လါမ့ၤ ၆, ၂၀၂၁
တၢ်နာ်မၤဘျါက့ၤတၢ်
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – စံၣ်ညီၣ်ကွီၢ် ၄, စံၣ်ညီၣ်ကွီၢ် ၅, ယိၤဟၣ် ၄:၄၃-၅၄, ယိၤဟၣ် ၅:၁-၁၅, စံးထီၣ်ပတြၢၤ ၅၇:၁-၆
‘‘ယ့ၣ်ၡူးစံးဘၣ်အီၤ, က့ၤက့ၤတက့ၢ်. နဖိခွါမူဝဲလီၤ. ဒီးပှၤတဂၤန့ၣ်နာ်တၢ်ကတိၤလၢယ့ၣ်ၡူးစံးဘၣ်အီၤ, ဒီး က့ၤက့ၤဝဲလီၤ.’’
ယိၤဟၣ် ၄:၅၀
လၢပတၢ်အိၣ်မူအပူၤပဘၣ်လဲၤခီဖျိတၢ်အါကလုာ်လီၤ. တၢ်ဆူးတၢ်ဆါမ့ၢ်တၢ်လၢ ပဘၣ်လဲၤခီဖျိဒ်ပှၤကညီအိၣ်လၢ ဟီၣ်ခိၣ်လိၤန့ၣ်လီၤ. တဘျီဘျီပသးဟးဂီၤ, တဘျီဘျီပသးဖှံ, ဘၣ်ဆၣ်, တၢ်အကါဒိၣ်လၢပတၢ်လဲၤခီဖျိအပူၤန့ၣ် မ့ၢ်ဒၣ်ပကဘၣ်အိၣ်ဒီးတၢ်နာ်န့ၣ်လီၤ. ပဖးဘၣ်ဖဲ (ယိၤဟၣ် ၄:၄၆-၅၄) န့ၣ်, ပဒိၣ်တဂၤလၢ အဖိခွါဆါဒီးဘူးကသံ တဂၤန့ၣ် ဃုဒီးသုးဘူးအသးဆူကစၢ်ခရံာ်ဒီးဃ့တၢ်လၢတၢ်နာ်လီၤ.
ကစၢ်ခရံာ်တလဲၤပိာ်အခံလၢကမၤဘျါအဖိခွါဘၣ်. မ့မ့ၢ်တခီ, ကစၢ်ခရံာ်တဲအီၤ, ‘‘က့ၤက့ၤတက့ၢ်. နဖိခွါမူဝဲလီၤ.’’ ပဒိၣ်တဂၤအံၤ တကွဲဆူၣ်ခရံာ်, တဒူဝဲ, ဒီး တတဲဝဲလၢ, ‘‘ဘၣ်မနုၤနဟဲပိာ်ယခံတကဲဘၣ်လဲၣ်. ယဖိခွါကသံလီၤ.’’ မ့မ့ၢ်တခီ, ခရံာ်တဲအီၤလၢကက့ၤက့ၤဒီး အဝဲက့ၤက့ၤဝဲလီၤ. ပဒိၣ်အံၤအတၢ်နာ်အဃိ ခရံာ်အစိကမီၤမၤတၢ် အဒိၣ်အမုၢ်ဒီး အနီၢ်ကစၢ်တချုးက့ၤတုၤလၢ ဟံၣ်ဒံးဘၣ်န့ၣ် အန့ၢ်ဘၣ်တၢ်ကစီၣ်အမုာ်လၢ အဖိခွါမူဝဲလီၤ.
ယမိၢ်တဲဘၣ်ယၤ, တဘျီဖဲယနီၢ်ဆံးတသ့ၣ်ညါဘၣ်ဒံးတၢ်နီတမံၤအခါ, ယဆိးက့နး, တၢ်သးအီၣ်ယၤဒီဂၤညါ, ဒီး ယဖု ယမိ ယပါသ့ၣ်တဖၣ် ဘါထုကဖၣ်လၢကစၢ်ယွၤ ဒီး စံးဝဲလၢ ယမ့ၢ်ဘျါ, မ့ၢ်အိၣ်ဆူၣ်ထီၣ်န့ၣ်, အဝဲသ့ၣ် ကကွၢ်ဒိၣ်ထီၣ်ယၤ လၢယကမၤဘၣ်ကစၢ်ယွၤအတၢ်မၤလီၤ. လၢကစၢ်ယွၤအဘျုးအဖှိၣ် အတၢ်ဆိၣ်ဂ့ၤအဃိ, ယဘျါက့ၤဒီး မၤလိမၤဒိးဘၣ် တၢ်မၤလိတဆီဘၣ်တဆီ, ဒီးလၢခံ, ကဲထီၣ်ဘၣ်ပှၤမၤကစၢ်ယွၤအတၢ်မၤ ဒ်မိၢ်ပၢ်ဖံဖုအတၢ်ဃ့ဘါထုကဖၣ်, နာ်ဝဲအသိးန့ၣ်လီၤ.
မ်ပကအိၣ်ဒီးတၢ်စူၢ်တၢ်နာ်အဂၢၢ်အကျၢၤဖဲပဘၣ်ကွၢ်ဆၢၣ်မဲာ် တၢ်ဆူးတၢ်ဆါ တၢ်နးတၢ်ဖှီၣ်အခါတက့ၢ်. လၢပတၢ်နာ်အဃိန့ၣ် ခရံာ်အစိကမီၤမၤဘျါက့ၤပှၤသ့ မ့မ့ၢ်လၢတၢ်ဘၣ်အသးအဃိန့ၣ်လီၤ.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
တၢ်မနုၤမၤစၢ်လီၤနတၢ်စူၢ်တၢ်နာ် ဒီး တၢ်မနုၤမၤဆူၣ်ထီၣ်နတၢ်စူၢ်တၢ်နာ်လဲၣ်.
တၢ်ထုကဖၣ်
ကစၢ်ဧၢ, ပစံးဘျုးနၤဒိၣ်မးလီၤ. မၤစၢၤဘၣ်နဖိမုၣ်ဖိခွါလၢစူၢ်နာ်နၤကိးဂၤ ဒ်သိးကအိၣ်ဒီးတၢ်နာ်အဂၢၢ်အကျၢၤ ဒီးတီဒီးကစၢ်တုၤတၢ်လၢတၢ်ပှဲၤတစုန့ၣ်တက့ၢ်. လၢခရံာ်အမံၤပဃ့နၤလီၤ, အၤမ့ၣ်.
သရၣ်မုၣ်အ့စၢ်သီ
အမရ့လိာ်ဂံၢ်ခီၣ်ထံးကညီဘျၢထံတၢ်အိၣ်ဖှိၣ်
အမရ့လိာ်, ထဲးက်စၢးစ်ကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
May 6, 2021
FAITH HEALS
Bible in A Year: Judges 4, Judges 5; John 4:43-54, John 5:1-15; Psalm 57:1-6
“Jesus said to him, “Go your way. Your son lives.” The man believed the word that Jesus spoke to him, and he went his way.”
John 4:50 WEB
We have to go through so many experiences in life. Sickness is also a part of the human condition and a fact of life. Sometimes, we feel discouraged. Sometimes, we feel joyful. No matter what we go through, faith is fundamentally important in our lives. We read in John 4:46-54 about a nobleman, whose son was gravely ill and near death. He approached Jesus Christ in faith to follow him and heal his son. Jesus did not follow Him to heal his son. Instead, Jesus told him, “Go your way. Your son lives.” This nobleman did not force Christ to follow him or complain. He did not say, “Why didn’t you come with me. My son is dying.” Jesus told him to go his way and he did. The faith of the nobleman allowed Christ’s great power to work and he got the good news that his son lived, even before he got home.
My mother told me that when I was very young I got really sick with a skin condition with severe itches tormenting my entire body. My grandpa and parents prayed to God to heal me and made a promise that they would raise me up to serve God. By God’s grace, I was healed. I went through school step by step and later became a servant of God just as my parents and grandparents prayed and believed.
Let us hold onto steadfast faith during sickness and trials. Because of our faith, Christ can heal us according to His will.
Reflection
What weakens your faith and what strengthens your faith?
Prayer
Lord, I praise You. Help your children to trust in You with full assurance and be true to You until all of Your promises are fulfilled. In Jesus’ Name we pray. Amen.
Tharah Mu Esther Thaw
Amarillo First Karen Baptist Church
Amarillo, Texas