လါယနူၤအါရံၤ ၁၄, ၂၀၂၁
ထွဲထီၣ်နခီၣ်ဆူတၢ်ကွဲမုာ်
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၁မိၤၡ့ ၂၉, ၁မိၤၡ့ ၃၀, မးသဲ ၁၁:၁၆-၃၀,
စံးထီၣ်ပတြၢၤ ၉:၇-၁၂
‘‘ဒီ;စီၤယၤကိာ်ထွဲထီၣ်အခီၣ်, ဒီးလဲၤတုၤလၢပှၤမုၢ်ထီၣ်ဖိအကီၢ်လီၤ.’’
၁မိၤၡ့ ၂၉:၁
ပဖးဘၣ်ဖဲ (မးသဲ ၁၁:၂၈-၃၀), ‘‘ပှၤလၢတၢ်ဘှံးအသး ဒီးဝံတၢ်ယိးတၢ်ဃၢခဲလၢာ်သ့ၣ်သုဧၢ, ဟဲဆူယအိၣ်တက့ၢ်. ဒီးယကဒုးအိၣ်ဘှံးသုလီၤ. ဟံးထီၣ်ယနီၢ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤ ဒီးယသးဆီၣ်လီၤယသး လီၤ. ဒီးသုကထံၣ်န့ၢ်တၢ်အိၣ်ဘှံးလၢသုအဂီၢ်လီၤ. အဂ့ၢ်ဒ်အံၤ ယနီၢ်ယိးဘိမ့ၢ်အညီဒီး, ယတၢ်ဝံတၢ်ယိး မ့ၢ်အဖှံလီၤ.’’ ကိးနံၤဒဲး ဒ်စီၤယၤကိာ်ထွဲထီၣ်အခီၣ်အသိး, နကထွဲထီၣ်နခီၣ် ဒီးလဲၤတၢ်လီၤ. တဘျီဘျီ နကဘၣ်တၢ်ကွဲနၤလၢနတံၤသကိး, နတၢ်အိၣ်ဖှိၣ်, ဒီးနတဝၢဖိတဖၣ်လီၤ. လၢနထွဲထီၣ် နခီၣ်ဒီး လဲၤတၢ်လၢတၢ်ဂ့ၢ်အါမံၤအပူၤန့ၣ်, ဒ်ပှၤသးဝံၣ်တၢ်ဖိ စီၤဘျးသးဝံၣ်ဝဲအသိး, တဘျီဘျီယလီၤဘှံး, တဘျီဘျီ နကလီၤဘှံးလီၤ. နမ့ၢ်လီၤဘှံးန့ၣ် ထွဲထီၣ်နခီၣ်ဆူတၢ်ကွဲမုာ်လၢအဖျါဖဲ (မးသဲ ၁၁:၂၈-၃၀) န့ၣ်တက့ၢ်. မ့ၢ်ကစၢ် ခရံာ်ကွဲမုာ်နၤလီၤ. လဲၤဆူအအိၣ်, ကတိၤတၢ်ဒီးအီၤခီဖျိ တၢ်ထုကဖၣ်, ဒီးဒိကနၣ်အတၢ်ကတိၤ လၢတၢ်ဖးလံာ်စီဆှံ တက့ၢ်. ဖဲန့ၣ်တၢ်ဘှံးနသးလၢနီၢ်ခိမ့ၢ်ဂ့ၤနီၢ်သးမ့ၢ်ဂ့ၤ ကဟါမၢ်, ဒီးနကထံၣ်န့ၢ်တၢ်ဝံတၢ်ယိး လၢဟီၣ်ခိၣ်အံၤ ကညီဒီးကဖှံဝဲလီၤ. ဒီးနကထံၣ်သကွ့ၤတၢ်လီၢ်လၢခရံာ်ကတဲာ်ကတီၤန့ၢ်လၢနဂီၢ်န့ၣ်လီၤ (ယိၤဟၣ် ၁၄:၂-၃).
တဘျီယဒီပုၢ်ဝဲၢ်မုၣ်တဂၤစံးဝဲလၢတအဲၣ်ဒိးမၤဃုာ်သကိးတၢ်ဒီးပှၤလၢၤဘၣ်. ပအိၣ်လၢပှၤအံၤတဃၣ်ဖိအကျါ ဒီး ပမ့ၢ်လီၤမုၢ်လီၤဖးန့ၣ်, ပကဲထီၣ်တၢ်လီၤဃံၤအလီၢ်န့ၣ်လီၤ. တၢ်အံၤမၤတမုာ်ယသးဒီးကဲထီၣ်တၢ်သးဘှံးလၢယဂီၢ် ဒိၣ်မးဘၣ်ဆၣ် ယမၤတၢ်တသ့နီတမံၤဘၣ်. အဃိယထွဲယခီၣ်ဆူကစၢ်ခရံာ်အတၢ်ကွဲမုာ်ယၤဖဲ (မးသဲ ၁၁:၂၈-၃၀) အပူၤဒီးယပာ်ထီၣ်ယတၢ်ဝံတၢ်ယိးခဲလၢာ်ဆူအလိၤန့ၣ်လီၤ. ယထွဲယခီၣ်ဒ်လဲၣ်န့ၣ် ယဟံးန့ၢ်က့ၤတၢ်ဆၢကတီၢ် တနံၤ ဒီးယဒုၣ်တၢ်အီၣ်, ဖးလံာ်လီၣ်ဖျါဒီတဘ့ၣ်ညါ, ဒီးဃ့ထုကဖၣ်လီၤ. ဖဲန့ၣ် ယအိၣ်ဂံၢ်အိၣ်ဘါက့ၤ ဒီးတၢ်သးဝံၣ် လၢယသးဝံၣ်အဆိကတၢၢ်တယုၢ်န့ၣ် ဖဲထါသးဝံၣ် ၃၆၃, သးလဲလိာ်က့ၤဆူတၢ်အဲၣ် လီၤ. ဖဲယပာ်ထီၣ်တၢ်ခဲလၢာ် လၢခရံာ်အလိၤန့ၣ် တၢ်ခဲလၢာ်လဲၤက့ၤအသးဂ့ၤဂ့ၤဘၣ်ဘၣ်, ဒီးပမၤသကိးက့ၤ တၢ်ပှဲၤဒီး တၢ်အဲၣ်တၢ်ကွံ, တၢ်ဃူတၢ်ဖိး, ဒီးဖဲပလီၤဖးလိာ်ပသးအဆၢကတီၢ်, ပသ့ၣ်နီၣ်ထီၣ်က့ၤပတၢ်ဘၣ်ထွဲ လၢအမုာ်တဖၣ်အံၤလီၤ. ဖဲနအိၣ်ဒီး တၢ်ဝံတၢ်ယိး ဒီးတၢ်ဘှံးနသးအဆၢကတီၢ်န့ၣ်, ကစၢ်ခရံာ်ကွဲမုာ်နၤ, ထွဲထီၣ်နခီၣ်လဲၤဆူခရံာ် အတၢ်ကွဲမုာ်တက့ၢ်.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
ဖဲပထံၣ်ဘၣ်တၢ်ကီတၢ်ခဲ, တၢ်ကိၢ်တၢ်ဂီၤ, တၢ်လၢအတၤပှၤတဖၣ်န့ၣ် ပခါထီၣ်ပခီၣ်ဆူလဲၣ်. ဒ်သိးနကအိၣ်ဘှံး ဘၣ်လၢနတၢ်ဝံအဃၢအဂီၢ်, တၢ်ကွဲမုာ်အိၣ်လၢနဂီၢ်တခါခါဧါ. ကစၢ်ယ့ၣ်ၡူးကွဲမုာ်နၤကိးဆၢကတီၢ်လီၤ.
တၢ်ထုကဖၣ်
ကစၢ်ခရံာ်သးဘိဧၢ, မ်ယသုတဃ့ၢ်မှံဟးဖျိး, ကဒံကဒါလၢယတၢ်ကိၢ်တၢ်ဂီၤ, တၢ်ကီတၢ်ခဲသ့ၣ်တဖၣ်အဃိတဂ့ၤ. ယကအိၣ်ဂၢၢ်ဆိးကျၢၤ, အိၣ်ဃိကလာ်ဒီးနၢ်ဟူနတၢ်ကွဲမုာ်တဖၣ်အဂီၢ် ဝံသးစူၤမၤစၢၤယၤတက့ၢ်. အၤမ့ၣ်.
သရၣ်မုၣ်စ့ဝါလ့ၣ်
အရံၣ်စိနါကညီဘျၢထံခရံာ်ဖိတၢ်အိၣ်ဖှိၣ်
ဖံန့းက်စ်, အရံၣ်စိနါကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
January 14, 2021
GET TO YOUR FEET AND SET OUT TO HIS INVITATION
Bible in A Year: Genesis 29, Genesis 30; Matthew 11:16-30; Psalm 9:7-12
“Then Jacob went on his journey, and came to the land of the children of the east.”
Genesis 29:1 WEB
We read in Matthew 11:28-30, “Come to me, all you who labor and are heavily burdened, and I will give you rest. Take my yoke upon you and learn from me, for I am gentle and humble in heart; and you will find rest for your souls. For my yoke is easy, and my burden is light.” Just as Jacob got to his feet and set out to go forward each day, you will also put one foot in front of the other to go somewhere. Sometimes, your friends or your church or your community will invite you. In moving your feet, just like the lyrics of Saw Bleh’s song, “Sometimes, I get burdened and weary; Sometimes, you get burdened and weary.” When we are struggling, do we move our feet towards the invitation offered in Matthew 11:28-30? Jesus is inviting you. Go to Jesus, talk to him through prayer, and listen to him through reading His word. There you will find rest for your body and soul. You will regain your strength and your burden will be lightened. God is preparing a place for you (John 14:2-3).
One of our church members said she could no longer work with us. We lived among unbelievers and if we were divided, we became a stumbling block. This saddened and burdened me. I had no power to change others. I just got to my feet, set out to Matthew 11:28-30, and laid my burden all on Jesus. How I moved my feet towards Jesus’ invitation was by fasting, reading the entire Revelation, and praying. I regained strength and the first song that came to my lips was Hymn# 363, ‘‘My Heart Changed to Love.” When we laid our burdens on Christ, things changed for the better. We worked together in unity and love. When she left and we had to part, we continued to have a good relationship with fond memories of our times together. Are you struggling and carrying heavy loads, Jesus’ invitation is there for you to get to your feet and set out to His invitation.
Reflection
When we face hardship, worries, and challenges, where do our feet take us? Are there invitations promising rest for you? Jesus is always inviting you.
Prayer
Dear Jesus Christ, let me not be lost and doubtful because of worries and troubles. Please help me to be still and hear your invitation.
In Jesus’ Name we pray. Amen.
Tharah Mu Say Wah Lay
Arizona Karen Baptist Church
Phoenix, Arizona