လါနိၣ်ဝ့ဘၢၣ် ၃

ယွၤမၤမူပှၤလီၤ

တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ယဃ့းစက့လး ၁, ယဃ့းစက့လး ၂, ယဃ့းစက့လး ၃, ဧ့ၤဘြံၤ  ၄:၁၄-၁၆, ဧ့ၤဘြံၤ ၅:၁-၁၀,
စံးထီၣ်ပတြၢၤ ၁၁၉:၁၅၃-၁၆၀

‘‘နကလုၢ်ကထါအခီၣ်ထံးန့ၣ်မ့ၢ်အမ့ၢ်အတီလီၤ. ဒီးနတၢ်တီတၢ်လိၤအတၢ်စံၣ်ညီၣ်တဖၣ်န့ၣ် အိၣ်ဝဲလီၤစိၤလီၤထီကိးထံၣ်ဒဲးလီၤ.’’                        စံးထီၣ်ပတြၢၤ ၁၁၉:၁၆၀

ပှၤကွဲးထါတဂၤအံၤ, အဲၣ်ဒိးလၢကစၢ်ယွၤကသ့ၣ်ညါအတၢ်ကီတၢ်ခဲ, အတၢ်နးတၢ်ဖှီၣ်, အတၢ်တဘၣ်သူၣ်ဘၣ်သး သ့ၣ်တဖၣ်,  ဒီးအဲၣ်ဒိးစ့ၢ်ကီးလၢကစၢ်ယွၤကပာ်ဂၢၢ်ပာ်ကျၢၤအတၢ်အဲၣ်ကစၢ်ယွၤထဲလဲၣ်, အတိၢ်န့ၢ်မၤထွဲယွၤ အတၢ်သိၣ်တၢ်သီသ့ၣ်တဖၣ်ထဲလဲၣ်န့ၣ်လီၤ.

ယနီၣ်ကစၢ်ဒၣ်ယဲစ့ၢ်ကီး လၢတၢ်စူၢ်တၢ်နာ်ယွၤတကပၤန့ၣ်တဘျီဘျီ ယမၤယသးဒ်ဖိသၣ်အသိး, ကဒံကဒါဒီး ကိၢ်သွး, ကိၢ်ကဖးန့ၣ်လီၤ. ဘၣ်ဆၣ်ယကွၢ်တရံးက့ၤလၢ ယလီၢ်ခံ ဆူအယံၤဒီး ယထံၣ်ဘၣ်ထဲတၢ်ဘျုးတၢ်ဖှိၣ်, တၢ်ဆိၣ်ဂ့ၤ လၢယဂံၢ်က့ၤတလၢာ်သ့ၣ်တဖၣ်န့ၣ်လီၤ. ဖဲယသးအိၣ်တဆံဃုနံၣ်အခါ တၢ်ကိၢ်ခါကၠိမ့ၢ်ပျၢ်န့ၣ် ယကဘၣ်လဲၤထီၣ်ဆှၢယတခွါမုၣ်အတၢ်ဖျီအဃိ ယသးခုဒိၣ်မးလီၤ. အဝဲလဲၤဖျီအသးဖဲ အလဲၤမၤတၢ်အလီၢ်, မီၣ်ကိဒၢသဝီ, ကစၢၢ်ပူၤကဝီၤလီၤ. တၢ်အဒိၣ်ကတၢၢ်လၢအထုးန့ၢ်ယသးမ့ၢ် ယအဲၣ်ဒိးထီၣ်ကစၢၢ်, အဲၣ်ဒိးထံၣ်ဘၣ် တၢ်ဘၣ်တ့တဖၣ်ဒီး ဟးလိာ်ကွဲ လၢပှၢ်လၢ်ကျါဒ်ဖိသၣ်အတၢ်ဆိကမိၣ်အသိးလီၤ. တုၤမ့ၢ်တၢ်ဖျီဝံၤဒီး ပကလဲၤဟး ဆူယဖါတံၢ်အသဝီလၢ သဝီအဂၤတဖျၢၣ်န့ၣ်လီၤ. ပလဲၤတုၤတၢ်လီၢ်တတီၤဒီး ယကွၢ်လီၤဆူတြီၤလာ် ယထံၣ်ဘၣ် သဲးအမုၢ်တဖၣ် အိၣ်ဖျါဒၣ်ကဝီၤကျီၤ လါလါဖိတဖၣ်လီၤ. တြီၤအံၤဖးထီညါလီၤ. ကျဲလၢပဟးတခီမ့ၢ်လၢ မနၤကၢာ် ပှၤဝီလီၤဃာ်ကျီၢ်အဃိ ဟီၣ်ခိၣ်ကဖူၣ်အသး န့ၣ်လီၤ. ဖဲယလဲၤတုၤလၢ တၢ်လီၤဘံဖိတခါန့ၣ်ယယီၢ်ဘၣ်ဟီၣ် ခိၣ်ကပုာ်ဒီးယခီၣ်ချံးအဃိ ယလီၤတလ့ၣ်ဆူတြီၤပူၤလီၤ. ဘၣ်ဆၣ်ယလဲၤတီာ်ထီၣ်ယသးလၢတပှီာ်တလိၣ်အလိၤလီၤ. ဖဲန့ၣ်သဝီသးပှၢ်တဂၤတဲယၤ-‘‘အိၣ်တဘျးဖိ, တဘၣ်ဟူးတဂ့ၤ.’’ ဖဲန့ၣ်အဝဲလဲၤကျီထီၣ်ဝၣ်တဘိ, ပဲာ်ကွံာ်ဝဲအဒ့ အလၣ်ဝံၤ စဲၤလီၤဝဲဆူယအိၣ်ဒီးတဲဝဲဖီၣ်ကျၢၤကျၢၤ-ဝံၤ ပှၤထုးထီၣ်ယၤကယီကယီဖိန့ၣ်လီၤ. ယစံးဘျုးစံးဖှိၣ်အီၤဝံၤ ဒီးပလဲၤလီၤတဆီတဆီ တုၤလီၤလၢသဲးအခီၣ်ထံး, ဒီးယကွၢ်ထီၣ်ကဒါက့ၤဆူ ကျဲလၢယဟဲတ့ၢ်အခါ ယတဲက့ၤ တၢ်မနုၤမးတဘၣ်လၢၤဘၣ်. အဂ့ၢ်ဒ်လဲၣ်- တပှီာ်လၢယအိၣ်ထီဃာ် လၢအလိၤန့ၣ်မ့ၢ်ဒၣ်တၢ်အမုၢ်ဆံးဆံးဖိတမုၢ် န့ၣ်လီၤ. ယွၤထံၣ်ယတၢ်ကီတၢ်ခဲဒီးမၤစၢၤယၤလီၤ. ပူၤကွံာ်လံအနံၣ်လွံၢ်ဆံလံ. ဘၣ်ဆၣ်ယသးကလုာ်အဖၢမုၢ်ဒံးလီၤ. 

တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ

ဖဲပကွၢ်က့ၤတၢ်လၢအပူၤကွံာ်တဖၣ်န့ၣ် ပကအိၣ်ဒီးတၢ်သံကွၢ်လီၤက့ၤပသးတဖၣ်အါမးန့ၣ်လီၤ. တၢ်စံးဆၢထဲတခါ မ့ၢ်ဒၣ် – ယွၤမၤမူပှၤ – န့ၣ်လီၤ. နဆိကမိၣ်လၢယွၤပာ်မူနၤဒ်အဖၢမုၢ်လၢမနုၤအဂီၢ်လဲၣ်. မ့ၢ်နအဲၣ်ဒိးယွၤပာ်သူၣ်ပာ်သးလၢ နအဲၣ်အီၤ, ဒိကနၣ်အီၤထဲလဲၣ်န့ၣ်ဧါ.

တၢ်ထုကဖၣ်
ပၢ်သးဘိယွၤဧၢ, နဲၣ်လိပှၤဒ်သိးပကဂံၢ်က့ၤပမုၢ်နံၤတဖၣ်ဒီးအိၣ်ဒီးသးလၢအစံးဘျုးနၤထီဘိန့ၣ်တက့ၢ်. လၢခရံာ်အမံၤပဃ့နၤလီၤ. အၤမ့ၣ်.

နီၣ်လီရၣ်
ချၢၣ်သဝီ
ကီၢ်လါ

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

November 3

GOD KEEPS ME ALIVE

Bible in a Year: Ezekiel 1, Ezekiel 2, Ezekiel 3; Hebrew 4:14-16, Hebrew 5:1-10; Psalm 119:153-160

“All of your words are truth. Every one of your righteous ordinances endures forever.”  
Psalm 119:160 WEB

The psalmist hoped that God witnessed his pain, hardship, and concerns.  He also wanted God to recognize his love for the Lord and how he lived up to His commandments.  

Sometimes, my faith in God waivers. I act like a child. But, when I look back, I realize that God’s blessings are so numerous that I can hardly count them. During one Summer holiday, I was so excited because a cousin of mine asked me to be her bridesmaid. I was sixteen then.  The wedding was at a village called ‘Maw Koe Der’ in a very remote area in Taungoo. I looked forward to climbing the mountain, seeing God’s beautiful creation, and walking in the forest.  When the wedding was over, I went with my uncle to visit his village. When we reached the mountain top, I looked down the deep valley and saw a grove of betel nut trees. The valley was so deep that I could only see the tops of the trees. They were round and green. The path that we had to travel was very dusty because last night a herd of cows and oxen walked along it. Suddenly, I stepped on soft ground, and I slipped and fell. As I was rolling down the valley I hit a tree and got stuck on it. An elderly man told me not to move, but to wait for a moment. He cut down a bamboo tree, cleaned the branches, and then lowered it to me. He told me to grab the bamboo firmly. They pulled me slowly until I was safe in their arms. I thanked them for saving me from falling. We continued on our journey down the valley until we reached the betel-nut grove. When I looked up I was so stunned because the tree on which I got stuck was just a tiny plant. God saw I was in trouble and He rescued me. It was 40 years ago, but whenever I think of that moment, it still makes my heart race. 

Reflection

Looking back to the past, there will be many questions to ask about our lives. The one correct answer is “God keeps us alive.” For what purposes do you think God keeps you alive? Would you want God to recognize how much you love and obey Him?

Prayer

Father, teach us to number our days and always count our blessings.  In Jesus’ Name I pray. Amen.

Naw Laura
Kler Church
Myanmar