လါအ့ဖြ့ၣ် ၁၁, ၂၀၂၁
တၢ်ပျၢ်ဖျဲး
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၅မိၤၡ့ ၁၅, ၅မိၤၡ့ ၁၆:၁-၂၀, လူၤကၣ် ၁၃:၃၁-၃၅,
လူၤကၣ် ၁၄:၁-၁၄, စံးထီၣ်ပတြၢၤ ၄၄:၁-၁၂
‘‘နွံနံၣ်အကတၢၢ်န့ၣ်, နဘၣ်မၤတၢ်ထူၣ်ဖျဲးလီၤ.’’
၅ မိၤၡ့ ၁၅:၁
စံးဘျုးကစၢ်ယွၤဒိၣ်မးလၢအပျၢ်ဖျဲးန့ၢ်ပှၤလၢပတၢ်ဒဲးဘး ခီဖျိပတူၢ်လိာ်က့ၤ အဖိခွါကစၢ်ခရံာ်ဒီး ပစူၢ်က့ၤနာ်က့ၤ အီၤ အဃိလီၤ. (ယိၤဟၣ် ၃:၁၆), ဒုးသ့ၣ်ညါပှၤ လၢပဒိးန့ၢ် တၢ်မူအထူအယိာ်သ့ မ့ၢ်လၢယွၤအတၢ်ဘျုးတၢ်ဖှိၣ်, ယွၤအတၢ်သးကညီၤပှၤ, ဒီး ခီဖျိပစူၢ်က့ၤနာ်က့ၤကစၢ်ခရံာ် လၢအပျၢ်ဖျဲးကွံာ်န့ၢ် ပှၤပတၢ်ဒဲးဘး ဒီးဒိးလုၢ်ထီၣ်ကွံာ် အသးသမူလၢပဂီၢ် လၢထူၣ်စုညါအလိၤတဂၤအံၤအဃိလီၤ.
ပကအိၣ်ဒီးတၢ်သးခုနီၢ်နီၢ် ဖဲပထူၣ်ဖျဲးထီၣ်ကွံာ်လၢ တၢ်စၢဃာ်တခါခါအပူၤလီၤ. တဘျီဖဲယနီၢ်ဆံးဒံးအခါ ယလဲၤပိာ် ယမိအခံလၢပှၢ်ပူၤဖဲအလဲၤကျီသ့ၣ်မုၢ်အဆၢကတီၢ်လီၤ. ယထံၣ်ထိၣ်ဖိတဘ့ၣ် ဘၣ်စၢဃာ်အသးဒီးကပီၤလုၤဒီး လီၤစဲၤဝဲလီၤ. အဝဲဂုာ်ထူၣ်ဖျဲးအသးဘၣ်ဆၣ်ထူၣ်ဖျဲးတန့ၢ်ဘၣ်. ဖဲန့ၢ်ယတဲယမိ လဲၤဖီၣ်န့ၢ်ယၤထိၣ်ဖိအံၤလၢ ယက ဟဲက့ၤဘုၣ်ဒၢဘၣ်အီၤန့ၣ်လီၤ. ဒီးယမိလဲၤဖီၣ်န့ၢ်ယၤဒီးယသူၣ်ခုသးခု, ပာ်လီၤသး လၢကက့ၤဘူၣ်ဒၢအီၤလီၤ. ဘၣ်ဆၣ်တချုးက့ၤဒံးလၢဟံၣ် ဖဲယခိးယမိကျီသ့ၣ်မုၣ်တဝံၤဒံးအဆၢကတီၢ်န့ၣ်, ယဖီၣ်ဃာ်ထိၣ်ဖိအံၤလၢယစု အပူၤ, လီၤဂာ်လၢတဃံးကဲၣ်ဆိးဘၣ်အဃိ, အဝဲယူၤထီၣ်ကွံာ်လၢယစုညါသးအပူၤလီၤ. လီၤဂာ်လၢ အဝဲန့ၢ်ဘၣ် တၢ်သဘျ့တၢ်ထူၣ်ဖျဲးလံအဃိ အဝဲယူၤတခီခီ ကိးထီၣ်လၢ အကလုၢ်ဖိတခီခီပှဲၤဒီး တၢ်သူၣ်ဖှံသးညီလီၤ. ဒ်ယမ့ၢ်ဖိသၣ်တဂၤအသိး ယလီကီက့ၤယထိၣ်ဖိလၢအယူၤသဒၣ်ကွံာ်ယၤ, ယသးဘၣ်ဒိ ဒီး ယဟီၣ်ဒီးတၢ်မဲာ်ထံ မဲာ်နိဒီးတၢ်ဟီၣ်တၢ်ယၢၢၤလီၤ. ဖဲန့ၣ်ယမိၢ်မၤမုာ်ထီၣ်ယသးဒီးစံးဝဲဒၣ်, ‘‘ဖိဒါဧၢ, ဟီၣ်တဂ့ၤ, မ့ၢ်လၢနပျၢ်ဖျဲးကွံာ် ထိၣ်ဖိလၢအဘၣ်စၢဃာ်အသးတဘ့ၣ်အံၤအဃိ နဲစ့ၢ်ကီးနမ့ၢ်လီၤဘၣ်တၢ်ကီတၢ်ခဲတမံၤမံၤဒီး တၢ်ကပျၢ်ဖျဲးကွံာ် စ့ၢ်ကီးနၤလီၤ.’’ ဖဲန့ၣ်ယသးမံသးမုာ်က့ၤလၢယမိအတၢ်ကတိၤဟ့ၣ်ဂံၢ်ဟ့ၣ်ဘါယၤအဃိလီၤ. ယဆိမိၣ်ထီၣ်က့ၤ ထိၣ်ဖိတဘ့ၣ်အံၤ မ့တမ့ၢ်လၢယမိလဲၤဟံးထီၣ်ကွံာ်အီၤ လၢကပီၤလုၤစၢဃာ်အီၤဘၣ်ဒီး အဝဲဒၣ် န့ၣ်ကပီၤ ကအ့ၣ်သံအီၤ ဒီးကကဲထီၣ်ကပီၤအဆၣ်အီၣ် ဒီးကတုၤဆူတၢ်ဟးဂီၤသပှၢ်တၢၢ်လီၤ. ဒ်န့ၣ်အသိး ပဝဲသ့ၣ် တဖၣ်စ့ၢ်ကီး မ့တမ့ၢ်ဘၣ်လၢ ကစၢ်ယွၤအတၢ်အဲၣ်, ခီဖျိကစၢ်ခရံာ်အတၢ်ပှ့ၤက့ၤပှၤလၢတၢ်သံလီၤထူလီၤယိာ် အပူၤဘၣ်ဒီး, ပကကဲထီၣ်မုၣ်ကီၤလံၢ်အဖိတဖၣ်ဒီးပသးသမူကတုၤလၢတၢ်သံလီၤထူလီၤယိာ်အပူၤလီၤ. ဒ်ကစၢ် ခရံာ်ပျၢ်ဖျဲးကွံာ်ပတၢ်ဒဲးဘး, ပတၢ်ကမၣ်အသိး အဝဲအဲၣ်ဒိးလၢပကပျၢ်ကွံာ်စ့ၢ်ကီး ပှၤဂၤအတၢ်မၤကမၣ်ဘၣ်ပှၤ ဒ်ကစၢ်ယွၤမၢပှၤအံၣ်စရ့လးဖိပျၢ်ဖျဲးကွံာ် ပှၤအဒ့ၣ်ကမၣ် ဒီးအကုၢ်ပိာ်မုၣ်ပိာ်ခွါတဖၣ် လၢနွံနံၣ်တဘျီနွံနံၣ်တဘျီလီၤ.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
အလီၢ်အိၣ်လၢနကဘၣ်ပျၢ်ဖျဲးပှၤတဂၤဂၤဧါ.
တၢ်ထုကဖၣ်
ကစၢ်ဧၢ, ဝံသးစူၤမၤကဆှီထီၣ်ပသးဒီၤမၤစီဆှံထီၣ်ပသး, မၤစၢၤပှၤဒ်သိးပကသ့ပျၢ်ဖျဲးကွံာ် ပှၤဂၤအတၢ်မၤကမၣ် ဘၣ်ပှၤန့ၣ်တက့ၢ်. လၢခရံာ်အမံၤပဃ့နၤလီၤ, အၤမ့ၣ်.
သရၣ်အါစဲးမူ
လ့ခၢၣ်ကညီဘျၢထံခရံာ်ဖိတၢ်အိၣ်ဖှိၣ်
လ့ခၢၣ်, နဘြၤစကၤကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
April 11, 2021
PARDON
Bible in A Year: Deuteronomy 15, Deuteronomy 16:1-20; Luke 13:1-35,
Luke 14:1-14; Psalm 44:1-12
“At the end of every seven years, you shall cancel debts.”
Deuteronomy 15:1 WEB
I thank God for pardoning us from our sins when we put our trust in Jesus Christ, God’s Son. John 3:16 tells us, through faith in Jesus Christ, who pardons our sins by sacrificing His life on the cross, we receive eternal life because of His grace and mercy.
We are overjoyed whenever we are freed from any type of bondage. When I was young, I followed my mother when she went to the forest to cut firewood. I saw a little bird dangling and caught in a spider web. It tried to free itself, but to no avail. I told my mother to rescue the bird and take it home for me to have as a pet. My mother got the bird and I was happy. I made up my mind to take care of it. While I was waiting for my mother cutting wood, I was holding the little bird, but I guess I did not hold it tight enough. It flew out of my hand. The little bird was flapping its little wings and chirping; it was full of joy escaping from a trap. I felt so bad that the little bird flew away from me and I cried. My mother comforted me by saying, “My young child, don’t cry. Because you pardoned this little bird from a snare, you will also be pardoned when you get trapped in danger.” I felt comforted by my mother’s encouraging words. I thought if my mother did not remove the bird off a spider web, it would have become the spider’s meal and faced death. Likewise, had it not been for God’s love and saving grace that redeemed us with Jesus’ blood, we would have become children of the devil and face eternal death. God pardons our sins, and He also wants us to pardon others’ wrongdoings, just as He wanted the Isaraelites to pardon those who owed them debts.
Reflection
Is there a need for you to pardon someone?
Prayer
God, please cleanse and sanctify our hearts, and help us so we can pardon others’ wrongdoings against us. In Jesus’ Name we pray. Amen.
Tharah Isaac Moo
Lincoln Karen Baptist Church
Lincoln, Nebraska