လါနိၣ်ဝ့ဘၢၣ် ၁၅

ပှၤလၢအဖှံတၢ်အိၣ်ဒီးအမဲာ်ထံ

တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ယဃ့းစက့လး ၂၈, ယဃ့းစက့လး ၂၉, ဧ့ၤဘြံၤ ၁၂:၁၄-၂၉, စံးထီၣ်ပတြၢၤ ၁၂၆:၁-၆

 “ပှၤလၢအဖှံတၢ်အိၣ်ဒီးအမဲာ်ထံလီၤန့ၣ် ကကူးတၢ်ဒီးတၢ်သးခုလီၤ’’
စံးထီၣ်ပတြၢၤ ၁၂၆:၅

ဖဲယဖးလံာ်စီဆှံလၢအဖီခိၣ်သ့ၣ်တဖၣ်ဒီး ယတၢ်သ့ၣ်နီၣ်ဆှၢက့ၤယၤဆူ တၢ်လဲၤခီဖျိလၢအပူၤကွံာ် ဖဲယအိၣ်ကၠိအဆၢ ကတီၢ်လီၤ. လံာ်စီဆှံဖိလၢအဒုးသ့ၣ်နီၣ်ထီၣ်က့ၤယၤန့ၣ်မ့ၢ်ဝဲ ပှၤလၢအဖှံတၢ်အိၣ်ဒီးအမဲာ်ထံန့ၣ် ကကူးဘၣ်တၢ်ဒီး တၢ်သးခုအဂ့ၢ်န့ၣ်လီၤ. တဘျီဖဲ ၁၉၈၇, ယအိၣ်ကၠိအတီၤတဆံအဆၢကတီၢ် ယသကိးလၢအရ့ဒီးယၤ ဒ်ဒီပုၢ်ဝဲၢ် အသိးတဂၤ မ့ၢ်လၢအဝဲဖျိထီၣ်ကၠိလၢယမဲာ်ညါတနံၣ်အဃိ ဟ့ၣ်တ့ၢ်ယၤလံာ်ပယီၤ (မြန်မာစကား​​​ပြေ) တဘ့ၣ်န့ၣ် လီၤ. ယသးခုဒိၣ်မး မ့ၢ်အဂ့ၢ်ဒ်လဲၣ်န့ၣ် လၢညါပအိၣ်ကၠိအဆၢကတီၢ် လံာ်တလၢတလီၢ်, ယဃုတဘၣ်, ယပှ့ၤ တန့ၢ်စ့ၢ်ကီးဘၣ်. လံာ်အဝဲန့ၣ်စ့ၢ်ကီးဖးတီၣ်ကၠံညါ, ပှၤခွံတီၤဒီး အတီၤတဆံမၤလိလံာ်အဝဲန့ၣ်တဘ့ၣ်ဃီဒီး လံာ်ခိၣ်တီတခီ ဘၣ်တၢ်နီၤဖးလီၤအီၤ တဒ်သိးဘၣ်. တနံၤယသကိးတနီၤဃ့ကွဲးကူယၤလံာ်ဒီး ယဟ့ၣ်လီၤ အဝဲသ့ၣ် န့ၣ်လီၤ. လၢခံတနံၤမုၢ်ဆ့ၣ်ထီၣ် ယလဲၤဆူကၠိ ယသံကွၢ်ဝဲဒၣ်ဒီး အဝဲသ့ၣ်သံကွၢ်လိာ်အသးလၢလံာ်တဘ့ၣ်အံၤ အိၣ်ဖဲလဲၣ်ဒီး မတၤမးတသ့ၣ်ညါလၢၤဘၣ်. သရၣ်လၢအသိၣ်လိပှၤ တၢ်စံၣ်စိၤတဲစိၤတဂၤ ဒၢလွဲသီၣ်ဒီးဟဲနုာ်လီၤလၢ တီၤပူၤလံန့ၣ်လီၤ. ယဲတခီယတဆၢထၢၣ်ဆၢဂ့ၤဆၢဝါသရၣ်လၢၤဘၣ်. မ့မ့ၢ်တခီ ယဟီၣ်ယဲဒၣ်လၢာ်သးန့ၣ်လီၤ. ဖဲန့ၣ်သရၣ်ဟဲလၢ ယမဲာ်ညါဒီးသံကွၢ်, ‘‘နဟီၣ်ဘၣ်မနုၤလဲၣ်.’’ ယသကိးတနီၤ စံးဆၢလၢ အဝဲအလံာ်ဟါမၢ်အဃိ ဟီၣ်ဝဲလီၤ. သရၣ်သံကွၢ်ပှၤကၠိဖိလၢ တီၤပူၤလၢအကွဲးကူလံာ်သ့ၣ်တဖၣ်ဘၣ်ဆၣ် မတၤမးစံးဆၢတဘၣ်လၢၤဘၣ်. အဝဲတဲမုာ်ယၤလၢ “ယကဃုန့ၢ်နၤအသီတဘ့ၣ်, တလိၣ်နကိၢ်ဘၣ်.’’ ဘၣ်ဆၣ်တုၤလၢနံၣ်ကတၢၢ်တစု, ယဘၣ်ကွဲးကူလံာ် ဒ်ပှၤအဂုၤအဂၤအသိးန့ၣ်လီၤ. တၢ်မဲာ်ထံလီၤဝဲအံၤ တမ့ၢ်ထဲလၢဘၣ်ကွဲးကူလံာ်အဃိဘၣ်, ယနီၢ်ကစၢ်ဒၣ်ယဲ ယအဲၣ်လံာ်ဒိၣ်မးလီၤ. မ့ၢ်အဂ့ၢ်ဒ်လဲၣ်လၢလံာ်အံၤအပူၤ တၢ်ဂ့ၢ်သ့ၣ်တဖၣ်လၢယမၤလိအီၤဒီးဖး အီၤန့ၣ်, ယန့ၢ်တၢ်မၤလိအါမးလီၤ. ယအဲၣ်မၤလိကျိာ်လၢအမ့ၢ်ဝဲ ပယီၤကျိာ်စ့ၢ်ကီးန့ၣ်လီၤ. ယတသးဟ့ကျိာ်ဘၣ်. ယသ့ၣ်ညါ လၢကျိာ်န့ၣ်ပမ့ၢ်သ့ဒီး ကကဲဘျုးလၢပဂီၢ်အဃိလီၤ. ခဲအံၤကျိာ်လၢယအဲၣ်အီၤဒီး, မဲာ်ထံလီၤလၢအဃိအံၤ မၤစၢၤယၤလၢအမ့ၢ်ဝဲ (၁) ဖဲလၢယဖးလံာ်စီဆှံလၢကညီကျိာ်ဒီး, ကီၤလၤကျိာ် ဒီးယတနၢ်ပၢၢ်ဘၣ်အခါ ယထိၣ်သတြီၤက့ၤ လၢပယီၤအလံာ်စီဆှံဒီး ယနၢ်ပၢၢ်ဂ့ၤထီၣ်က့ၤအခီပညီန့ၣ်လီၤ. (၂) ယမၤတၢ်ဒီးကလုာ်ဒူၣ်အဃိ ကျိာ်လၢယအဲၣ်အီၤအံၤ ယကူးဘၣ်က့ၤအသူအသၣ်လံ. ဖဲပဖှံတၢ်အဆၢကတီၢ်န့ၣ် ပဖှံဒီးမဲာ်ထံမဲာ်နိဘၣ်ဆၣ် ပကကူးဘၣ်တၢ်ဒီး တၢ်သးခုန့ၣ် ပသမၢအလီၢ်တအိၣ်ဘၣ်.

တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ

ဆိကမိၣ်က့ၤနဲ တၢ်ဆၢကတီၢ်လၢနဖှံတၢ်လၢမဲာ်ထံမဲာ်နိဝံၤ ကူးဘၣ်က့ၤတၢ်လၢတၢ်သးခုတက့ၢ်. အဟ့ၣ်ဂံၢ်ဟ့ၣ်ဘါနၤလၢမုၢ်မဆါတနံၤအံၤဒ်လဲၣ်.

တၢ်ထုကဖၣ်

ကစၢ်ယွၤဧၢ, ယစံးဘျုးနၤလၢ ယကူးဘၣ်က့ၤတၢ်လၢတၢ်သူၣ်ဖှံသးညီ အိၣ်ဒီးဘုကဒိၣ်သ့ၣ်တဖၣ်န့ၣ်လီၤ. နမၤတၢ်အဒိၣ်တဖၣ် လၢယဂီၢ်ဒီးယသးခုလၢနဃိလီၤ. အၤမ့ၣ်.

သရၣ်မုၣ်ကပီၤထူ
ဒဲဘၢၢ်ကညီဘျၢထံခရံာ်ဖိတၢ်အိၣ်ဖှိၣ်
ဒဲဘၢၢ်, ခီၣ်လရၣ်ဒိၣ်ကီၢ်စဲၣ်

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

November 15

THOSE WHO SOW IN TEARS

Bible in a Year: Ezekiel 28, Ezekiel 29; Hebrews 29, Hebrews 12:14-29; Psalm 126:1-6

“Those who sow in tears will reap in joy.”  
Psalm 126:5 WEB

This Bible verse took me to the memory of the past when I was in school. In 1987, when I was in 10th grade, my friend, who already passed 10th grade, gave me a Burmese essay book. I was so happy because we did not have enough books and we could not find any to buy them at that time. It was a very thick book, divided by topics respectively for both 9th and 10th grade. One day, some friends borrowed my book and I gave it to them. The next day when I went to school and asked them to get my book back, nobody knew where the book was. The history teacher soon came into the classroom after the bell rang. I could not stand up and greet the teacher. I was crying my heart out. The teacher came and asked me why I was crying. My friend told him I lost a book. He asked my classmates where the book was, and no one made a sound. He told me, “Don’t worry. I will find another book for you.” But, I did not have the book and had to copy the materials from others until the academic year ended. My tears were shed not just because I had to copy teaching materials by hand, but also because I love books. I learned so much from reading books. I also wanted to learn Burmese language. I do not hate the language. If we know different languages, it can help us. The language I love and cried for is now helping me with (1) comparing scriptures in Karen with the Burmese version for better understanding and (2) helping other ethnic groups by speaking in Burmese. I can say I am reaping the joy of learning Burmese language in tears. When we sow, we may sow in tears, when we reap, surely we will reap in joy. 

Reflection

Think of a situation in which you sowed in tears, but later reaped in joy. 
How does it encourage you today?

Prayer

God, I thank you for letting me reap bushels of harvest in joy. You do great things for me and I am joyful. In Jesus’ Name I pray. Amen.

Tharah Mu Kapaw Htoo
Denver Karen Baptist Church, Denver
Denver, Colorado