လါမ့ၤ ၂၀, ၂၀၂၁
ပျ့ၤ
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၁ၡမူၤအ့လး ၅, ၁ၡမူၤအ့လး ၆, ၁ၡမူၤအ့လး ၇,
ယိၤဟၣ် ၁၁:၄၅-၅၇, ယိၤဟၣ် ၁၂:၁-၁၁, ကတိၤဒိ ၁၂:၁၈-၂၇
“ပှၤလၢအကတိၤဖဲအခိၣ်စၢၢ်ဆၢဒ်နးဧိၤဘီဧိၤဆဲးတၢ်အသိးန့ၣ်အိၣ်ဝဲလီၤ. မ့မ့ၢ်ပှၤကူၣ်တၢ်သ့အပျ့ၤန့ၣ်မၤဘျါက့ၤတၢ်လီၤ.”
ကတိၤဒိ ၁၂:၁၈
ကစၢ်ယွၤတ့လီၤ ပနီၢ်ခိက့ၢ်ဂီၤအါမးအကျါ တ့လီၤဃုာ်ဒီးပပျ့ၤ ဒ်သိးပတဲတၢ်ကသ့အဂီၢ်လီၤ. ကစၢ်ယွၤတ့လီၤ ဆၣ်ဖိကီၢ်ဖိသ့ၣ်တဖၣ်အပျ့ၤဘၣ်ဆၣ် အဝဲသ့ၣ်တဲတၢ်တသ့ဒ်ပှၤဟီၣ်ခိၣ်ဖိတဖၣ်အသိးဘၣ်. ပျ့ၤမ့ၢ်တၢ်အရ့ဒိၣ်မး လၢ ပဝဲပှၤဟီၣ်ခိၣ်ဖိသ့ၣ်တဖၣ်အဂီၢ်လီၤ. ပျ့ၤအံၤန့ၣ်မ့ၢ်ဆံးဘၣ်ဆၣ် အဝဲမၤတၢ်ဒိၣ်ဒိၣ်မုၢ်မုၢ်သ့လီၤ. လၢပျ့ၤအဃိ ပှၤအဲၣ်နၤသ့, ပှၤသးဟ့နၤသ့လီၤ. လၢပျ့ၤအဃိ တၢ်မုာ်တၢ်ခုၣ်အိၣ်ထီၣ်သ့, ဒီး တၢ်တမုာ်တခုၣ်, တၢ်အ့ၣ်လိာ်ဆိး က့လိာ်, တၢ်တဃူတဖိးတဖၣ်အိၣ်ထီၣ်ဝဲသ့လီၤ.
ဖဲ ၁၉၉၂နံၣ် န့ၣ်ယမ့ၢ်ဒၣ်ပှၤကၠိဖိလီၤ. တနံၤတခီၣ် ယပျ့ၤတဘ့ၣ်ဆါထီၣ် ဒီးယတပာ်သူၣ်ပာ်သးဘၣ်. တနံၤတနံၤ ဆါအါထီၣ်တုၤဒၣ်လဲာ် ယအီၣ်တၢ်တသ့ဘၣ်. ယအီၣ်တၢ်အီၣ်တၢ်အီတဘူၣ်လၢၤဘၣ်. ယလဲၤဒုးနဲၣ် ယသးလၢ ကသံၣ်သရၣ်ဒီး အဝဲဟ့ၣ်လီၤယၤကသံၣ်လီၤ. ယအီကသံၣ်ဘၣ်ဆၣ်တဘျါဘၣ်. ပျ့ၤတဘိအံၤ မ့ၢ်ဟးဂီၤအဃိ, တၢ်ကီတၢ်ခဲလၢ ကလူၤပိာ်ထွဲထီၣ်တဖၣ် အိၣ်ဝဲဒီဒူၣ်လီၤ. တၢ်ကတိၤတၢ်, တၢ်အီၣ်တၢ်, တၢ်ယုၢ်လီၤတၢ်, ဒီး တၢ်သ့ၣ်ညါအဘိၣ်အဘဲ, အခၣ်, အဆံၣ်, အဆၢ, အဟဲ တဖၣ်တမၤတၢ်လၢၤဘၣ်န့ၣ်လီၤ. ယပျံၤတၢ်ဒိၣ်မးလီၤ. ယမၤတဘၣ်လၢၤဘၣ်. လၢခံ ယသ့ၣ်နီၣ်ထီၣ်ကစၢ်ယွၤ ဒီးယဃ့ဘါထုကဖၣ်လၢာ်လၢာ်ဆ့ဆ့ လၢတၢ်သူၣ်အိၣ် သးအိၣ်လီၤ. ဖဲန့ၣ်အခါ ယသကိးတဂၤတဲယၤ, ‘‘နသါအီကွၢ် (ကိုးပါးဆေး) ဧါ. ဘၣ်တဘၣ် မ့ၢ်ကဘျါဧါ.’’ လၢတၢ်နာ်အပူၤယအိဒီးယပျ့ၤဒီတဘ့ၣ် ကိၢ်အူနးမးလီၤ. မ့ၢ်လၢယအဲၣ်ဒိးဘျါအဃိ ယကီၤယသးကစုဒုလီၤ. ယွၤအဘျုးအဃိ ကိညၢ်လီၤက့ၤတစဲးတစဲး တုၤအဘျါက့ၤတစုလီၤ. အပူၤကွံာ်အခါ ယပျ့ၤဝါဒီတဘ့ၣ်လီၤ. တုၤလၢအဘျါက့ၤဒီးအလွဲၢ်မ့ၢ်က့ၤဒ်ညီနုၢ်လီၤ. ယစံးဘျုးယွၤလီၤ. အရ့ဒိၣ်လၢပပျ့ၤအိၣ်ဒီးတၢ်အိၣ်ဆူၣ်အိၣ်ချ့ လၢနီၢ်ခိအသိး, အရ့ဒိၣ်လၢ ပျ့ၤကဘၣ် မၤဘျုးမၤဖှိၣ်, ဟ့ၣ်ဂံၢ်ဟ့ၣ်ဘါ, သူၣ်ထီၣ်ဘှီထီၣ်, ဆိၣ်ဂ့ၤဆိၣ်ဝါ, ဒီး မၤဃူမၤဖိးတၢ်လီၤ.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
ကတိၤဒိ ၁၅:၁ တဲဘၣ်ပှၤလၢပျ့ၤမ့ၢ်တၢ်ဖိတၢ်လံၤတခါ လၢအမၤသးခုပှၤသ့, မၤသးအုးပှၤသ့လီၤ. မ့ၢ်နပျ့ၤ မၤဘျါတၢ်ဧါ. မ့တမ့ၢ်အမၤဆါမၤနးတၢ်ဒ်နးဧိၤဘီဧိၤဆဲးတၢ်အသိးန့ၣ်ဧါ. မ်ပကပလီၢ်ပသးလၢ ပပျ့ၤအဃိတက့ၢ်.
တၢ်ထုကဖၣ်
ကစၢ်ခရံာ်သးဘိဧၢ, မ်နကပၢဘၣ်ယပျ့ၤဒ်သိး ယသုတမၤကမၣ်ဘၣ်နၤဒီးပှၤအဂၤတဂ့ၤအဂီၢ်တက့ၢ်. လၢခရံာ်မံၤအပူၤပဃ့နၤလီၤ. အၤမ့ၣ်.
သရၣ်မ့ၣ်ကဲဒိၣ်
ဟယူၣ်စတၣ်န်ကညီဘျၢထံတၢ်အိၣ်ဖှိၣ်
ဟယူၣ်စတၣ်န်, ထဲးက်စၢးစ်ကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
May 20, 2021
TONGUE
Bible In a Year: 1 Samuel 5, 1 Samuel 6, 1 Samuel 7; John 11:45-57,
John 12:1-11; Proverbs 12:18-27
“There is one who speaks rashly like the piercing of a sword, but the tongue of the wise heals.”
Proverbs 12:18 WEB
God created many body parts along with the tongue so we can communicate. Although God created tongues for animals, they cannot talk like humans. A tongue plays a very powerful role. A tongue may be small, but can do remarkable things. Because of the tongue, people can love you or hate you. Because of the tongue, there can be peace or wars.
I was a student in 1992. One day I felt pain on my tongue out of the blue. It became increasingly painful day after day to the point where I could not eat. In fact, I was afraid to eat. I went to see the doctor; the medicine he prescribed did not help me. I thought, “If this tongue got ruined, a lot of problems will ensue. It will ruin my ability to communicate, eat, swallow, and taste the flavor of bitterness, sourness, sweetness, and spices.” I was very afraid. I did not know what to do. Later, I remembered God and prayed to Him with all my heart. At that time, a friend suggested me to take an indigenous medicine, Koe Ba Say. With faith in God I took the medicine. I felt an intense burning sensation on my tongue. I tolerated the pain because I wanted to get better. By God’s grace, my tongue got healed gradually and then completely. In the past, the whole tongue was white. Once it was healed, it regained its normal color. I praised God. Just as it is important for the tongue to be physically healthy, it is also essential that our tongues give grace, encourage, build up, bless, and bring peace.
Reflection
Proverbs 15:1 reminds us how a tongue can bring joy or sadness. Does your tongue heal? Or does it hurt like the piercing of a sword? Let us be careful with our tongues.
Prayer
Dear Jesus Christ, please rule my tongue so I will not wrong against You or others. We pray in Your Name. Amen.
Pastor Maykeh Doh
Houston, Karen Baptist Church
Houston, Texas