အနွံ ၃၀
တၢ်မဲာ်ဆှးအလၢၢ်ထူၣ်
ဧ့ၤဘြံၤ ၁၂:၂ – ‘‘ဒီးပှၤလၢအဒုးကဲထီၣ်ဒီးမၤလၢထီၣ်ပှဲၤထီၣ်ပတၢ်နာ်, ယ့ၣ်ရှူးတဂၤန့ၣ်, မ်ပကွၢ်ဃီၤတၢ်ဆူအ အိၣ်တက့ၢ်. အဝဲဒၣ်ဒိးထူၣ်စုညါ, ဒီးပာ်တၢ်မဲာ်ဆှးလၢတၢ်နီတမံၤဘၣ်, လၢတၢ်သးခုအိၣ်ပာ်လီၤအသးလၢအမဲာ်ညါအဃိ, ဒီးဆ့ၣ်နီၤဝဲလၢယွၤအလီၢ်ပစိာ်အစုထွဲတခီလီၤ.’’
အိၣ်ဘှံးနံၤတၢ်ဘါဝံၤ, ယလဲၤဆူ ဟီၣ်ကီၣ်ဖၠၣ်စိမိၤ ဒီးလဲၤကွၢ်ကီ ‘‘တၢ်မဲာ်ဆှးအလၢၢ်ထူၣ်’’ လီၤ. တရူးခီၣ်မၠူးနံးကရၢ ဃ့ဆူၣ်ဝဲ လၢပှၤကမၤဟးဂီၤလၢၢ်ထူၣ်အံၤ, ဒီးမ့ၢ်တမၤဟးဂီၤအဃိကမၤကီမၤခဲမၤဆါပှၤလီၤ. တၢ်မဲာ်ဆှးအလၢၢ်ထူၣ် မ့ၢ်တၢ်ပနီၣ်အိၣ်တ့ၢ် ထဲစှၤခါအကျါတခါ လၢအဒုးသ့ၣ်နီၣ်ထီၣ် တၢ်မၤသံမၤဝီပှၤအါအါဂီၢ်ဂီၢ် ဖဲတၢ်လီၢ်လၢပှၤကိးလၢ Tiananmen Square လီၤ. ပှၤကီၢ်ဒဲမးဖိ Jens Galschiot တ့ဝဲဒၣ်န့ၣ်လီၤ. တ့ဝဲပှၤနီၢ်ခိမိၢ်ပှၤအဂၤ ၅၀ လၢအဝံာ်ပကံးသး ဒီး အထီၣ်တဲာ်သး ဒ်သိး ကဒုးနဲၣ်ဝဲ ပှၤသ့ၣ်တဖၣ်လၢအသးသမူလီၤမၢ်ကွံာ်ခီဖျိလၢတၢ်ပၢတၢ်ပြးအတၢ်ဆီၣ်တံၢ်မၤနၢၤအဃိလီၤ. လၢလၢၢ်ထူၣ်အခီၣ်ထံး န့ၣ်, တၢ်ကွဲးသ့ၣ်တဖၣ် လၢအမ့ၢ်, ‘‘တၢ်မၤသံဆူၣ်သံၣ်ဂီၢ်ဖဲ Tiananmen,’’ ‘‘လါယူၤ ၄, ၁၉၈၉’’ ဒီး ‘‘တၢ်သးပှၢ်မၤသံ တၢ်သးစၢ်ထီဘိတသ့ဘၣ်,’’ အိၣ်ဝဲလၢကီၤလၤဝါကျိာ် ဒီး တရူးကျိာ်န့ၣ်လီၤ. တၢ်ပာ်လီၤ ထံလီၢ်ကီၢ်ပူၤတၢ်ဘံၣ်တၢ်ဘၢတၢ်ဘျၢ လၢဟီၣ်ကီၣ်ထံကီၢ်အလိၤဝံၤ, လံာ်လဲၢ်ဒီးတၢ်ပနီၣ်သ့ၣ်တဖၣ်လၢဘၣ်ထွဲဒီး ဒံၣ်မိၣ်ခြ့ၣ်စံၣ် ဒီး တၢ်သဘျ့တဖၣ်န့ၣ် ဘၣ်တၢ်ထုး ထီၣ်ကွံာ်လၢလံာ်ရိဒၢးတဖၣ်ဒီးကမျၢၢ်တၢ်လီၢ်တဖၣ်န့ၣ်လီၤ. တရူးခီၣ်မၠူးနံးကရၢ ကျဲးစၢးမၤဟါမၢ်ကွံာ်ဝဲ တၢ်သ့ၣ်နီၣ်ထီၣ်က့ၤ တၢ်အၢတၢ်သီလၢအဝဲသ့ၣ်မၤတ့ၢ်လၢအပူၤကွံာ်န့ၣ်လီၤ. လၢတၢ်ပျံၤတၢ်ဖုးဒီးထံရူၢ်ကီၢ်သဲးအတၢ်အိၣ်တဂၢၢ်တကျၢၤအဃိ, ဘူးလၢ ပှၤဟီၣ်ကီၣ်ဖိအဂၤအကလီၢ်တဆံဟးထီၣ်ကွံာ်လၢထံကီၢ်န့ၣ်လီၤ. ခရံာ်ဖိခိၣ်နၢ်တဖၣ်သ့ၣ်ညါဝဲ တၢ်ဆီတလဲတဖၣ်အံၤ ဒီး သ့ၣ်ညါဝဲစ့ၢ်ကီးလၢ တၢ်သဘျ့ဘၣ်တၢ်ထုးကွံာ်အီၤတဆီဘၣ်တဆီန့ၣ်လီၤ.
ယတၢ်လဲၤထံၣ်တၢ်မဲာ်ဆှးအလၢၢ်ထူၣ် ဒုးသ့ၣ်နီၣ်ယၤလၢကညီဖိအတၢ်ပၢၢ်ဆၢ ဖဲ ၁၉၄၉နံၣ်, ကညီဖိအတၢ်စံၣ်စိၤတဲစိၤအခဲအံၤ ဒီးလၢညါ, ဒီး တၢ်သွံၣ်သ့ၣ်တဖၣ်အလီၤဝဲအဆၢတတဲာ်ဘၣ်န့ၣ်လီၤ. ပှၤတၢ်ကမၣ်တအိၣ်တဖၣ်သံလၢအကထိတဖၣ်အကထိခီဖျိ လၢသုးမီၤစိရိၤတဖၣ်လၢအသးလီသးကွံတၢ်တလၢဒီးအကွၢ်ထဲအဘျုးအဃိန့ၣ်လီၤ. ပှၤအါဂၤအသးသမူဘၣ်လီၤမၢ်ကွံာ်လၢပှၤပၢ တၢ်လၢအသံၣ်သူမီၤကျာ်အစုပူၤလီၤ. ကညီဖိကူၣ်ဘၣ်ကူၣ်သ့တဖၣ်ဘၣ်တၢ်နီၣ်ဟးထီၣ်လၢအထံကီၢ်လၢအိၣ်ဖျဲၣ်ထီၣ်ဝဲန့ၣ်လီၤ. ပှၤလၢအစိာ်တၢ်သးခုကစီၣ်, အယိးထူၣ်စုညါလၢတၢ်သးဒူ, ဒီး အဃ့ၢ်ဝံၤအတၢ်ဃ့ၢ်, အတၢ်သံစိၣ်တဖၣ် လီၤတဲာ်သံကွံာ်ဝံၤ ဒုးသူထီၣ်သၣ်ထီၣ်ဖီတဖၣ်ဒီးအသူအသၣ်တဖၣ်လီၤ. အဝဲသ့ၣ်လီၤပြံလီၤပြါလီၤဆူတၢ်လီၢ်အါလီၢ်လၢဟီၣ်ခိၣ်လိၤလီၤ. ကညီခရံာ်ဖိတဖၣ်ကွၢ်ဆၢၣ်မဲာ်တၢ်တၤအဝဲသ့ၣ်လၢကသးပ့ၤနီၣ်ကွံာ်ဒီးကကွဲးနီၣ်အတၢ်စံၣ်စိၤတဲစိၤနီၢ်ကီၢ်တဖၣ်မ့ၢ်လၢအိၣ်လီၤပြံ လီၤပြါအဃိလီၤ. မ့ၢ်လီၤ, ကညီဖိသ့ၣ်ညါဒီးကွဲးဝဲအတၢ်စံၣ်စိၤတဲစိၤခီဖျိ လံာ်ဧိၤလဲၢ်ဧိၤ, ထါ, တၢ်သးဝံၣ်, လုၢ်လၢ်, တၢ်အီၣ် တၢ်အီ သ့ၣ်တဖၣ်, သနာ်က့, ပကွဲးပတၢ်စံၣ်စိၤတဲစိၤသ့စ့ၢ်ကီးလၢပတၢ်အိၣ်မူ, ပတၢ်ဟ့ၣ်သါန့ၣ်လီၤ. မၤတၢ်ဆၢတဲာ်လၢကူၣ်သ့ ဒီး အိၣ်မူတၢ်ဘၣ်ယွၤအသး, ဒ်သိးစိၤလၢခံသ့ၣ်တဖၣ်ကမၤလိဘၣ်လၢပအိၣ် တၢ်တီဒီတၢ်ပိာ်ယွၤအခံလၢသးဒီဖျၢၣ်န့ၣ်လီၤ. မ်ပကပၢၤကနိ, ပသွံၣ်, ပတၢ်ဟ့ၣ်လီၤသး, ဒီး ပတၢ်အိၣ်မူ မၤကပီၤထီၣ်အဝဲသ့ၣ်တဖၣ်အမဲာ်ချံ ဒ်သိးကထံၣ်ဝဲ ထူၣ်စုညါ အစိကမီၤ န့ၣ်တက့ၢ်. မ်ပခီၣ်အတၢ်ထွဲတဖၣ်လၢကျဲအံၣ်အလိၤ ကနဲၣ်အဝဲသ့ၣ်ဆူ ဟံၣ်လီၤထူလီၤယိာ်န့ၣ်တက့ၢ်.
တၢ်မဲာ်ဆှးအလၢၢ်ထူၣ်ဒုးသ့ၣ်နီၣ်စ့ၢ်ကီးယၤလၢ ကစၢ်ခရံာ်လၢအိၣ်လၢထူၣ်စုညါအလိၤ, ဒီးတူၢ်ဘၣ် တၢ်သးဘၣ်အၢ, တၢ်မၤလီၤ ကွံာ်အသူးအသ့ၣ်, တၢ်မၤသံၣ်သူမီၤကျာ်အက့ၢ်အဂီၤန့ၣ်လီၤ. သနာ်က့ခရံာ်အတၢ်ဟ့ၣ်သါမ့ၢ်တၢ်အုၣ်က့ၤခီၣ်က့ၤ ဒီးတၢ်ထူၣ်ဖျဲး လၢတၢ်ဒဲးဘး – တၢ်သးဟ့, တၢ်သးကတၢ, တၢ်ပာ်ထီၣ်ထီသး, တၢ်သံၣ်သူမီၤကျာ်, … န့ၣ်လီၤ. မ့ၢ်ပကစိာ်ခီခရံာ်အတၢ်ဟ့ၣ် သါဒ်လဲၣ်. ဒုးအိၣ်ထီၣ်ဒီးမၤဂ့ၤထီၣ် ခရံာ်အသကဲာ်ပဝးလၢပပူၤ – တၢ်ပျၢ်တၢ်ကမၣ်, တၢ်ဆီၣ်လီၤသး, တၢ်အဲၣ်လၢအတီ, တၢ်မၤဘျါက့ၤပှၤလၢဘၣ်တၢ်မၤဆါအီၤ, … န့ၣ်တက့ၢ်. ခရံာ်မၤစၢၤပှၤသ့လၢပကအိၣ်မူဘၣ်အါအါကလဲာ် ဖဲအံၤဒီး ခဲအံၤလၢ ဟီၣ်ခိၣ်လိၤန့ၣ်လီၤ. မ်ပဝဲကညီခရံာ်ဖိတဖၣ် ပကကွဲးပတၢ်အိၣ်မူအတၢ်စံၣ်စိၤတဲစိၤ ခီဖျိတၢ်အိၣ်မူထွဲခရံာ်အသကဲာ်ပဝးတဖၣ်, တၢ်တလူၤပိာ်ထွဲ ‘ဟီၣ်ခိၣ်’ အကျဲတဖၣ်, ဒီး ဒီးလၢတၢ်န့ၣ်အဃိ ပကစိာ်ခီခရံာ်အတၢ်ဟ့ၣ်သါတဖၣ်န့ၣ်တက့ၢ်.
သရၣ်စီၤဘဲ
ကီၢ်ဟီၣ်ခီၣ်
တၢ်ဆိကမိၣ်ထံမၤဘၣ်ထွဲက့ၤတၢ်ဟ့ၣ်ဂံၢ်ဟ့ၣ်ဘါလၢပတၢ်အိၣ်မူ
တၢ်မဲာ်ဆှးအလၢၢ်ထူၣ်ဒုးသ့ၣ်နီၣ် သရၣ်စီၤဘဲလၢ တၢ်တတီတလိၤအရၢၢ်အစၢၢ်တဖၣ်လၢအိၣ်ရၤလီၤသးလၢ ကီၢ်ဟီၣ်ခီၣ်, ကီၢ်ပယီၤ, ဒီး တၢ်လီၢ်အဂၤတဖၣ်န့ၣ်လီၤ. တဘျီဃီစ့ၢ်ကီး, သရၣ်စီၤဘဲထံၣ်ဝဲ တၢ်မဲာ်ဆှးအလၢၢ်ထူၣ် ဒ်တၢ်ကွဲမုာ်လၢ ပကမ့ၢ်ပှၤလဲၤတၢ်ဖိလၢတၢ်မ့ၢ်တၢ်တီ, တၢ်တီတၢ်လိၤ, ဒီး တၢ်မုာ်တၢ်ခုၣ်အပူၤ, လၢကပာ်တ့ၢ်ခရံာ်အတၢ်ဟ့ၣ်သါလၢ ဟီၣ်ခိၣ် လိၤန့ၣ်လီၤ. တၢ်တူၢ်လိာ်တၢ်ကွဲမုာ်အံၤလိၣ်ဘၣ်တၢ်အိၣ်မူသးသမူလၢအလဲလိာ်သးဒီးဖျါကလၤထီၣ်ယွၤအသကဲာ်ပဝးတဖၣ် န့ၣ်လီၤ. မၣ်တ့ၣ်လူၤသၢၣ်ကၠူနယၢၣ် စံးဝဲ ‘‘တၢ်တတီတလိၤဖဲလဲၣ်ဂ့ၤဖဲလဲၣ်ဂ့ၤန့ၣ်မ့ၢ်ဝဲတၢ်ဘၣ်ယိၣ်ဘၣ်ဘီလၢတၢ်တီတလိၤ လၢတၢ်လီၢ်ကိးပူၤန့ၣ်လီၤ.’’
လၢနဂီၢ်န့ၣ် တၢ်ပာ်တ့ၢ်ခရံာ်အတၢ်ဟ့ၣ်သါမ့ၢ်အခီပညီမနုၤလဲၣ်. နပာ်ဖျါထီၣ်ခရံာ်အသကဲာ်ပဝးလၢနဟံၣ်, နတၢ်အိၣ်ဖှိၣ်, နတၢ်မၤလီၢ်, ဒီး တၢ်လီၢ်အိၣ်လၢနခိၣ်နဃၢၤဒ်လဲၣ်.
တၢ်ထုကဖၣ်လၢပှၤဖးတၢ်ဖိအဂီၢ်
ယွၤဧၢ, ဝံသးစူၤဆိၣ်ဂ့ၤဘၣ်နဖိတဂၤအံၤလၢအဖးဝဲတၢ်ဟ့ၣ်ဂံၢ်ဟ့ၣ်ဘါအံၤ န့ၣ်တက့ၢ်. ယဃ့ထုကဖၣ်လၢအဝဲကမ့ၢ်ပှၤတဂၤ လၢအကနၣ်ဃုာ်တၢ်တတီ တလိၤတဖၣ်လၢ အိၣ်လၢဟီၣ်ခိၣ်လိၤ ဒီး အကသူၣ်အိၣ်သးအိၣ်မၤအါထီၣ် တၢ်တီတၢ်လိၤန့ၣ်တက့ၢ်. မ်အကသ့ၣ်ညါဝဲလၢတၢ်ပာ်တ့ၢ်တၢ်ဟ့ၣ်သါ တမ့ၢ် တၢ်မၤဝံၤ, မၤကဲထီၣ်လိၣ်ထီၣ်တၢ် ဒ်သိးကကတိၤပတြၢၤလီၤအသးဘၣ်. မ့မ့ၢ်တခီ အမ့ၢ်ဝဲတၢ်ပာ်တ့ၢ် ယွၤအတၢ်စဲပနီၣ်တဖၣ် လၢစိၤလၢခံတဖၣ် အသးဒီးအတၢ်အိၣ်မူအပူၤန့ၣ်လီၤ. ပျဲနတၢ်လဲလိာ်အဝဲသ့ၣ် ကဲထီၣ်တၢ် အသဟီၣ် လၢကအိၣ်မူထွဲနသကဲာ်ပဝး ဒီး ပာ်တ့ၢ်နတၢ်ဟ့ၣ်သါန့ၣ်တက့ၢ်. လၢခရံာ်အမံၤ ယဃ့နၤလီၤ. အၤမ့ၣ်.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Week 30
PILLAR OF SHAME
Hebrews 12:2 – “Looking to Jesus, the author and perfecter of faith, who for the joy that was set before him endured the cross, despising its shame, and has sat down at the right hand of the throne of God.” (WEB)
After Sunday’s worship service, I went to Hong Kong University to see the “Pillar of Shame.” The Chinese Communist Party (CCP) demanded it be removed from the campus or face destruction. This Pillar of Shame is one of the last remaining reminders of the mass killings at Tiananmen Square. It was created by Danish sculptor Jens Galschiot. The twisted and torn bodies of the 50 figures are sculpted to depict those who died because of the government repression. The words “The Tiananmen Massacre,” “June 4, 1989,” and “The old can’t kill the young forever” are inscribed on the base in both English and Chinese. After the National Security Law was imposed in Hong Kong, books and symbols for democracy and freedom were removed from the library and public. The CCP has been attempting to erase memories of evil crimes in the past. Out of fear and unstable politics, thousands of Hong Kong citizens have left the country. Christian leaders are well aware of the changes and the freedom that is steadily slipping away.
This visit made me think about the Karen Revolution in 1949, the history of Karen then and now, and the ongoing bloodshed. Thousands of innocent people suffered and died because of the leadership of the vicious greedy and selfish dictators. Many lost their lives because of the kleptocrats and fascists. Many educated Karen, such as teachers, engineers, doctors, nurses, entrepreneurs, and so on were kicked out of their respective homelands. The corpses of God’s beloved, who shared the gospel and boldly carried the cross and finished their races, are the seeds that died and produced flowers and fruits. They are now scattered in different parts of the world. Karen Christians face the challenge of forgetting or documenting our true history as a result of the diaspora. Yes, Karen people may know and write our history through literature, poems, songs, culture, tradition, food, and so on. More than that, we can write our history without a pen. How? Write our history with our life (lifestyle, legacy)! Make wise decisions and live a godly life, so that the next generations after us can learn from us what it means to be faithful to God and follow Him wholeheartedly. Let our sweat, blood, dedication, and life brighten their eyes to see the power of the cross! May our footsteps on a narrow road direct them to the eternal home.
The Pillar of Shame also reminded me of Jesus on the cross, despised, disgraced, and disfigured. But the legacy of Jesus is redemption and liberation from sins — hatred, lust, pride, corruption, etc. So, how do we carry on the legacy of Christ? Cultivate characters of God — forgiveness, humility, loving with sincerity, healing of the wounded, etc. Jesus can help us to live abundantly here and now on earth. Let us write a Karen Christian history with our life by living out God’s character and differentiating ourselves from the ‘world,’ and thereby carrying Christ’s legacy.
Thrah Saw Beh
Hong Kong
REFLECT
The Pillar of Shame reminded Thrah Saw Beh of widespread gross injustice perpetrated in Hong Kong, Myanmar, and other places. At the same time, Thrah Saw Beh saw the Pillar of Shame as an invitation to become the pilgrim of truth, justice, and peace, who leaves for this world the legacy of Christ. Accepting this invitation requires living a transformative life that reflects Christ’s characters. Martin Luther King Jr. said, “Injustice anywhere is a threat to justice everywhere.”
What does it mean to leave a legacy of Christ for you personally?
How are you showing characters of Christ in your home, church, workplace, and neighborhood?
PRAYER FOR THE READER
Dear God, please bless Your children reading this devotional journal. I pray they will care about the injustice in this world and want to make a difference. May they know a legacy is not about having many accomplishments to boast about one’s own glory, but leaving a godly imprint in the hearts and lives of future generations. Let your transformation in their lives be a force that propel them to live out Your character and leave Your legacy. In Jesus’ Name I pray. Amen.