လါယူၤ ၁၈, ၂၀၂၁
ယွၤမၤပူၤဖျဲးက့ၤပှၤ
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၁စီၤပၤ ၃:၁၆-၂၈, ၁စီၤပၤ ၄, ၁စီၤပၤ ၅,
မၤတၢ်၁၂:၁၉-၂၅, မၤတၢ်၁၃:၁-၁၂, စံးထီၣ်ပတြၢၤ ၇၄:၁၈-၂၃
‘‘…မ်ပှၤဘၣ်နးဘၣ်ဖှီၣ်, ဒီးပှၤဖှီၣ်ဖိယာ်ဖိန့ၣ် စံးထီၣ်ပတြၢၤနမံၤတက့ၢ်.’’
စံးထီၣ်ပတြၢၤ ၇၄:၂၁(ခ)
ဖဲ ၁၉၈၁ နံၣ် ယက့ၤလီၤအိၣ်ဒီးယပုၢ်ယဝဲၢ် ဖဲသုးက့ (၃), ပလဲထါခံအသဝီလီၤ. ဖဲန့ၣ်အဆၢကတီၢ်တၢ်ဒုးတၢ်ယၤ ဆူၣ်မးအဃိ, ပှၤတအိၣ်ဘၣ်လၢသဝီပူၤနီတဒူၣ်ဘၣ်. ပှၤဘၣ်ဟးဃ့ၢ်အိၣ်ဘၣ်ဒၣ်လၢပှၢ်ပူၤလီၤ. မူခိၣ်မ့ၢ်စူၤလီၤန့ၣ်, ဘၣ်တ့ထီၣ်ဒဲဖိဒီးဘၣ်မၤအခိၣ်ဒုးလၢတကွံလၣ်လီၤ. ပစိၤအ့ၣ်တၢ်ဃၣ်အ့ၣ်နးမး, အီၣ်ဘၣ်မ့ၤတဘျီ တအီၣ်ဘၣ် တဘျီဘျီလီၤ. ဘၣ်နးဘၣ်ဖှီၣ်ဒိၣ်မး, ကူတအိၣ်ကၤတအိၣ်, အီၣ်တအိၣ်အီတအိၣ်, တၢ်နးတၢ်ဖှီၣ် ဒုထံၣ်ဘၣ် အဒိၣ်ကတၢၢ်လီၤ.
ဘၣ်တနံၤန့ၣ်မုၢ်ဝါထီၣ်, ယဆိကမိၣ်ယကဖီအီၣ်မ့ၤယကွၢ်လီၤယထၢၣ်ပူၤဟုသးတအိၣ်လၢၤဘၣ်. ဖဲန့ၣ်တဘျီ ယဟံးထီၣ်ဘုဘ့ၣ်ဒီးယဆုအီၤလီၤ. ယဝၤတခီလဲၤကူးစၢၤပှၤဘုလီၤ. ပယီၤနၢ်ဟူလၢတၢ်သီၣ်တၢ်သဲဒီး ပယီၤဟဲခး ပှၤလီၤ. ဖဲပယီၤဟဲခးပှၤအဆၢကတီၢ် ယဝၤဃ့ၢ်တပူၤ, ယၤဒီးယမိပဃ့ၢ်တပူၤလီၤ. ပလဲၤဃ့ၢ်အိၣ် ဖဲလ့ကိပူၤ စးထီၣ်လၢ မုၢ်ဆါခီ ၂ နၣ်ရံၣ်လီၤ. ဒီတနၤမံတန့ၢ်ဘၣ်. ဘါယွၤဒီနၤတုၤလၢမုၢ်ဝါထီၣ်တစုလီၤ. တုၤလၢမုၢ်ဝါထီၣ် ၈ နၣ်ရံၣ်မး ပှၤဟဲဃုက့ၤပှၤလီၤ. တုၤယထံၣ်လီၤက့ၤသးဒီးယဟံၣ်ဖိဃီဖိခဲလၢာ်ဒီး ယတီၤလီၤကဒွံကျိာ် လၢသ့ၣ်ဖးဒိၣ် အခီၣ်ထံး ဒီးယစံးဘျုးက့ၤကစၢ်ယွၤထဲတဂၤဧိၤန့ၣ်လီၤ.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
ပတၢ်နးတၢ်ဖှီၣ်သ့ၣ်တဖၣ်လဲၤပူၤကွံာ်ဝဲလၢမနုၤအဃိလဲၣ်. မတၤမၤပူၤဖျဲးပှၤလဲၣ်.
တီၤလီၤဒီးစံးဘျုးက့ၤယွၤတက့ၢ်.
တၢ်ထုကဖၣ်
ယွၤဧၢ, မၤစၢၤယၤဒ်သိးဒီးယကနၢ်ပၢၢ်အါထီၣ်နကလုၢ်ကထါတက့ၢ်. ယလိၣ်ဘၣ်နၤကိးဆၢကိးကတီၢ်ဒဲးလီၤ. မ်နကလုၢ်ကထါကဒုးသ့ၣ်နီၣ်ထီၣ်ယၤထီဘိလၢယကစံးပတြၢၤနမံၤတဘိယူၢ်ဃီန့ၣ်တက့ၢ်. လၢခရံာ်အမံၤယဃ့နၤလီၤ. အၤမ့ၣ်
ဖံဖံကြံထၣ်
အရံၣ်စိနါကညီဘျၢထံတၢ်အိၣ်ဖှိၣ်
ဖံးန့းက်စ်, အရံၢ်စိနါကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
June 18, 2021
GOD DELIVERED US
Bible In A Year: 1 King 3:16-28, 1 King 4, 1 King 5; Acts 12:19-25, Acts 13:1-12; Psalm 74:18-23
“ …let the poor and needy praise your name.”
Psalm 74:21 b WEB
In 1981, I went back to stay with my sibling in the Brigade (3) area, Pleh Tah Key village. At that time, no one was left in the village due to intense battles. People had to flee and stay in the deep forest. We had to build a tent and use the banana leaf for roof covering when it rained. Mosquitos and insects were biting us so much. There was a shortage of food; some days we got to eat and some days we didn’t. We were in tremendous hardship, lacking clothing to wear and food to eat. We suffered a great deal.
One day in the morning, I thought I would cook but there was no rice left in the rice bag. I took the paddy stalks and pound them to dehusk the chaff to get rice. My husband, on the other hand, went to help people harvest paddy. Myanmar soldiers heard noises and they came and fired shots at us. My mother and I ran to one place and my husband to another direction. We ran and hid in a cave around 2 PM. We were not able to sleep the entire night. We prayed unceasingly until dawn. It was 8 AM in the morning when people searching for us found us and accompanied us home. When I united with all of my family members, I knelt down under a big tree and whispered my heartfelt gratitude to God all by myself.
Reflection
How do our troubles and trials pass? Who delivered us?
Get down on your knees and thank God.
Prayer
Dear God, help me to understand more of Your word. I need You every moment. May Your word always remind me to praise Your name continuously. In Jesus’ name I pray, Amen.
Muga Greeta
Arizona Karen Baptist Church
Phoenix, Arizona