လါယနူၤအါရံၤ ၂, ၂၀၂၁
တၢ်တဒိကနၣ်အဘူးအလဲ
တၢ်ဖးဖျိလံာ်စီဆှံလၢတနံၣ်အတီၢ်ပူၤအဂီၢ် – ၁မိၤၡ့ ၂:၁၈-၂၅, ၁မိၤၡ့ ၃, ၁မိၤၡ့ ၄:၁-၁၆,
မးသဲ ၂:၁-၁၈, စံးထီၣ်ပတြၢၤ ၂:၁-၁၂
‘‘မ့မ့ၢ်တၢ်သ့ၣ်ညါ တၢ်ဂ့ၤဒီးတၢ်အၢအသ့ၣ်တထံးန့ၣ်အီၣ်အသၣ်တဂ့ၤ.
အဂ့ၢ်ဒ်အံၤမုၢ်တနံၤလၢနအီၣ်အီၤန့ၣ် သံဒီးနကသံလီၤ.’’
၁မိၤၡ့ ၂:၁၇
တနံၤအံၤလံာ်စီဆှံအဆၢသ့ၣ်တဖၣ် ဒုးသ့ၣ်နီၣ်ထီၣ်က့ၤပှၤလၢ ကစၢ်ယွၤအဲၣ်ပှၤဒိၣ်မးလီၤ. ဘၣ်ဆၣ်အဲၣ်ဒိးသ့ၣ်ညါ ဝဲလၢ, မ့ၢ်ပဒိကနၣ်အကလုၢ်ထဲလဲၣ်, ဒီးအဲၣ်ဆၢက့ၤအီၤထဲလဲၣ်န့ၣ်လီၤ. ကစၢ်စံးဘၣ်အဖိခံဂၤလၢ အမ့ၢ်မိၢ်ဒိၣ်ပၢ် ဒိၣ် နီၢ်အံၣ်အုဒီး စီၤအၤဒၣ်, ‘‘သ့ၣ်လၢ တၤသၣ်လီၢ်ပူၤအံၤ, နအီၣ်ဒီးနအီၣ်ဘၣ်သၢၣ်, မ့မ့ၢ်တၢ်သ့ၣ်ညါ တၢ်ဂ့ၤ ဒီးတၢ်အၢအသ့ၣ်တထံးန့ၣ်, အီၣ်အသၣ်တဂ့ၤ. မုၢ်တနံၤလၢနအီၣ်အီၤန့ၣ်သံဒီးနကသံလီၤ’’ (၁ မိၤၡ့ ၂:၁၆-၁၇). ဘၣ်ဆၣ်ဒီး ပှၤကညီတဒိကနၣ် ယွၤအကလုၢ်ဘၣ်, အမဲာ်ညါမၤကမၣ်တၢ်လီၤ. လၢတၢ်တဒိကနၣ်အဃိ, န့ၢ်ဘၣ် အဘူးအလဲလီၤ. ပဖးဘၣ်ဖဲ (၁ မိၤၡ့ ၃:၁၄), ‘‘ကစၢ်ယွၤစံးဘၣ်ဂုၢ်န့ၣ် မ့ၢ်နမၤတၢ်အံၤဒီး, နဘၣ်ဆိၣ်အၢနးန့ၢ် ဆၣ်ဧိၤကီၢ်ဧိၤအဒၢ, ဒီးဆၣ်ဧိၤကီၢ်ဧိၤအမံၤ လၢပှၢ်လၢ်ကျါ ခဲလၢာ်တက့ၢ်လီၤ. နဘၣ်ဟးလၢနဟၢဖၢ ဒီးနဘၣ်အီၣ် ဟီၣ်ခိၣ် အကမူၣ်မုၢ်နံၤလၢနမူခဲလၢာ်လီၤ.’’ ပကကွၢ်ဖဲ (၁မိၤၡ့ ၃:၁၆) စ့ၢ်ကီး ပဖးဘၣ်လၢ, ‘‘ဒီးစံးဘၣ်ပိာ်မုၣ် န့ၣ်, နဒၢထီၣ်ဒီးတၢ်ဆိးကဲးန့ၣ်ယကမၤအါထီၣ်အါအါကလဲာ်, ဒီးနကဆံးစၢ်န့ၣ် နဖိဒီးနသူၣ်အုးသးအုးလီၤ. ဒီးနကသန့ၤ နသး လၢနဝၤ, ဒီးအဝဲဒၣ်ကပၢနၤလီၤ.’’ ကွၢ်ကဒီးဖဲ (၁မိၤၡ့ ၃:၁၇), ‘‘ဒီးစံးဘၣ်ပိာ်ခွါန့ၣ်, မ့ၢ်နဒိကနၣ်နမါအက လုၢ်ဒီး အီၣ်သ့ၣ်သၣ် လၢယမၤလိာ်နၤအီၣ်အီၤတဂ့ၤ န့ၣ်ဒီး, ဟီၣ်ခိၣ်ဘၣ်ဆိၣ်အၢ လၢနဃိန့ၣ်လီၤ. နကအီၣ်တၢ် ဘၣ်ဃးဒီးအီၤ အိၣ်ဒီးတၢ်ဘၣ်ကိၢ်ဘၣ်ဂီၤ, မုၢ်နံၤလၢနမူခဲလၢာ်လီၤ.’’
တၢ်တဒိကနၣ်တၢ်န့ၣ်အိၣ်ဒီးအဘူးအလဲလီၤ. တၢ်တဒိကနၣ်ကဲထီၣ်ဝဲလၢတၢ်ဆၢကတီၢ်ဖုၣ်ကိာ်ဖိ သနာ်က့ အဘူးအလဲ မ့ၢ်ဝဲ တၢ်အပှ့ၤဒိၣ်လၢအအိၣ်ယံာ်တစိၤသး ဒီးအမၤဘၣ်ဒိပှၤအါအါဂီၢ်ဂီၢ်သ့ဝဲလီၤ. တၢ်တဒိကနၣ် အပှ့ၤတနီၤမ့ၢ်ဝဲ တၢ်ကီတၢ်ခဲ, တၢ်ကိၢ်တၢ်ဂီၤ, တၢ်သဘံၣ်ဘုၣ်, တၢ်ဒုးလိာ်ယၤလိာ်, တၢ်လီၤမၢ်, တၢ်သူၣ်တမုာ်သးတမုာ်, တၢ်ဆါ, တၢ်ဟးဂူာ်ဟးဂီၤ, ဒီး တုၤဒၣ်လဲာ်တၢ်သံလီၤ. ဒ်ပမ့ၢ်ယွၤအဖိအသိး, မ်ပဒိကနၣ်ယွၤအလုၢ်ကထါ ဒီးပျဲအဝဲနဲၣ်ပကျဲတက့ၢ်. အဝဲမ့ၢ်ပှၤလၢအဟ့ၣ်န့ၢ်ပှၤ ပတၢ်ဒဲးဘးအဘူးအလဲလီၤ.
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
နမ့ၢ်မတၤအဖိလဲၣ်. နဒိကနၣ်မတၤအကလုၢ်လၢမုၢ်မဆါတနံၤအံၤလဲၣ်.
တၢ်ထုကဖၣ်
ကစၢ်ဧၢ, ပျၢ်လၢ်ဘၣ်ယတၢ်ကမၣ်ဒီးသိၣ်လိဒုးနဲၣ်ယၤ လၢယကဒိကနၣ်နကလုၢ်ဒီးမၤဒ်တၢ်ဘၣ်နသးအသိးတက့ၢ်. သူစ့ၢ်ကီးယၤဒ်တၢ်ပီးတၢ်လီအဆံးတခါလၢနဂီၢ်တက့ၢ်. လၢခရံာ်အမံၤယဃ့နၤလီၤ, အၤမ့ၣ်.
သရၣ်မုၣ်ကတီၤထူ
ထရၣ်စံၣ်ထံၣ်ကညီဘျၢထံတၢ်အိၣ်ဖှိၣ်
ခဲနဝ့းခ်, ဝၤၡ့ၣ်တၢၣ်ကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
January 2,2021
THE COST OF DISOBEDIENCE
Bible in A Year: Genesis 2:18-25, Genesis 3, Genesis 4:1-16; Matthew 2:1-18;
Psalm 2:1-12
“but you shall not eat of the tree of the knowledge of good and evil; for in the day that you eat of it, you will surely die.”
Genesis 2:17 WEB
The scriptures we read today remind us that God loves us immensely. God also wants to know how much we obey Him and love Him back. In the Garden of Eden the Lord God commanded Adam and Eve saying, “You may freely eat of every tree of the garden; but you shall not eat of the tree of the knowledge of good and evil; for in the day that you eat of it, you will surely die” (Genesis 2:16-17). However, man disobeyed God and sinned. The disobedience came at a high-priced cost. We read in Genesis 3:14, “Yahweh God said to the serpent, “Because you have done this, you are cursed above all livestock, and above every animal of the field. You shall go on your belly and you shall eat dust all the days of your life.” We also read in Genesis 3:16, “To the woman he said, “I will greatly multiply your pain in childbirth. You will bear children in pain. Your desire will be for your husband, and he will rule over you.” To the man, Genesis 3:17 says, “Because you have listened to your wife’s voice, and have eaten from the tree, about which I commanded you, saying, ‘You shall not eat of it,’ the ground is cursed for your sake. You will eat from it with much labor all the days of your life.”
Disobedience has a cost. Disobedience can happen in a split-second, but the consequences can be a very high cost that lasts endlessly and harms many. Some of the costs of disobedience can be hardship, worries, confusion, conflicts, losses, regrets, destructions, and even death. As God’s children, let us obey God and let Him direct our path. Christ is the one who paid for the cost of our sin.
Reflection
Whose child are you? Whose voice do you obey today?
Prayer
God, please forgive my weaknesses and direct my life, so I will obey you and abide by your will. Please use me as a small vessel for You. In Jesus’ Name I pray. Amen.
Pastor Kataw Htoo
Tri-City Karen Baptist Church
Kennewick, Washington