လါမာ်ၡး ၂၅, ၂၀၂၁
တၢ်ဘၣ်ဆၢၣ်ဘၣ်တီၤအဘူးကတၢၢ်လၢတၢ်ဟးဂူာ်ဟးဂီၤ
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၄မိၤၡ့ ၁၉, ၄မိၤၡ့ ၂၀, ၄မိၤၡ့ ၂၁:၁-၃,
လူၤကၣ် ၅:၃၃-၃၉, လူၤကၣ် ၆:၁-၁၁, ကတိၤဒိ ၈:၁-၁၁
‘‘ဒီးအဝဲဒၣ်သ့ၣ်ညါ အ (ဖၤရံၤၡဲ) တၢ်ကူၣ်ထီၣ်ဖးလီၤ, ဒီးစံးဘၣ်ပှၤလၢအစုသံတဂၤန့ၣ်, ဂဲၤထၢၣ်, ဒီးဆၢထၢၣ်လၢအသးကံၢ်ပူၤတက့ၢ်. ဒီးအဝဲဒၣ်ဂဲၤထၢၣ်ဒီးဆၢထၢၣ်ဝဲလီၤ.’’
လူၤကၣ် ၆:၈
ဖဲယအိၣ်လၢသဝီခါ, ယအိၣ်ဒီးတံၤသကိးအဂ့ၤတဂၤလၢအမ့ၢ်ဝဲ RC တၢ်အိၣ်ဖှိၣ်ခိၣ်နၢ်အဖိခွါန့ၣ်လီၤ. တဘျီန့ၣ် RC တၢ်အိၣ်ဖှိၣ်ခိၣ်နၢ်အံၤလဲၤမၤတၢ်မၤလီၢ် (ကျီး) လၢအသူၣ်ဝဲဒၣ် သဘ့ဟီၣ်လာ် (မြေပဲ) ဘူးဒီးပယီၤအသဝီတဖျၢၣ်န့ၣ် လီၤ. ယသကိးဒီးယၤ, ပတလဲၤတုၤဆူသဝီအံၤနီတဘျီဘၣ်. တၢ်ဆၢကတီၢ်ဘၣ်ဝဲလၢပကလဲၤထဲး သဘ့ဟီၣ်လာ်လီၤ. ဘၣ်ဆၣ်ကျီးလၢမုၢ်ထီၣ်တကပၤန့ၣ် ပှၤသူၣ်တၢ်စဲၤခံအဃိ အဆၢကတီၢ်ဘၢၣ်စၢၤဝဲခံနွံလၢကဘၣ်တၢ်ထဲးအီၤလီၤ. ယၤဒီးတၢ်အိၣ်ဖှိၣ်သရၣ်ဖိခွါဃုာ်ဒီးပသကိးအဂၤခံဂၤ, ပလဲၤလၢကျီးလၢမုၢ်ထီၣ်တကပၤ ဒ်သိးပကထဲးသဘ့ဟီၣ်လာ် အဂီၢ်န့ၣ်လီၤ. ယလဲၤကၤဆ့ကၤကံၣ်ဃ့ဖိတဘ့ၣ်လၢယမိပှ့ၤန့ၣ်ယၤလီၤ. မ့ၢ်လၢယမိပှ့ၤန့ၢ်ယၤအဃိ, ယအဲၣ်အီၤဒီး ယပာ်လုၢ်ပာ်ပှ့ၤအီၤဒိၣ်မး လီၤ. တကတီၢ်ဃီဖဲန့ၣ်တၢ်ကစီၣ်ဟူထီၣ်ဝဲလၢ ‘‘တၢ်ဒီၣ်ကိာ်’’ ဟဲတုၤဝဲလၢပဟီၣ်ကဝီၤ စ့ၢ်ကီးလီၤ. စံးဝဲ တၢ်ဒီၣ်ကိာ် သ့ၣ်တဖၣ်ဟးလူၤဒီၣ်ပှၤအကိာ်ဒီးက့ၤလုၢ်ထီၣ်ပာ်ထီၣ်ဝဲလၢတၢ်တ့ထီၣ်တိၤ, တၢ်တ့ထီၣ်သမၢၣ် သ့ၣ်တဖၣ်န့ၣ်လီၤ. တၢ်ကစီၣ်စံးဝဲလၢတၢ်ဒီၣ်ကိာ်န့ၣ်, ဟဲဝဲဒၣ်သၢဂၤ, ဒီး အခိၣ်တဂၤန့ၣ်ကၤ ဆ့ကၤကံၣ်ဃ့န့ၣ်လီၤ. ယသကိးအဂၤခံဂၤဒီးယၤ, ပထဲးသဘ့ဟီၣ်လာ် တုၤလၢမုၢ်ထူၣ်ထီၣ်လံဒီးပဟဲက့ၤထီၣ်ဆူ, ဒဲအဖီလာ်လီၤ. ယသကိး လၢအတဂၤ, မၤတ့ၢ်တၢ်လၢကျီးအပူၤအဖၢမုၢ်လီၤ. လၢဒဲအဖီလာ်, ပဒ့လီၤ သဘ့ဟီၣ်လာ် အချံတခီခီ, ချီအီၣ်တခီခီ, တဲတၢ်တခီခီလီၤ. တစိၢ်ဖိ ပထဲးန့ၢ်အိၣ်ခံထၢၣ်, သၢထၢၣ်လီၤ. ဖဲန့ၣ်အခါ, ပယီၤသဝီဖိခံ ဂၤဟဲက့ၤဝဲဒီးထံၣ်ဝဲဒၣ် ပဝဲဒီသကိးသၢဂၤ ပအိၣ်လၢဒဲအဖီလာ်တကးဘၣ် ပအိၣ်ဒီးထၢၣ်ဖးဒိၣ် ခံဖျၢၣ်သၢဖျၢၣ်ဒီးအဝဲ သ့ၣ်ကွၢ်ခူသူၣ်ပှၤ ကအိၣ်အမံးနံး ၃၀ ညါလီၤ. အသံကွၢ်လီၤအသး, ‘‘ပှၤထဲးသဘ့ဟီၣ်လာ်ဝံၤယံာ်လံတမ့ၢ်ဘၣ်ဧါ.’’ အဝဲသ့ၣ်က့ၤဆူသဝီပူၤ ဒီးတဲဝဲလၢအထံၣ်တၢ်ဒီၣ်ကိာ်သ့ၣ်တဖၣ်န့ၣ်လီၤ. အခိၣ်တဂၤန့ၣ်ကၤဝဲဆ့ကၤကံၣ်ဃ့န့ၣ်လီၤ. တစိၢ်ဖိဒီး, အဝဲသ့ၣ်ဟဲစိာ်ဒီး ဃဲၢ်ဧိၤ, ဘီဧိၤ, နးဧိၤသ့ၣ်တဖၣ် ဒီးကဝီၤပှၤဝးဝးလီၤ. ယသးတဖျၢၣ်ဖုးတပျုာ်တပျီၤ, လီၤဂာ်မးလၢယသးဒီးယနီၢ်ကစၢ်န့ၣ်တစဲဘူးလိာ်အသးဘၣ်. ဘၣ်ဆၣ်အဟဲထံၣ်ပှၤဘူးထီၣ်ဒီး ပသကိးဖိတဂၤန့ၣ် အဝဲသ့ၣ်ထံၣ်ဘူဝဲဒီးသ့ၣ်ညါဝဲအဃိ, အဝဲသ့ၣ်တဲထီၣ်ဝဲ, ‘‘ပဆိကမိၣ်သုလၢတၢ်ဒီၣ်ကိာ်, ပဟဲဒ်သိးပကဖီၣ်တၢ်ဒီၣ်ကိာ် ဒီးမၤသံအီၤ လီၤ.’’ ယသ့ၣ်ညါလၢ, တၢ်ဒီၣ်ကိာ်အခိၣ်ဒိၣ်ကတၢၢ်လၢအကၤဆ့ကၤကံၣ်ဃ့န့ၣ်မ့ၢ်ယၤလီၤ. အဝဲအံၤမ့ၢ် တၢ်ဘၣ်ဆၢၣ်ဘၣ်တီၤန့ၣ်လီၤ. တၢ်လဲၤခီဖျိတခါအံၤ, ဒုးသ့ၣ်နီၣ်ယၤလၢကစၢ်ယွၤန့ၣ်အဲၣ်ယၤ ဒီသဒၢယၤ မ့ၢ်လၢအဲၣ်ဒိး ဝဲလၢယကကဲထီၣ်ဒံးတၢ်ပီးတၢ်လီအဆံးတခါဒီးအုၣ်ယသးလၢအဂီၢ်အဃိန့ၣ်လီၤ. မ့တမ့ၢ်ယကကဲထီၣ်ချါလံန့ၣ်လီၤ. လၢတၢ်န့ၣ်အဃိ, ယွၤမၤတၢ်ခဲလၢာ်ဃံလၤဝဲလၢအကတီၢ်ဒီးယစံးဘျုးအီၤလၢသးဒီဖျၢၣ်န့ၣ်လီၤ.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
တၢ်ကဲထီၣ်သးအါမံၤ ကတၢၢ်ကွံာ်လၢတၢ်ဟးဂူာ်ဟးဂီၤလၢတဖျးမဲာ်အတီၢ်ပူၤသ့လီၤ. ယွၤပာ်မူနၤလၢမနုၤအဂီၢ်လဲၣ်.
တၢ်ထုကဖၣ်
ကစၢ်ယွၤဧၢ, တၢ်ဘျုးဒိၣ်မးလၢနဟ့ၣ်ဒုးကသါယၤဒီးဒုးဆၢထၢၣ်ယၤအဖၢမုၢ်လီၤ. စံးဘျုးနၤလၢနသူယၤလီၤ. ယစံးဘျုးနၤလၢခရံာ်အမံၤလီၤ. အၤမ့ၣ်.
သရၣ်ဆၣ်အိၣ်ဖျါ
ကြံစ်ဘိၣ်ရိၣ်ကညီဘျၢထံတၢ်အိၣ်ဖှိၣ်
ကြံစ်ဘိၣ်ရိၣ်, နီးသ်ခဲၣ်ရိၣ်လါနၢ်ကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
March 25, 2021
AN ACCIDENT THAT ALMOST ENDED IN DISASTER
Bible in A Year: Numbers 19, Numbers 20, Numbers 21:1-3; Luke 5:33-39, Luke 6:1-11; Proverbs 8:1-11
“But he knew their thoughts; and he said to the man who had the withered hand, “Rise up, and stand in the middle.” He arose and stood.”
Luke 6:8 WEB
When I lived in a village, I had a very good friend, a son of a Roman Catholic church leader, who had a peanut farm close to a Burman village. My friend and I had never been there. The time came to harvest peanuts. However, the east side of the farm had a late start for about two weeks. When that field was ready for harvest, my friend and I, along with two other friends, went to work there. I was wearing a multicolored shirt that my mother bought for me. I loved that shirt because it was a gift from my mother. At that time, there was news spreading around that “head hunters” were out and about. They went around looking for easy prey. The heads were offered as sacrifices for the construction of a bridge or a dam. The rumors had it that head hunters came in three and the leader was wearing a multicolored shirt. After harvesting peanuts until noon, my two friends and I came back to the hut. My other friend decided to continue working. We took shelter under the hut. We picked peanuts out of their shells, while boiling some, eating some, and chatting away. Soon, we had two or three big bags of peanuts. At that time, two Burman villagers saw the three of us with big bags and checked us out from afar for 30 minutes. They asked each other, “The field was already harvested. Wasn’t it?” They returned to their village and told the people, “We saw head hunters. The leader was wearing a multicolored shirt.” Soon, a mob came to us with knives, spears, and swords and surrounded us. Fear gripped my heart and I felt detached from my body. But when they came closer, they saw my friend, whom they had seen and known. They said, “We thought you guys were head hunters and we came to kill you.” I also found out they thought I was the head hunter leader. This was an accident that almost ended up in disaster. This experience taught me that God loves and protects me because He still wants to use me as a little light to testify of His love and protection. Otherwise, I would have turned into ashes. Therefore, God makes everything beautiful in its own time and I am thankful.
Reflection
Many things can end disastrously in a blink of an eye.
Why do you think God is keeping you alive?
Prayer
God, thank you that I am still breathing and standing in front of everyone. Thank you for using me. Thank you in Jesus’ Name. Amen.
Pastor Hsar O Phla
Greensboro Karen Baptist Church
Greensboro, North Carolina