လါမာ်ၡး ၂၇, ၂၀၂၁
ယွၤအိၣ်လၢယအိၣ်တခီလၢ
ပှၤမၤစၢၤယၤအကျါ
တၢ်ဖးဖျိလံာ်စီဆှံလၢတနံၣ်အတီၢ်အပူၤအဂီၢ် – ၄မိၤၡ့ ၂၂:၂၁-၄၁, ၄မိၤၡ့ ၂၃:၁-၂၆,
လူၤကၣ် ၆:၃၇-၄၉, လူၤကၣ် ရ:၁-၁ဝ, စံးထီၣ်ပတြၢၤ ၃ရ:၃၂-၄၀
‘‘ပှၤလၢယွၤတဆိၣ်အၢန့ၣ်ယကဆိၣ်အၢအီၤဒ်လဲၣ်, ဒီးပှၤလၢယွၤတဆိၣ်ဃီၣ်အီၤန့ၣ်ယကဆိၣ်ဃီၣ်အီၤ ဒ်လဲၣ်.’’
၄မိၤၡ့ ၂၃:၈
ဖဲပဖးဘၣ်စီၤဘံးလၣ်, ယွၤအဝံတဂၤအံၤအတၢ်လဲၤခီဖျိ, ဖဲ (၄မိၤၡ့ ၂၂:၂၁-၄၁) န့ၣ်, အဝဲဘၣ်အိၣ်လၢယွၤဒီး ပှၤကညီအဘၢၣ်စၢၤလီၤ. ပှၤကညီဆီၣ်သနံးအီၤ, မၢဆူၣ်မၢစိးအီၤ, ဘၣ်ဆၣ်, အဝဲဘၣ်မၤဝဲဒ်ယွၤအတၢ်ဘၣ် အသးဒီး ဆိၣ်ဂ့ၤယွၤအပှၤဂီၢ်မုၢ်ပှၤအံၣ်စရ့လးတဖုအံၤဒ်ယွၤဆိၣ်ဂ့ၤတ့ၢ်အဝဲသ့ၣ်အသိးန့ၣ်လီၤ. ဝံစီၤဘံးလၣ်န့ၣ် မိၤအးအပဒိၣ်တဖၣ်ဟဲကိးန့ၢ်အီၤလၢအကဆိၣ်အၢယွၤအပှၤဂီၢ်မုၢ်အံၣ်စရ့လးလီၤ. ဖဲအဝဲလဲၤတၢ်ဒီးမိၤအးအပဒိၣ် ဖးဒိၣ် တဖၣ်အခါ ကလူးလၢအအိၣ်ဒီး နးဘီၣ်ထီၣ်အသးလၢအစုပူၤလၢအထီဒါအီၤန့ၣ်အိၣ်ခိးအီၤလီၤ. ကသ့ၣ်ယီၤ ထံၣ်ဘၣ်ကလူးဒီးဃၣ်ကပၤအသးအဃိ, အဝဲတီၢ်အကသ့ၣ်ယီၤန့ၣ်သၢဘျီ, ဒီးယွၤအဲးထီၣ်ကသ့ၣ်ယီၤအထးခိၣ်, ဒီး စံးဝဲ, ‘‘နတီၢ်ယၤသၢဘျီညါန့ၣ်မ့ၢ်ယမၤဘၣ်နၤလၢမနုလဲၣ်. လၢယကဲထီၣ်နကသ့ၣ်ယီၤလံၤလံၤန့ၣ်, ယမၤနၤ ဒ်အံၤ တဘျီဘျီဧါ.’’ စံးဆၢဝဲ ‘‘နတမၤဘၣ်.’’ ဒီးယွၤအိးထီၣ်အမဲာ်ဒီးအဝဲထံၣ်ဘၣ် ကလူးဒီးကလူးတဲဘၣ်အီၤလၢ ‘‘နကသ့ၣ်ယီၤမ့ၢ်တဃၣ်ဘၣ်အသးန့ၣ်ယကကျီသံနၤလီၤ.’’ ဖဲအဝဲထံၣ်လိာ်ဒီးကလူးန့ၣ် ယွၤတဲအီၤလၢအဘၣ် ကတိၤတၢ်ဒ်ယွၤမၢအီၤအသိးလီၤ. ဖဲအဝဲလဲၤထံၣ်လိာ်သးဒီးစီၤဘၤလးန့ၣ် အဝဲမၢစီၤဘၤလးမၤထီၣ်န့ၢ်အီၤတၢ်လုၢ် ဒီးဖဲန့ၣ် ယွၤဟဲသဂၢၢ်အီၤဒီးစံးဘၣ်အီၤ လၢအကဘၣ်ကတိၤတၢ် ဒ်ယွၤပာ်တၢ်ကတိၤ လၢအထးခိၣ်အသိးန့ၣ်လီၤ (၄မိၤၡ့ ၂၃:၁-၂၆). ဖဲ (၄မိၤၡ့ ၂၃:၈) န့ၣ်, ပဖးဘၣ်လၢ ‘‘ပှၤလၢယွၤတဆိၣ်အၢန့ၣ်ယကဆိၣ်အၢအီၤဒ်လဲၣ်, ဒီးပှၤလၢယွၤတဆိၣ်ဃီၣ်အီၤန့ၣ်ယကဆိၣ်ဃီၣ်အီၤ ဒ်လဲၣ်.’’ စီၤဘၤလးစံးဘၣ်အီၤလၢ, ‘‘ပကိးန့ၢ်နၤလၢနကဆိၣ်အၢ ယဒုၣ်ယဒါဒီးနဆိၣ်ဂ့ၤအီၤဘၣ်မနုလဲၣ်.’’ အဃိ ဖဲပထံၣ်ဘၣ်လၢယွၤအဖိမုၣ်ဖိခွါ, ယွၤအပှၤဃုထၢ, ယွၤအပှၤတကလုာ်န့ၣ်, ယွၤကတိၤတ့ၢ်တၢ်ဂ့ၤလၢအဂီၢ်, ဒီးယွၤမၤလၢထီၣ်ပှဲၤထီၣ်ဝဲလီၤ. ပှၤဂၤမ့ၢ်ဆိၣ်အၢဆိၣ်သီ, ကူၣ်အၢကူၣ်သီအီၤ, ကတိၤအၢကတိၤသီအီၤန့ၣ်, ယွၤဒီသဒၢတြီဆၢတၢ်အၢလၢအဂီၢ်လီၤ. ယအဲၣ်ဒိးဟ့ၣ်အဒိ- ပယီၤပဒိၣ်တဖၣ်, စံးဝဲလၢကမၤလၢာ်ကွံာ်ပှၤကညီ ဒီးကပာ်ဝဲလၢ (ပြတိုက်) တၢ်ကွၢ်ကီအလီၢ်အပူၤလီၤ. ဘၣ်ဆၣ်ယွၤဒီတဒၢ, ဆှၢအီၤဆူဟီၣ်ခီၣ်ဒီဖျၢၣ် ကီၢ်အါဘ့ၣ် အပူၤ ဒီးအိၣ်ဖျါထီၣ်လၢဟီၣ်ခိၣ်ဒီဖျၢၣ်ညါ လၢပၢ်ယွၤ အစိကမီၤအဃိလီၤ. အဃိ (စံးထီၣ်ပတြၢၤ ၁၁၈:၇) စံးဝဲ, ‘‘ယွၤအိၣ်လၢယအိၣ်တခီလၢပှၤမၤစၢၤယၤအကျါလီၤ. မၤသးဒ်န့ၣ်ဒီးယကထံၣ်ဘၣ်ယတၢ်အဲၣ်ဒိးလၢပှၤလၢအသးဟ့တဖၣ်အလိၤန့ၣ်လီၤ.’’
တၢ်ဒုးဘၣ်ထွဲက့ၤလံာ်စီဆှံဒီးပတၢ်အိၣ်မူ
ကသ့ၣ်ယီၤလၢအကတိၤတၢ်တဒုဃၣ်အသးအဃိ စီၤဘံးလၣ်အသးသမူပူၤဖျဲးဝဲလီၤ. နထံၣ်ဘၣ်ယွၤအတၢ်မၤပူၤဖျဲး နၤမ့ၢ်ဂ့ၤ, ပှၤဂၤမ့ၢ်ဂ့ၤ လၢကျဲအလီၤလိၢ်လီၤလးတဘျီဘျီဧါ. ဟ့ၣ်ခီဟ့ၣ်နီၤယွၤအတၢ်မၤပူၤဖျဲးတၢ်အဂ့ၢ်တက့ၢ်.
တၢ်ထုကဖၣ်
ယွၤဧၢ, ပစံးဘျုးနၤလၢနအိၣ်လၢပအိၣ်တခီလၢပှၤမၤစၢၤပှၤအကျါလီၤ. လၢခရံာ်အမံၤပဃ့နၤလီၤ. အၤမ့ၣ်.
သရၣ်မုၣ်ဘဲဘ့ဝါ
ထံမူကညီဘျၢထံတၢ်အိၣ်ဖှိၣ်
ခၠၣ်ဖၢၣ်ဟ့, နီးသ်ခဲၣ်ရလါနၢ်ကီၢ်စဲၣ်
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
March 27, 2021
GOD IS ON MY SIDE
AMONG MY HELPERS
Bible in A Year: Numbers 22:21-41, Numbers 23:1-26; Luke 6:37-49,
Luke 7:1-10; Psalm 37:32-40
“How shall I curse whom God has not cursed?
How shall I defy whom Yahweh has not defied?”
Numbers 23:8 WEB
When we read about Balaam, one of God’s prophet (Numbers 22:21-41), he is a medium between man and God. Even when he was forced or pressured, he followed God’s will and blessed His people, the Israelites. The story began when the princes of Moab came to get Balaam to follow them in order to go and curse the Israelites. When he went with them, an Angel of the Lord stood in the way with His drawn sword. The donkey saw the angel and refrained from advancing three times, thus he struck the donkey three times. God opened the mouth of the donkey and she said, “What have I done to you, that you have struck me three times?…“Am I not your donkey, on which you have ridden all your life long until today? Was I ever in the habit of doing so to you?”” and he answered “No.” Then God opened Balaam’s eyes and he saw the angel. The angel said to him “Unless she had turned away from me, surely now I would have killed you,” and God instructed him to say only what He told him to say. He went to meet with Balak and had him prepare offerings. There God met with him and told him to speak as he was told (Numbers 23:1-26). In Numbers 23:8, he said, “How shall I curse whom God has not cursed? How shall I defy whom Yahweh has not defied?” Balak asked, “What have you done to me? I took you to curse my enemies, and behold, you have blessed them altogether.” Thus, we can see that God fulfilled the promise He made to His children and His people that He had chosen. Others may curse and plot against them but God will protect them from such things. For example, one of the Burmese junta government officials said, “Knowledge of the Karen people shall become something only available in museums.” However, God protected us and delivered us to spread far and wide to many countries across the world to let everyone witness His authority. Thus, Psalms 118:7 says, “The Lord is for me among those who help me; Therefore I shall see my desire on those who hate me.”
Reflection
Balaam was exempted from certain death through the talking donkey. Have you experienced escaping from something due to God’s miraculous work or have you encountered someone with a similar experience? Share God’s miraculous deeds.
Prayer
Dear God, thank you for being among those who help us. In Jesus’ Name we pray. Amen.
Tharamu Benbay Wah
Htee Moo Karen Baptist Church
Chapel Hill, North Carolina