လါအ့ဖြ့ၣ် ၁၂, ၂၀၂၁
ယွၤသးဟ့တၢ်လၢတဘၣ်အသး
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၅မိၤၡ့ ၁၆:၂၁-၂၂, ၅မိၤၡ့ ၁၇, ၅မိၤၡ့ ၁၈,
လူၤကၣ် ၁၄:၁၅-၃၅, စံးထီၣ်ပတြၢၤ ၄၄:၁၃-၂၆
‘‘သူၣ်အၡ့ရၤဘူးဒီးယွၤနကစၢ်အတၢ်လုၢ်လီၢ်လၢနကမၤလၢနဂီၢ်နီတမံၤတဂ့ၤ. ဒီးဘိးဆၢထၢၣ်တၢ်ဂီၤလၢယွၤနကစၢ်သးဟ့အီၤတဂ့ၤ.’’
၅မိၤၡ့ ၁၆:၂၁-၂၂
တဘျီယၤဒီးယသကိးပလဲၤတၢ်သးခုကစီၣ်လၢကစၢၢ်ခိၣ်သဝီတဖျၢၣ်လီၤ. ပလဲၤလီၤတဲပှၤ, ခဲမုၢ်ဆ့ၣ်ပကလဲၤ ဘါယွၤ လၢတၢ်အိၣ်ဖှိၣ်ဖိဟံၣ်တဖျၢၣ်, လၢတဘျီမ့ၢ်ပှၤလၢနာ်ခရံာ်ဘၣ်ဆၣ်, မ့ၢ်လၢတၢ်ဆူးတၢ်ဆါမၤတံာ်တာ်အံၤ အဃိ, လၢခံ က့ၤက့ၤဆူမိၢ်လုၢ်ပၢ်လၢ် ဒီးမၤက့ၤဝဲ လၢထံအူထံသမူ, တုၤဒၣ်လဲာ် တၢ်လၢအိၣ်ဒီးအီၤတဖၣ်လၢာ်ဝဲ ဃၣ်ဃၣ်လီၤ. သနာ်က့, တၢ်ဆါတဘျါ အမဲာ်ညါနးထီၣ်တခီလီၤ. ကစၢ်လီတၢ်ဝ့ၤတၢ်တဖၣ် ဟ့ၣ်သ့ဒၣ်ထဲ တၢ်မုၢ်လၢ်လၢ အတမ့ၢ်တတီအဃိ, ယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.
ဟါခီပမၤတၢ်သူၣ်ဖှံသးညီအတၢ်ရဲၣ်လီၤကျဲၤလီၤ, ဒီး ပထံၣ် လၢတၢ်အိၣ်ဖှိၣ်ဖိတဖၣ်သးခုဒိၣ်မးလီၤ. မုၢ်ဆ့ၣ်ထီၣ်မ့ၢ် မုၢ်အိၣ်ဘှံးနံၤလီၤ. ပလဲၤလၢသရိာ်ဖဲပအိၣ်ခိးတၢ်အခါ မုၢ်ဂၢ်လၢယသါလဲၤအိၣ်သကိးအံၤဟဲလၢယအိၣ်ဒီးသံကွၢ်ယၤ, ‘‘နကသံၣ်အိၣ်ဧါ.’’ ယတဲအီၤ, ‘‘တအိၣ်ဘၣ်.’’ ယကွၢ်အတၢ်ဆါ မ့ၢ်ကဘုထံဒီတဂၤညါအထးခိၣ်အပျ့ၤလီၤစဲၤဖး ဒိၣ်လီၤ. ယသးကညီၤအီၤဒိၣ်မး လီၤ. ယတဲအီၤပကဃ့ဘါထုကဖၣ်လၢနဂီၢ်, ဝံၤဒီးတၢ်ဆၢကတီၢ်ဘၣ် ဒီး ပလဲၤထီၣ်လၢသရိာ်ပူၤဒီး ဘါသကိးယွၤလီၤ.
ဟါခီပလဲၤဘါသကိးယွၤလၢမုၢ်ဂၢ်အံၤအဟံၣ်ဒီးတူၢ်လိာ်ပှၤလီၤ. အဝဲဆ့ၣ်နီၤချံးလီၤအခီၣ်, ဖှိၣ်ထီၣ်အစု သညူး သပှၢ်လီၤ. ယဃ့ဘါထုကဖၣ် ဒ်သိးယွၤကစၢတံၢ်မုၣ်ကီၤလံၢ်, ဒ်သိးအတမၤတံာ်တာ်အီၤလၢ, အသုတဒိကနၣ် ယွၤအကလုၢ်တဂ့ၤအဂီၢ် လီၤ. ယမၢယသကိးသးဝံၣ် (လၢမံၤယ့ၣ်ၡူးအပူၤ… ပကမၤနၢၤတၢ်…တၢ်နါကဃ့ၢ် ထီၣ်ကွံာ်ဝဲ…ဖဲပဒုးလၢယ့ၣ်ၡူးမံၤန့ၣ်…တၢ်မၤအၢပှၤ တသ့ဘၣ်…ပကမ့ၢ်ပှၤမၤနၢၤတၢ်). ဝံၤယသံကွၢ် အီၤ, ‘‘နနာ်လၢခရံာ်မၤဘျါနၤသ့ဧါ.’’ အဝဲစံးဆၢယၤ, ‘‘ယနာ်လီၤ.’’ ဖဲပမၤတၢ်တသ့အါအါလၢပှၤအဂီၢ်န့ၣ်, ထီဘိ ပဟ့ၣ်သ့တၢ်ဟ့ၣ်လၢ အမ့ၢ်ခရံာ် မ့ၢ်လၢ ထဲအဝဲတဂၤမၤဘျါပှၤ ဒီးမၤပူၤဖျဲးပှၤလၢတၢ်ဝံတၢ်ယိးအဃၢလၢ လၢတၢ်ဂီၤတၢ်ဖီၣ်အကစၢ်ပာ်လၢပလိၤတဖၣ်လီၤ.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
တၢ်ဂီၤတၢ်ဖီၣ်မနုၤတဖၣ်ကဲထီၣ်တၢ်ဝံဃၢလၢနဂီၢ် လၢမုၢ်မဆါတနံၤအံၤလဲၣ်. လၢပတၢ်အိၣ်မူအပူၤ ဖဲပဘၣ်ကွၢ် ဆၢၣ်မဲာ်, သးသမူလပီအတၢ်ခံးတၢ်နၤ, တၢ်ဆူးတၢ်ဆါတဖၣ်အခါ မ်ပကမ့ၢ်ပှၤအိၣ်ဂၢၢ်ကျၢၤ လၢပတၢ်နာ် ခရံာ်အပူၤဒီးဟးဆှဲးတၢ်လၢတဘၣ်ယွၤအသးတဖၣ်, မ့ၢ်လၢယွၤသ့ၣ်ညါတၢ်လၢအဂ့ၤကတၢၢ်တဖၣ်လၢပဂီၢ်န့ၣ်လီၤ.
တၢ်ထုကဖၣ်
ကစၢ်ယွၤဧၢ, ဝံသးစူၤမၤစၢၤယၤဒ်သိးတၢ်လၢတဘၣ်ယွၤအသး, ယွၤသးဟ့တဖၣ်, ယသုတမၤဘၣ်အီၤဒီး ယကဟးဆှဲးအီၤကိးမံၤဒဲးတက့ၢ်. လၢခရံာ်အမံၤယဃ့နၤလီၤ. အၤမ့ၣ်.
သရၣ်မုၣ်ဆၣ်လီၤအဲၣ်ဖီ
လ့ခၢၣ်ကညီဘျၢထံခရံာ်ဖိတၢ်အိၣ်ဖှိၣ်
လ့ခၢၣ်, နဘြၤစကၤကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
April 12, 2021
GOD HATES IDOLATRY
Bible in A Year: Deuteronomy 16:21-22, Deuteronomy 17, Deuteronomy 18; Luke 14:15-35; Psalm 44:13-26
“You shall not plant for yourselves an Asherah of any kind of tree beside Yahweh your God’s altar, which you shall make for yourselves. Neither shall you set yourself up a sacred stone which Yahweh your God hates.”
Deuteronomy 16:21-22 WEB
Once, my friend and I went on a short mission trip to a village in the mountains. We told the villagers, “Tomorrow, we will go and worship with a family that accepted Christ, but later went back to the traditional animism in hopes of being healed from an illness. They followed occult practices prescribed for healing and spent so much money that they had almost no money left. However, the illness did not go away, but got worse. False gods give us false hope and that is why God hates idolatry.
In the evening, we had a fun program in the village and saw many villagers having fun. The next day was Sunday. When we were in church waiting for the worship to begin, the lady, whom we planned to visit later that day, came to me and asked, “Do you have medicine?” I replied, “I do not.” I looked at her and she was swollen all over her body and her swelling tongue was sticking out. My heart just ached for her with so much compassion. I told her I would pray for her. Afterwards, we joined the worship service.
In the evening, we visited her and she accepted us. She sat and folded her hands reverently. I prayed to God and asked Him to tie up the devil’s hands so it would not bother this lady or that this lady would not listen to the devil. I asked my friend to sing a song with the lyrics, “In Jesus’ Name, we have victory…the devil will flee…when we fight in Jesus’ Name…it can’t harm us…we are victors.” I asked her, “Do you believe in Jesus Christ to heal you?” She answered, “Yes, I do.” There was not much we could do on our own; but we could always give the gift of Christ for He alone can heal us and free us from the heavy burdens false gods put on us.
Reflection
In life when we face the darkness of the storms and illnesses, let us be steadfast in our faith and keep away from things God hates for God knows what is best for us.
Prayer
God, please help me to keep away from things God hates. In Jesus’ Name we pray. Amen.
Tharah Mu Hsar Law Eh Paw
Lincoln Karen Baptist Church
Lincoln, Nebraska