်မၤမ့ၢ်ဝဲ ‘ပှၤကဟုကယာ်တၢ်’ တဂၤန့ၣ်လီၤ. တၢ်ကတိၤအဖျၢၣ် ‘ပှၤကွၢ်သိ’ အံၤ ပာ်ဖျါထီၣ်ကစၢ်ယွၤအတၢ်မ့ၢ်တၢ်, အတၢ်ဖံးတၢ်မၤမ့ၢ်ပှၤတဂၤလၢ အဟ့ၣ်တၢ်ကဟုကယာ်ထီဘိလၢအသိဖိ တဖၣ်အဂီၢ်န့ၣ်လီၤ. ပှၤအံၣ်စရ့လးဖိတဖၣ်သ့ၣ်ညါဝဲ ယွၤမ့ၢ်ဝဲအပှၤကွၢ်သိလၢအကဟုကယာ်အီၤထီဘိန့ၣ်လီၤ.
၂. ပှၤကွၢ်သိအတၢ်ဖံးတၢ်မၤမ့ၢ်ဝဲ ‘ပှၤဒီသဒၢ’ တၢ်တဂၤန့ၣ်လီၤ. တၢ်ကတိၤအဖျၢၣ် ‘ပှၤဒီသဒၢတၢ်‘ အံၤပာ်ဖျါ ထီၣ်ဝဲပှၤကွၢ်သိတဂၤအမူအဒါလၢကဘၣ်အိၣ်ခိးတြီဆၢဒီသဒၢဝဲ အသိဖိတဖၣ်အဒုၣ်အဒါ, ဆၣ်ဖိကီၢ်ဖိလၢအဒူ အဃိၤတဖၣ်အတၢ်မၤပျံၤမၤဖုးအပူၤန့ၣ်လီၤ. ဖဲပှၤအံၣ်စရ့လးဖိတဖၣ်အိၣ်ဘၣ်လၢတၢ်ကီတၢ်ခဲအပူၤ ဖဲလၢအဒုၣ် အဒါပၢဆူၣ်ပၢစိးအီၤဒိၣ်ဒိၣ်ကလဲာ်အဆၢကတီၢ်, အဝဲသ့ၣ်ကွၢ်ထီၣ်ဝဲဆူအပှၤကွၢ်သိအအိၣ်လၢကဒီသဒၢအီၤလီၤ.
ကစၢ်ယွၤမ့ၢ်ပှၤကွၢ်သိအဃိ, အဝဲပၢဆှၢ, ကဟုကယာ်, ဒီသဒၢ, လုၢ်အီၣ်လုၢ်အီ, ကတဲာ်ကတီၤအသိဖိတဖၣ်အလီၢ် အိၣ်လီၢ်ဆိးဂ့ၤဂ့ၤဘၣ်ဘၣ်န့ၣ်လီၤ. ဖဲလၢပှၤအံၣ်စရ့လးဖိတဖၣ် တဒိကနၣ်ယွၤအကလုၢ်အခါ, လီၤဘၣ်ဝဲလၢ ဒုၣ်ဒါ အစုပူၤအဆၢကတီၢ် သ့ၣ်နီၣ်ထီၣ်က့ၤကစၢ်ယွၤလၢအမ့ၢ်ဝဲအပှၤကွၢ်သိ, ဃၣ်ကဒါက့ၤအသး, ဃ့ထုကဖၣ်ဆူစၢ်ယွၤ အအိၣ်, ဒီးကစၢ်ယွၤစံးဆၢက့ၤအပှၤဂီၢ်မုၢ်အတၢ်ထုကဖၣ်ဒီး အုၣ်က့ၤခီၣ်က့ၤအပှၤဂီၢ်မုၢ်, ဒီးဆှၢက့ၤပှၤအံၣ်စရ့လးဖိ တကလုာ်အံၤဆူအထံအကီၢ်တဘ့ၣ်လၢကစၢ်ယွၤအၢၣ်လီၤအီလီၤတ့ၢ်တၢ်ဒီးအီၤန့ၣ်လီၤ. ဒ်န့ၣ်အသိး, ပပှၤကညီဖိတ ကလုာ်အံၤဘၣ်အိၣ်မူလဲၤခီဖျိဘၣ်ဝဲတၢ်ဖှီၣ်တၢ်ယာ်, တၢ်ဃ့ၢ်မှံဟးဖျိး, လီၢ်အိၣ်လီၢ်ဆိးဒူသဝီတဖၣ်ဘၣ်တၢ်မၤဟးဂီၤ ကွံာ်အီၤလၢပယီၤသုးအတၢ်ကူၣ်အၢကူၣ်သီအဃိန့ၣ်လီၤ. ကညီဖိတဖၣ်ဘၣ်ဟးထီၣ်ကွံာ်လၢအထံအကီၢ်ဒီး ခီဃီၤဆူ ကီၢ်ကၠီၣ်တဲၣ်, ကဲထီၣ်ဝဲပှၤဘၣ်ကီဘၣ်ခဲဖိတဖၣ်အိၣ်ဝဲ ၃၅နံၣ်လံန့ၣ်လီၤ. ဆူညါကညီဖိတဖၣ်ကလဲၤဖဲလဲၣ်, ကက့ၤ အိၣ်ဘၣ်ဖဲလဲၣ်အဂ့ၢ်, ပှၤဟီၣ်ခိၣ်ဖိတသ့ၣ်ညါဘၣ်. အန့ၣ်သတး အလီၢ်အိၣ်ဝဲသပှၢ်ကတၢၢ်လၢပှၤကညီဖိတဖၣ် ဘၣ်ဃၣ်ကဒါက့ၤအသးဆူယွၤအအိၣ်, ဒီး ပှၤကညီဖိအပှၤကွၢ်သိတဂၤအံၤအတၢ်စိတၢ်ကမီၤန့ၣ် ဟ့ၣ်က့ၤကညီဖိ အထံအကီၢ်လီၢ်အိၣ်လီၢ်ဆိးသ့ဝဲ, ဒီးယွၤဒုးဒိၣ်ထီၣ်ထီထီၣ်က့ၤပှၤကညီတကလုာ်အံၤလၢကျဲကိးကပၤဒဲးသ့န့ၣ်လီၤ.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
မ့ၢ်နဘူးဒီးနပှၤကွၢ်သိထဲလဲၣ်. ထီဘိအဝဲအသးအိၣ်ကဟုကယာ်, ဒီသဒၢနၤလီၤ.
တၢ်ထုကဖၣ်
ပၢ်သးဘိယွၤဧၢ, ပစံးဘျုးနၤလၢနမ့ၢ်ပပှၤကွၢ်သိလီၤ. ဝံသးစူၤကနၣ်ဘၣ်ပှၤတက့ၢ်. လၢခရံာ်မံၤပဃ့နၤလီၤ. အၤမ့ၣ်
ဒီးကထၢၣ်စီၤအဲလ်ဝ့
ကီၢ်သူလ့ၤကညီဘျၢထံခရံာ်ဖိလံာ်စီဆှံကၠိဒီးခီလ့ၣ်ကၠိ
မဲၢ်လးဘၣ်ကီဘၣ်ခဲဒဲကဝီၤ, ကီၢ်ကၠီၣ်တဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
July 4, 2021
SHEPHERD OF ISRAEL
Bible in a Year: 2 Kings 8:16-29, 2 Kings 9; Acts 23:12-35; Psalm 80:1-7
“Hear us, Shepherd of Israel,…”
Psalm 80:1 WEB
Psalm 80 is the prayer of the people in oppression crying out to God for deliverance from peril. Let us look at two illustrations explaining God’s identity as Shepherd of Israel.
- A shepherd is a caregiver. The word, “shepherd,” emphasizes God as a Caregiver always taking care of His sheep. The Israelites knew God was their Shepherd who constantly cared for them.
- A shepherd is a protector. The word, “protector,” highlights the responsibility of a shepherd to keep vigil and protect His sheep from the enemy and the danger of wild animals. When the Israelites were in trouble under the dictatorship, they looked up to their Shepherd for protection.
As a Shepherd, God generously offers direction, care, protection, food, and shelter for His sheep. When the Israelites disobeyed God and fell into the hands of the enemies, they remembered God as their Shepherd. They turned their ways and prayed to God, Who answered their prayers, saved them, and delivered them to a place He promised to them. Likewise, Karen people suffered through poverty and wars. They have been displaced because their homes were destroyed by the wicked work of the Burmese army. The Karen had to leave their country and fled into Thailand. They have become refugees for 35 years. No one knows what will happen to them in the future. Therefore, it is imperative the Karen people turn their ways back to God so the power of the Karen’s Shepherd will grant them their country and lift up their ways.
Reflection
How near are you to your Shepherd? He is always there to care for you and protect you.
Prayer
Dear Father God, thank you for being our Shepherd. Please hear us.
In Jesus’ Name we pray. Amen
Dr. Alwyn
Kawthoolei Karen Baptist Bible School and College
Mae La Refugee Camp, Thailand