Karen Devotionals, Karen Stories for God’s Glory

အနွံ ၁၆ မ့ၢ်ပထုးတၢ်ဆၢကတီၢ်လၢတၢ်မၤစၢၤပှၤလၢအလိၣ်ဘၣ်တၢ်မၤစၢၤနီၢ်နီၢ်လံဧါ စံးထီၣ်ပတြၢၤ ၈၂:၃-၄ – ‘‘စံၣ်ညီၣ်န့ၢ်ပှၤဖှီၣ်ဖိယာ်ဖိ, ဒီးပှၤဖိၣ်ဃဲ, စံၣ်ညီၣ်တီ ပှၤဘၣ်နးဘၣ်ဖှီၣ်, ဒီးပှၤဖှီၣ်ဖိ ယာ်ဖိန့ၣ်တက့ၢ်. မၤပူၤမၤဖျဲးပှၤဘၣ်နးဘၣ်ဖှီၣ်ဒီး ပှၤဖှီၣ်ဖိယာ်ဖိ, မၤထူၣ်ဖျဲးအီၤလၢပှၤတတီတလိၤအစုပူၤန့ၣ်တက့ၢ်.’’ ဒ်ယမ့ၢ်ကီၢ်တကူၣ်ပိာ်မုၣ်ကရၢပှၤဘၣ်မူဘၣ်ဒါတဖၣ်အကျါတဂၤအသိး ယကကဟုကယာ်ဆီၣ်ထွဲမၤစၢၤပိာ်မုၣ် လၢဘၣ်ဖှီၣ် ဘၣ်ယာ်, ဘၣ်ကီဘၣ်ခဲ, […]

အနွံ ၁၅ ဟံးဃာ်ပသးလၢတၢ်မူအပူၤ ပပၢ်ကစၢ်ယွၤဒုးလဲၤဖျိပှၤမ့ၣ်အူဒီးထံဝံၤဒုးဟဲထီၣ်ပှၤဆူတၢ်အါအလီၢ်စံးထီၣ်ပတြၢၤ ၆၆:၉(က) – “ဟံးဃာ်ပသးလၢတၢ်မူအပူၤ” ပစံးဘျုးပပၢ်ကစၢ်ယွၤ လၢအဆှၢခီဖျိပှၤလၢပတၢ်အိၣ်မူအပူၤလီၤလိၢ်လီၤလးအဃိလီၤ. ယသးအိၣ်အုၣ်ယသးလၢ ယပှၤဟံၣ်ဖိ ဃီဖိဒီးယပှၤကလုာ်လၢ ပတၢ်လဲၤခီဖျိကီကီခဲခဲလၢ ဒဲကဝီၤတဖၣ်အပူၤအဂ့ၢ်တနီၤမ့ၢ်ဒ်လာ်အံၤအသိးန့ၣ်လီၤ. အဆိယသးအိၣ် ဟ့ၣ်နီၤလီၤလံာ်စီဆှံဖိသၢတီၤလၢယဒိးန့ၢ်ဘၣ်အီၤ ခီဖျိပှၤလၢယအဲၣ်ဒိၣ်မးအကျါသၢဂၤလၢအလဲၤပူၤကွံာ်ဟီၣ်ခိၣ်အံၤန့ၣ်လီၤ. ယပါသရၣ်ဒိၣ်ကၠီန့ၢ်ထူဟ့ၣ်ယၤလံာ်စီဆှံအဆၢ ရိမ့ၤ ၁၂:၁၂ […]

အနွံ ၁၄ ပျဲနမ့ၣ်အူဒၢကပီၤထီၣ် မးသဲ ၅:၁၄-၁၆ – ‘‘သုဝဲဒၣ်အံၤသုမ့ၢ်ဟီၣ်ခိၣ်အကပီၤလီၤ. ဝ့ၢ်တဝ့ၢ်အိၣ်ဝဲလၢကစၢၢ်ဒီခိၣ်န့ၣ်အိၣ်တဒၢတသ့ဘၣ်. ပှၤဒွဲၣ်ထီၣ်မ့ၣ်အူဒၢ, ဒိီးပာ်အီၤလၢနာ်အဖီလာ်န့ၣ်တအိၣ်ဘၣ်နီတဂၤဘၣ်. မ့ၢ်ပာ်အီၤလၢမ့ၣ်အူဒၢအလီၢ်အဖီခိၣ်, ဒီးကပီၤထီၣ်န့ၢ်ပှၤလၢဟံၣ်ပူၤခဲလၢာ်လီၤ. ဒ်န့ၣ်အသိး သုတၢ်ကပီၤန့ၣ်ဒုးကပီၤထီၣ်အီၤလၢပှၤကညီအမဲာ်ညါ ဒ်သိးအကထံၣ်ဘၣ်သုမၤတၢ်ဂ့ၤ, ဒီး စံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.’’ ယဟဲတုၤကီၢ်အမဲရကၤ ဖဲနိၣ်ဝ့ဘၢၣ် ၅သီ, […]

အနွံ ၁၃ ယွၤမၤတၢ်ခဲလၢာ်ဃံလၤလၢအကတီၢ်ဒၣ်ဝဲလီၤ ပှၤစံၣ်တဲၤတဲလီၤတၢ် ၃:၁၁ – ‘‘ယွၤမၤကယဲၢ်တၢ်ခဲလၢာ်အိၣ်ဒီးအဃံအလၤလၢအကတီၢ်ဒၣ်ဝဲဒီးပာ်တၢ်အထူအယိာ် လၢအသးကံၢ်ပူၤ, ဘၣ်ဆၣ်ဒီးတၢ်လၢယွၤမၤဝဲလၢအခီၣ်ထံးပၢၢ်လၢအကတၢၢ်န့ၣ်ပှၤကညီအနၢ်တပၢၢ်ဘၣ်နီတဂၤဘၣ်.’’                              ဖဲ ၂၀၁၂ နံၣ် ယမၤတၢ်လၢကီၢ်ဒဝဲၢ်ဘျံးခရံာ်ဖိတၢ်မၤဂ့ၤမၤစၢၤဒီးတၢ်ဂုၤထီၣ်ပသီထီၣ်ဝဲၤကျိၤပှဲၤထီၣ် ၃နံၣ် ဝံၤယဟးထီၣ် တၢ်မၤဒီးယဆိကမိၣ်လၢယကဟဲအိၣ်ဘၣ်က့ၤဒီးယဝၤလၢကီၢ်အမဲရကၤလီၤ. ဘၣ်ဆၣ်တုၤယလဲၤထံၣ်လိာ်သးဒီး ကီၢ်အမဲရ ကၤမီၢ်သီဝဲၤဒၢးပှၤကူၣ်လိာ်တၢ် […]

အနွံ ၁၂ အိၣ်ဃိကလာ်ဒီးသ့ၣ်ညါလၢယမ့ၢ်ယွၤတက့ၢ်  စံးထီၣ်ပတြၢၤ ၄၆:၁၀ – ‘‘အိၣ်ဃိကလာ်ဒီးသ့ၣ်ညါလၢယမ့ၢ်ယွၤတက့ၢ်. ယကအိၣ်ထီၣ်ထီလၢပှၤကလုာ်တဖၣ်အကျါ, ယကအိၣ်ထီၣ်ထီလၢဟီၣ်ခိၣ်ချၢလီၤ.’’                               လံာ်စီဆှံတဆၢအံၤဘၣ်တၢ်ကွဲးအီၤလၢ စီၤကိးရးလၢအဟဲလီၤစၢၤလီၤသွဲၣ်လၢ စီၤလ့ၤဝံလီၤ. စီၤလ့ၤဝံန့ၣ် မ့ၢ်ဝဲစီၤယၤကိာ်ဒီး နီၢ်လ့အၤအဖိခွါ န့ၣ်လီၤ. တၢ်လၢစီၤယၤကိာ်အံၤမ့ၢ်ပှၤတဂၤလၢယအဲၣ်ဘၣ်အီၤဒိၣ်မး န့ၣ်လီၤ. […]

အနွံ ၁၁ ကိးထီၣ်ယွၤလၢတၢ်ကိၢ်တၢ်ဂီၤ  စံးထီၣ်ပတြၢၤ ၅ဝ:၁၅ – ‘‘ဒီးလၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ဒီးယကမၤပူၤဖျဲးနၤ, ဒီးနကမၤလၤကပီၤယၤလီၤ.’’  ကစၢ်ယွၤမၤတီအကလုၢ်ထီဘိဘၣ်ဆၣ်ပဝဲဒၣ်ပှၤကညီသ့ၣ်တဖၣ်ပသးဒ့ဒီထီဘိလၢပတၢ်ကွၢ်ဆၢၣ်မဲာ်အပူၤန့ၣ်လီၤ. ဖဲ ၂၀၁၉ လါဒံၣ်စဲဘၢၣ် ၂၅သီ, ယနီၢ်ကစၢ်ဃုာ်ဒီးပှၤမၤသကိးတၢ်ဖိခဲလၢာ် လၢ ခီၣ်လရၣ်ဒိၣ် အဖရံၣ်ကဲၣ်န် တၢ်ကရၢကရိ (Colorado […]

အနွံ ၁၀ ယွၤအတၢ်တိာ်ပာ်လၢပဂီၢ်, ထီန့ၢ်ပတၢ်ဆိကမိၣ်မှံတၢ်ဒီးတၢ်လၢပဆိကမိၣ်သ့ ယၡါယၤ ၅၅:၈-၉ – ‘‘အဂ့ၢ်ဒ်အံၤ, ယတၢ်ဆိကမိၣ်တမ့ၢ်ဘၣ်သုတၢ်ဆိကမိၣ်ဘၣ်, ဒီးသုကျဲတမ့ၢ်ဘၣ်ယကျဲဘၣ်, ယွၤစံးဝဲ ဒၣ်. အဂ့ၢ်ဒ်အံၤ, ဒ်မူခိၣ်ထီန့ၢ်ဟီၣ်ခိၣ်အသိး, ယကျဲထီန့ၢ်သုကျဲ, ဒီးယတၢ်ဆိကမိၣ်ထီန့ၢ်သုတၢ်ဆိကမိၣ်ဒ်န့ၣ်သိးလီၤ.’’ ယတၢ်ဆီဟံၣ်ဆီဃီတစးထီၣ်အသးဒ်ခရံာ်ဖိတဂၤအသိးဘၣ်. စးထီၣ်လၢယသးစၢ်အဆၢကတီၢ်ယဂုာ်ဖးလံာ်စီဆှံဘၣ်ဆၣ် တကဲ ထီၣ်ဝဲတၢ်သ့ၣ်ညါနၢ်ပၢၢ်တၢ်တမံၤမံၤလၢယဂီၢ်ဘၣ်.  […]

၉ နွံတနွံ သးအိၣ်ယွၤအတၢ်တက့ၢ်  မးသဲ ၁၆:၂၃ – ‘‘သးအိၣ်ပှၤကညီအတၢ်တဂ့ၤ, မ့မ့ၢ်သးအိၣ်ယွၤအတၢ်တက့ၢ်.-’’    ယဖးဘၣ်လံာ်မးသဲအဆၢဒိၣ် ၁၆အံၤန့ၣ် ဘၣ်ထွဲလိာ်သးဒီးယတၢ်လဲၤခီဖျိဒိၣ်မးဒီး ယအဲၣ်ဒိးကွဲးစ့ၢ်ကီးတၢ်လဲၤခီဖျိလၢ ယွၤအလၤကပီၤအဂီၢ်န့ၣ်လီၤ. စးထီၣ်လၢ ၂၀၀၉နံၣ်န့ၣ် ကစၢ်ယွၤကိးထီၣ်ယၤလၢယကမၤအတၢ်န့ၣ်လီၤ. ယဆိကမိၣ်လၢ ယမၤယွၤအတၢ်လၢပှၤကိးဂၤဒဲးကဘၣ်အသးဒီး ကအဲၣ်ဘၣ်ယၤအဃိ […]

၈ နွံတနွံ တၢ်ထုကဖၣ်အစိကမီၤ ရိမ့ၤ ၁၂:၁၂ – ‘‘လၢတၢ်မုၢ်လၢ်အပူၤန့ၣ်သးခုတက့ၢ်. လၢတၢ်နးတၢ်ဖှီၣ်အပူၤန့ၣ်ဝံသးစူၤတက့ၢ်. လၢတၢ်ထုကဖၣ်အဂ့ၢ်န့ၣ်မၤသပှၢ်ပှၢ်တက့ၢ်.’’ ပဝဲပှၤကညီတကလုာ် ပဘၣ်လဲၤခီဖျိတၢ်လဲၤခီဖျိ အကလုာ်ကလုာ် လၢပတၢ်အိၣ်မူအပူၤလီၤ. တၢ်အိၣ်ဆူၣ်အိၣ်ချ့ မ့ၢ်တၢ်တမံၤ လၢအတၤတၢ်ဒီးပှၤထီဘိန့ၣ်လီၤ. ပဒိၣ်ထီၣ်ဘၣ်လၢတၢ်ဖှီၣ်တၢ်ယာ်, တၢ်ဃံးတၢ်စ့ၤအပူၤ ဒီး ပတန့ၢ်ဘၣ် […]

၇ နွံတနွံ ယွၤတဟ့ၣ်လီၤကွံာ်ပှၤဆူတၢ်သံဒံးဘၣ်. ပကစံၣ်တဲၤတဲလီၤယွၤအတၢ်မၤ.  စံးထီၣ်ပတြၢၤ ၁၁၈:၁၇-၁၈ – ‘‘ယတသံဘၣ်, မ့ၢ်ယကမူဒီးစံၣ်တဲၤတဲလီၤယွၤအတၢ်မၤတဖၣ်လီၤ. ယွၤသိၣ်ဃီၣ်ယၤနးမးလီၤ. ဘၣ်ဆၣ်ဒီးတဟ့ၣ်လီၤကွံာ်ယၤဆူတၢ်သံဘၣ်.’’                               ဖဲ ၁၉၈၀နံၣ် လါအီကူးအပူၤ, ယလဲၤထီၣ်ဘၣ်သုးတၢ်မၤလိလၢယကမၤတၢ်ပၢၢ်ဆၢတၢ်မၤန့ၣ်လီၤ. တၢ်မၤလိဝံၤန့ၣ် ယဃုထၢ လၢယကမၤသကိးတၢ်လၢသုးတၢ်သိၣ်လိအတၢ်ဖံးတၢ်မၤလီၤ. ယက့ၤထီၣ်တုၤလၢခီၣ်တဃာ်ဟီၣ်ကဝီၤပူၤ […]