လါနိၣ်ဝ့ဘၢၣ် ၁

မုၢ်ဂၢ်ကၠံၣ်လးဖးထံကျး

တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ယိၤအ့လး ၁, ယိၤအ့လး ၂:၁-၁၇, ဧ့ၤဘြံၤ ၃, စံးထီၣ်ပတြၢၤ ၁၁၉:၁၃၇-၁၄၄

‘‘…ဃၣ်လိၤသုသးဆူသုကစၢ်ယွၤအအိၣ်တက့ၢ်. အဂ့ၢ်ဒ်အံၤ သူၣ်ကညီၤသးကညီၤတၢ်, ဒီး သးအိၣ်တၢ်, ဒီးသးဒိၣ်ထီၣ်ကီ, ဒီးအဘျုးအဖှိၣ်ဒိၣ်မးလီၤ…’’
ယိၤအ့လး ၂:၁၃ 

တၢ်ဒိၣ်ထီၣ်လၢထံကီၢ်အဖှီၣ်ကတၢၢ်တဘ့ၣ်လၢဟီၣ်ခိၣ်ချၢအပူၤ, ဖဲ ၁၉၇၀ ဒီး ၁၉၈၀ အနံၣ်တဖၣ်, တဘျီဘျီ လိီၤဂာ်ဒ် တၢ်ဆၢကတီၢ်လၢဒွဲၣ်လီၤလၢဝံယိၤအ့လးစံးဝဲန့ၣ်လီၤ. ဒ်ဒွဲၣ်တဖၣ်မၤဟးဂီၤစံာ်ပျီဒီးအီၣ်ကွံာ်တၢ်မုၢ်တၢ်ဘိ အသိး, တၢ်အိၣ်အသးလၢအဆီၣ်တံၢ်မၤနၢၤပှၤန့ၣ် ဒုးကဲထီၣ်တၢ်ကီတၢ်ခဲအဒိၣ်အယိာ်လၢပကအီၣ်ဘၣ်က့ၤပတၢ်မၤ အသူအသၣ်တဖၣ်န့ၣ်လီၤ. ကီခဲလၢပကဃု စ့, တၢ်အီၣ်အဂ့ၤအဘဲ, တၢ်အပှ့ၤဒိၣ်တလၢ, ဒီး တၢ်အိၣ်မူအိၣ်ပှဲၤဒီး တၢ်လၢအတၤပှၤလၢအနးတဖၣ်လီၤ. ယမိဒီးယပါလုၢ်အီၣ်အသးသမူခီဖျိ ဆါတၢ်လၢလးဖးထံကျးဖိလၢအအိၣ်ဘူး လၢလံာ်စီဆှံ ကၠိ ၃ ဖျၢၣ်န့ၣ်လီၤ. ယမိအမံၤမ့ၢ် မုၢ်ဂၢ်ကၠံၣ်, ဒီးပှၤကိးကျးဖိအံၤလၢ ‘‘မုၢ်ဂၢ်ကၠံၣ်လးဖးထံကျး’’ န့ၣ်လီၤ. ပဆါစ့ၢ်ကီး မ့ၤဒီးကသူန့ၣ်လီၤ. ယမိအထိးညၣ်ကသူ အဘဲဝဲဒိၣ်မးဒီး အမံၤဟူသၣ်ဖျါလီၤ. လံာ်စီဆှံကၠိဖိတဖၣ် အါတက့ၢ်ဖှီၣ်စ့ၢ်ကီးလီၤ. အဝဲသ့ၣ်သ့ၣ်ညါဝဲ ပလးဖးထံကျးဒ်တၢ်လီၢ်လၢအဟဲအီၣ်အီ, အိၣ်ဘှံးအိၣ်သါ, ဒီး ရ့လိာ် မုာ်လိာ်သးန့ၣ်လီၤ. ဖဲယပာ်လီၤတၢ်အီၣ်တၢ်အီအခါ ယနၢ်ဟူဘၣ်ယဲ တၢ်စံၣ်ဃဲၤသကိးတၢ်အါဘျီလီၤ. ယနၢ်ဟူဘၣ် တၢ်တဲနံၤတၢ်, တၢ်အဲၣ်အတၢ်တဲ, တၢ်လီၤဖးသးသ့ၣ်ဖးအတၢ်ဟီၣ်, တၢ်ကဒူးကဒ့ၣ်, ဒီး တၢ်ကတိၤအဂုၤအဂၤ လၢ အထုးန့ၢ်သူၣ် ထုးန့ၢ်သးလီၤ. လံာ်စီဆှံကၠိဖိအါဂၤဟဲလၢတၢ်လီၢ်အယံၤဒီး ဖဲအစ့လၢာ်န့ၣ်, ဘၣ်အိၣ်ခိးဝဲ လၢပှၤကဆှၢ န့ၢ်အီၤစ့လီၤ. အစ့တတုၤဒံးအခါ ယမိပျဲအဝဲသ့ၣ်ပှ့ၤအီၣ်တၢ်ဒီး ဟ့ၣ်က့ၤအပှ့ၤဖဲအစ့ ဟဲတုၤအခါလီၤ. ယမိအိၣ်ဒီး လံာ် တဘ့ၣ်လၢ အမၤနီၣ်မၤဃါစ့အကဒွဲတဖၣ်လိီၤ. တနီၤနီၤ ဟ့ၣ်က့ၤစ့တန့ၢ် နီတခီၣ်ဘၣ်. ယမိဒီးယပါအသးတထီၣ်ဒီး တမၤကီမၤခဲတၢ်ဘၣ်. သနာ်က့ ပှၤဟ့ၣ်က့ၤစ့ မ့ၢ်တန့ၢ်ဒီး ဘၣ်ဒိအစ့ဟဲနုာ်လၢ ကလုၢ်အီၣ်လုၢ်အီပှၤန့ၣ်လီၤ. 

ယမ့ၢ်ကွၢ်ကဒါက့ၤဒီး ယနၢ်ပၢၢ်လၢ ‘‘မုၢ်ဂၢ်ကၠံၣ်လးဖးထံကျး’’ မ့ၢ်တၢ်အပီးအလီလၢယွၤသူလၢကပာ်ဖျါထီၣ် အဘျုးအဖှိၣ်, အတၢ်သူၣ်ကညီၤသးကညီၤတၢ်သးအိၣ်, ဒီး အတၢ်အဲၣ်န့ၣ်လီၤ. မုၢ်မဆါတနံၤအံၤ, တဘျီဘၣ်တ ဘျီ, ယထံၣ်လိာ်သဂၢၢ်ဘၣ်လၢ ကၠိဖိလီၢ်လံၤတဖၣ် လၢအကဲထီၣ်ဝဲခိၣ်နၢ်သရၣ်ဒိၣ်သမါထီ လၢတၢ်သးခုကစီၣ် အတၢ်ဖံးတၢ်မၤတဖၣ်န့ၣ်လီၤ. အါစုအါဘျီ, အဝဲသ့ၣ်သံကွၢ်ယၤ, ‘‘နဖီနမိအထိးညၣ်ကသူဒ်လဲၣ်’’ လီၤ. ယကျဲးစၢးဖီထိးညၣ်ကသူ အဘျီဘျီ ဒ်ယမိဖီသနာ်က့ တဝံၣ်တဘဲဒ်အဝဲဖီဝဲနီတခီၣ်ဘၣ်. ယမိအထိးညၣ်ကသူ တမ့ၢ်ထဲတၢ်အီၣ်ဘၣ်, မ့ၢ်စ့ၢ်ကီး တၢ်အဲၣ်အတၢ်ဟ့ၣ်န့ၣ်လီၤ. လၢယဂီၢ် ထိးညၣ်ကသူအိၣ်ဒီးအခီပညီလီၤဆီလီၤ. အဒုးသ့ၣ်နီၣ်ယၤလၢ ယကဘၣ် ဃၣ်လိာ်က့ၤယသးဆူယွၤအအိၣ်န့ၣ်လီၤ. 

တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ

နကွၢ်ဆၢၣ်မဲာ်ဘၣ်တၢ်ကီတၢ်ခဲတၢ်ဃံးတၢ်စ့ၤဧါ. တၢ်မ​နုၤတမံၤကဒုးသ့ၣ်နီၤနၤလၢ ယွၤအဘျုး, အတၢ်သးကညီၤ တၢ်သးအိၣ်, ဒီးတၢ်အဲၣ်လဲၣ်. အဆၢကတီၢ်ဘၣ်လၢနကဃၣ်လိာ်က့ၤနသးဆူယွၤအအိၣ်ဧါ. 

တၢ်ထုကဖၣ်

သးသမူတဖၣ်အယွၤဧၢ, စံးဘျုးဘၣ်နၤလၢနသးလၢအဟ့ၣ်ဘျုးဟ့ၣ်ဖှိၣ်တၢ်ဒီးမၤဘၣ်ယသးဒ်နသးတက့ၢ်. လၢခရံာ်အမံၤ ယဃ့နၤလီၤ. အၤမ့ၣ်.

နီၢ်ဆၣ်ထူ
စၢဖှိၣ်လူၢ်ခရံာ်ဖိတၢ်ရ့လိာ်မုာ်လိာ်
အ့စ့ၣ်, ကီၢ်တကူၣ်, ကီၢ်လါ

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

November 1

DAW KYI’S TEA SHOP

Bible in a Year: Joel 1, Joel 2:1-17; Hebrews 3; Psalm 119:137-144

“…Return to the Lord your God, for he is gracious and compassionate, slow to anger and abounding in love…”
Joel 2:13  The Message

Growing up in one of the poorest countries in the world in the 70’s and 80’s sometimes felt like living in a locust plague, as mentioned by Prophet Joel. Just like the locusts ravaged your field and destroyed your crops, the repressive system made it extremely hard to enjoy the fruits of your labor.  Money was hard to make, good food was expensive, and life was full of tough challenges. My parents owned a little tea shop near three seminaries. My mother’s name was Daw Kyi, so people called it “Daw Kyi Tea Shop.” We also offered rice and curry.  My mother’s pork dish was very delicious and famous.  

Seminary students, also mostly poor, found our tea shop to be a place to eat, rest, and socialize. I listened in on many conversations as I waited tables. I heard jokes, love chats, breakup cries, complaints, and all sorts of interesting exchanges. Many seminary students came from afar and often ran out of money waiting for support from their parents. My mother allowed them to buy food on credit. She had a book where she kept track of students’ debt. Some of them were never able to pay back their debts. My parents did not get mad or make a big deal, although the debts ate into their meager income. 

Looking back, I realize Daw Kyi Tea Shop was a vessel God used to show His abounding grace, compassion, and love. Today, I sometimes run into those students, who are now serving in important leadership positions in different ministries. One question these leaders frequently asked me is, “How do you cook your mother’s pork?” I tried so hard and often to cook pork curry the way my mother did, but it never tasted like hers. Her pork curry was not just a dish, but an offer of love. Pork curry holds a special meaning to me. It reminds me every time to return to God.

Reflection

Are you facing hardship? What could remind you today of God’s abounding compassion, grace, and love? Is it time to return to God?

Prayer

O God of Life, thank you for your heart and please make my heart like yours. In Jesus’ name I pray. Amen.

Naw Hsar Htoo
Serpolu Christian Endeavor
Insein, Yangon, Myanmar