အနွံ ၁၁ ကိးထီၣ်ယွၤလၢတၢ်ကိၢ်တၢ်ဂီၤ စံးထီၣ်ပတြၢၤ ၅ဝ:၁၅ – ‘‘ဒီးလၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ဒီးယကမၤပူၤဖျဲးနၤ, ဒီးနကမၤလၤကပီၤယၤလီၤ.’’ ကစၢ်ယွၤမၤတီအကလုၢ်ထီဘိဘၣ်ဆၣ်ပဝဲဒၣ်ပှၤကညီသ့ၣ်တဖၣ်ပသးဒ့ဒီထီဘိလၢပတၢ်ကွၢ်ဆၢၣ်မဲာ်အပူၤန့ၣ်လီၤ. ဖဲ ၂၀၁၉ လါဒံၣ်စဲဘၢၣ် ၂၅သီ, ယနီၢ်ကစၢ်ဃုာ်ဒီးပှၤမၤသကိးတၢ်ဖိခဲလၢာ် လၢ ခီၣ်လရၣ်ဒိၣ် အဖရံၣ်ကဲၣ်န် တၢ်ကရၢကရိ (Colorado […]
Read more →အနွံ ၁၀ ယွၤအတၢ်တိာ်ပာ်လၢပဂီၢ်, ထီန့ၢ်ပတၢ်ဆိကမိၣ်မှံတၢ်ဒီးတၢ်လၢပဆိကမိၣ်သ့ ယၡါယၤ ၅၅:၈-၉ – ‘‘အဂ့ၢ်ဒ်အံၤ, ယတၢ်ဆိကမိၣ်တမ့ၢ်ဘၣ်သုတၢ်ဆိကမိၣ်ဘၣ်, ဒီးသုကျဲတမ့ၢ်ဘၣ်ယကျဲဘၣ်, ယွၤစံးဝဲ ဒၣ်. အဂ့ၢ်ဒ်အံၤ, ဒ်မူခိၣ်ထီန့ၢ်ဟီၣ်ခိၣ်အသိး, ယကျဲထီန့ၢ်သုကျဲ, ဒီးယတၢ်ဆိကမိၣ်ထီန့ၢ်သုတၢ်ဆိကမိၣ်ဒ်န့ၣ်သိးလီၤ.’’ ယတၢ်ဆီဟံၣ်ဆီဃီတစးထီၣ်အသးဒ်ခရံာ်ဖိတဂၤအသိးဘၣ်. စးထီၣ်လၢယသးစၢ်အဆၢကတီၢ်ယဂုာ်ဖးလံာ်စီဆှံဘၣ်ဆၣ် တကဲ ထီၣ်ဝဲတၢ်သ့ၣ်ညါနၢ်ပၢၢ်တၢ်တမံၤမံၤလၢယဂီၢ်ဘၣ်. […]
Read more →၉ နွံတနွံ သးအိၣ်ယွၤအတၢ်တက့ၢ် မးသဲ ၁၆:၂၃ – ‘‘သးအိၣ်ပှၤကညီအတၢ်တဂ့ၤ, မ့မ့ၢ်သးအိၣ်ယွၤအတၢ်တက့ၢ်.-’’ ယဖးဘၣ်လံာ်မးသဲအဆၢဒိၣ် ၁၆အံၤန့ၣ် ဘၣ်ထွဲလိာ်သးဒီးယတၢ်လဲၤခီဖျိဒိၣ်မးဒီး ယအဲၣ်ဒိးကွဲးစ့ၢ်ကီးတၢ်လဲၤခီဖျိလၢ ယွၤအလၤကပီၤအဂီၢ်န့ၣ်လီၤ. စးထီၣ်လၢ ၂၀၀၉နံၣ်န့ၣ် ကစၢ်ယွၤကိးထီၣ်ယၤလၢယကမၤအတၢ်န့ၣ်လီၤ. ယဆိကမိၣ်လၢ ယမၤယွၤအတၢ်လၢပှၤကိးဂၤဒဲးကဘၣ်အသးဒီး ကအဲၣ်ဘၣ်ယၤအဃိ […]
Read more →၈ နွံတနွံ တၢ်ထုကဖၣ်အစိကမီၤ ရိမ့ၤ ၁၂:၁၂ – ‘‘လၢတၢ်မုၢ်လၢ်အပူၤန့ၣ်သးခုတက့ၢ်. လၢတၢ်နးတၢ်ဖှီၣ်အပူၤန့ၣ်ဝံသးစူၤတက့ၢ်. လၢတၢ်ထုကဖၣ်အဂ့ၢ်န့ၣ်မၤသပှၢ်ပှၢ်တက့ၢ်.’’ ပဝဲပှၤကညီတကလုာ် ပဘၣ်လဲၤခီဖျိတၢ်လဲၤခီဖျိ အကလုာ်ကလုာ် လၢပတၢ်အိၣ်မူအပူၤလီၤ. တၢ်အိၣ်ဆူၣ်အိၣ်ချ့ မ့ၢ်တၢ်တမံၤ လၢအတၤတၢ်ဒီးပှၤထီဘိန့ၣ်လီၤ. ပဒိၣ်ထီၣ်ဘၣ်လၢတၢ်ဖှီၣ်တၢ်ယာ်, တၢ်ဃံးတၢ်စ့ၤအပူၤ ဒီး ပတန့ၢ်ဘၣ် […]
Read more →၇ နွံတနွံ ယွၤတဟ့ၣ်လီၤကွံာ်ပှၤဆူတၢ်သံဒံးဘၣ်. ပကစံၣ်တဲၤတဲလီၤယွၤအတၢ်မၤ. စံးထီၣ်ပတြၢၤ ၁၁၈:၁၇-၁၈ – ‘‘ယတသံဘၣ်, မ့ၢ်ယကမူဒီးစံၣ်တဲၤတဲလီၤယွၤအတၢ်မၤတဖၣ်လီၤ. ယွၤသိၣ်ဃီၣ်ယၤနးမးလီၤ. ဘၣ်ဆၣ်ဒီးတဟ့ၣ်လီၤကွံာ်ယၤဆူတၢ်သံဘၣ်.’’ ဖဲ ၁၉၈၀နံၣ် လါအီကူးအပူၤ, ယလဲၤထီၣ်ဘၣ်သုးတၢ်မၤလိလၢယကမၤတၢ်ပၢၢ်ဆၢတၢ်မၤန့ၣ်လီၤ. တၢ်မၤလိဝံၤန့ၣ် ယဃုထၢ လၢယကမၤသကိးတၢ်လၢသုးတၢ်သိၣ်လိအတၢ်ဖံးတၢ်မၤလီၤ. ယက့ၤထီၣ်တုၤလၢခီၣ်တဃာ်ဟီၣ်ကဝီၤပူၤ […]
Read more →၆ နွံတနွံ တၢ်ထုကဖၣ်အလုၢ်အပှ့ၤ ယိၤဟၣ် ၁၄:၁၃-၁၄ – ‘‘ဒီးဖဲဒၣ်သုဃ့တၢ်လၢယမံၤတမံၤလၢ်လၢ်န့ၣ်, ယကမၤအဝဲန့ၣ်, ဒ်သိးပၢ်အလၤကပီၤကအိၣ်ဖျါလၢအဖိခွါအပူၤလီၤ. သုမ့ၢ်ဃ့တၢ်တမံၤမံၤလၢယမံၤဒီး ယကမၤလီၤ.’’ ယဘါထုကဖၣ်ရ့ဒီးကစၢ်ယွၤကိးမုၢ်နံၤမုၢ်နၤဒဲးလီၤ. ယမ့ၢ်တဘါထုကဖၣ်န့ၣ်ယတူၢ်ဘၣ်ဒ်သိးတၢ်တလၢတပှဲၤလီၤ. တၢ်ထု ကဖၣ်မ့ၢ်တအိၣ်ဒီး ယသးပူၤတၢ်ဆိၣ်ဂ့ၤအကျဲကးတံာ်အသးဒီး မ့ၢ်တၢ်ကီတၢ်ခဲလၢယဂီၢ်လီၤ. အပူၤကွံာ် တလါအတီၢ်ပူၤ ယမိၢ်သးပှၢ်ဒီး […]
Read more →၅ နွံတနွံ ဟံးဃာ်နတၢ်ကတိၤဆူယွၤ မးသဲ ၅:၃၇ – ‘‘မ်သုကတိၤတၢ်လၢအမ့ၢ်, အမ့ၢ်, တမ့ၢ်ဘၣ်, တမ့ၢ်ဘၣ်, န့ၣ်တက့ၢ်. တၢ်အါန့ၢ်အန့ၣ်တဖၣ် ဟဲလၢ တၢ်အၢတၢ်သီအပူၤလီၤ.’’ ယမ့ၢ်နီၢ်ကညီထူလီၤ. ယမ့ၢ်ဖိဝဲၢ်ကိတဂၤလၢအဒိၣ်ထီၣ်ဘၣ်ဒ်ပှၤခရံာ်ဖိတဂၤအသိးန့ၣ်လီၤ. ယဆိကမိၣ်လၢယကြၢးအိၣ်ဒီး တၢ်မၤလိထူကလုၢ်ယွၤကထါဖဲယွၤဂ့ၢ်ပီညါဖၠၣ်စိမိိၤလီၤ. ယတဲယမိယပါလၢယကမၤလိယွၤအကလုၢ်ကထါအခါအဝဲသ့ၣ်ဘၣ် အသးလီၤ. […]
Read more →၄ နွံတနွံ ယွၤမၤတၢ်ခဲလၢာ်သ့ မၢ်ကူး ၁၀:၂၇ – ‘‘ဒီးယ့ၣ်ရှူးကွၢ်ထံအီၤ, ဒီးစံးဝဲဒၣ်, တသ့ဘၣ်ဒီးပှၤကညီဘၣ်ဆၣ်ဒီး, တသ့ဘၣ်ဒီးယွၤန့ၣ် တမ့ၢ်ဘၣ်. အဂ့ၢ်ဒ်အံၤ, ယွၤသ့တၢ်လၢာ်လီၤ.’’ ယွၤမၤတၢ်ခဲလၢာ်သ့ဝဲအခီပညီတမ့ၢ်လၢအဝဲကမၤဝဲတၢ်ခဲလၢာ်လၢပအဲၣ်ဒိးမၢအမၤဝဲဘၣ်. အခီပညီမ့ၢ်ဝဲယွၤအိၣ်ဒီးအစိကမီၤ အလၢအပှဲၤလၢကမၤဝဲတၢ်လၢအဘၣ်အသးခဲလၢာ်န့ၣ်လီၤ. တၢ်ခဲလၢာ်လၢအကဲထီၣ်သ့ဝဲလၢယွၤန့ၣ် သန့ၤထီၣ်အသးလၢ […]
Read more →၃ နွံတနွံ တၢ်ဆိကမိၣ်ထံက့ၤတၢ်သးအုးဘၣ်မိၣ်ဘၣ်မးအဂ့ၢ် ရိမ့ၤ ၁၂:၁၅ – ‘‘ပှၤလၢအသးခုတဖၣ်န့ၣ်, သးခုဃုာ်ဒီးအီၤတက့ၢ်, ဒီးပှၤလၢအဟီၣ်တဖၣ်န့ၣ်, ဟီၣ်ဃုာ်ဒီးအီၤတက့ၢ်.’’ ပဝဲအါဂၤပကကွၢ်ဆၢၣ်မဲာ်ဘၣ် တၢ်လီၤမၢ်ဒီးတၢ်ဘၣ်မိၣ်ဘၣ်မးန့ၣ်လီၤ. ထဲဒၣ်ယွၤသ့ၣ်ညါ ယဆိကမိၣ်ပှဲၤဘျီ ဘၣ်ဃးဒီး ယဟံၣ်ဖိဃီဖိလၢယအဲၣ်အီၤအတၢ်လီၤမၢ်တဖၣ် လၢအမၤသူၣ်အုးသးအုးယၤ, မၤသ့ၣ်ဖးမၤလီၤကလဲကွံာ်ယသးန့ၣ်လီၤ. လၢပတၢ်အိၣ်မူအပူၤတၢ်လၢကဒုးကတဲာ်ကတီၤပှၤဒ်သိးပကကွၢ်ဆၢၣ်မဲာ်တၢ်သံတၢ်ပှၢ်လၢပှၤလၢပအဲၣ်အီၤန့ၣ်တအိၣ်ဘၣ်. […]
Read more →၂ နွံတနွံ ယွၤသူပှၤသ့ၣ်တဖၣ်လၢအသးသမူဘၣ်ဒိဘၣ်ထံးသ့ၣ်ဖး ၂ ကရံၣ်သူး ၁:၄ – ‘‘အဝဲဒၣ်မၤမုာ်ထီၣ်ပှၤလၢပတၢ်နးတၢ်ဖှီၣ်ခဲလၢာ်အပူၤ, ဒ်သိးပကမၤမုာ်ထီၣ်ပှၤလၢ အဘၣ်တၢ်နးတၢ်ဖှီၣ်တမံၤမံၤ, လၢတၢ်မုာ်လၢယွၤမၤမုာ်ပသးန့ၣ်လီၤ.’’ မုၢ်တနၤ, ယဆိကမိၣ်လၢမနုၤအဃိ ယကဲထီၣ်ဘၣ်ယဲပှၤကဟုကယာ်ကူၣ်လိာ်တၢ်တဂၤလဲၣ်. မ့ၢ်ဘၣ်တဲတီတီအဃိ, ယအိၣ် ပှဲၤဒီးတၢ်လီၤတူာ်လီၤကာ်အတယၢၢ်အဃၢတဖၣ်လၢအတဲယၤလၢယတကြၢးကဲထီၣ် ပှၤကဟုကယာ်ကူၣ်လိာ်တၢ်တဂၤဘၣ်န့ၣ် လီၤ. ယဒိၣ်ထီၣ်လၢဟံၣ်ကိၢ်ဟံၣ်ဂီၤအပူၤအိၣ်ပှဲၤဒီးတၢ်အ့ၣ်လိာ်ဆိးက့လိာ်သးလီၤ. […]
Read more →