စံးထီၣ်ပတြၢၤ ၈၂:၃-၄ – ‘‘စံၣ်ညီၣ်န့ၢ်ပှၤဖှီၣ်ဖိယာ်ဖိ, ဒီးပှၤဖိၣ်ဃဲ, စံၣ်ညီၣ်တီ ပှၤဘၣ်နးဘၣ်ဖှီၣ်, ဒီးပှၤဖှီၣ်ဖိ ယာ်ဖိန့ၣ်တက့ၢ်. မၤပူၤမၤဖျဲးပှၤဘၣ်နးဘၣ်ဖှီၣ်ဒီး ပှၤဖှီၣ်ဖိယာ်ဖိ, မၤထူၣ်ဖျဲးအီၤလၢပှၤတတီတလိၤအစုပူၤန့ၣ်တက့ၢ်.’’
ဒ်ယမ့ၢ်ကီၢ်တကူၣ်ပိာ်မုၣ်ကရၢပှၤဘၣ်မူဘၣ်ဒါတဖၣ်အကျါတဂၤအသိး ယကကဟုကယာ်ဆီၣ်ထွဲမၤစၢၤပိာ်မုၣ် လၢဘၣ်ဖှီၣ် ဘၣ်ယာ်, ဘၣ်ကီဘၣ်ခဲ, ဘၣ်တၢ်မၤဆူၣ်မၤစိး, ဘၣ်တၢ်ဆါအီၤပှ့ၤအီၤတဖၣ် န့ၣ်လီၤ. လၢအကျါယအဲၣ်ဒိးဟ့ၣ်ခီဟ့ၣ်နီၤ မးဖၠူၣ်အဂ့ၢ်လီၤ.
ပိာ်မုၣ်သးစၢ်ဖိမးဖၠူၣ်အံၤအိၣ်ဝဲဖဲသဝီ လၢကယံၤဒီးဝ့ၢ်တကူၣ် ၄၀ မံးလာ်န့ၣ်လီၤ. အဒီပုၢ်ဝဲၢ်အါဝဲ, အိၣ်ဘၣ်ကၠိတုၤ ၂တီၤ, အပၢ် သံသဒၣ်ကွံာ်အီၤအဃိဟံၣ်ဃီတၢ်အိၣ်မူကီခဲဝဲလီၤ. မိၢ်ဆီဟံၣ်ဆီဃီဒီးပၢ်ယၢ်အီသံးလၢတီၢ်ဖိမါလီၤ. မးဖၠူၣ်မၤတၢ်သူၣ်ဘုကူးဘု ဘၣ်ဆၣ်, တလၢဝဲလၢအဟံၣ်အဃီအတၢ်လိၣ်အဃိ, ဒ့ၣ်ကမၣ်တဖၣ်အါထီၣ်ဝဲလီၤ. ဖဲန့ၣ်အသဝီပူၤ သးပှၢ်မုၣ်တဂၤတဲအီၤလၢ ကလဲၤမၤတၢ်လၢတရူးကီၢ်လၢတၢ်ကွၢ်ပှၤသးပှၢ်အဂီၢ်ဒီးတလါကန့ၢ်ဝဲ ၄ကလီၢ်အဃိ အဝဲအၢၣ်လီၤလၢကလဲၤဝဲလီၤ. သးပှၢ်မုၣ် အံၤ ဆှၢတ့ၢ်လံမးဖၠူၣ်အပုၢ်မးညိၣ်လၢအပူၤကွံာ် ၆လါန့ၣ်လီၤ. သးပှၢ်မုၣ်ဟဲစိာ်စ့ ၁၅ကလီၢ်ဘး ဒီး ဟ့ၣ်ဝဲမးဖၠူၣ် ၇ကလီၢ်ဘး ဒီးမ့မ့ၢ်ဃိးကလီၢ်ဘးန့ၣ်ကမ့ၢ်အတၢ်လဲၤဆှၢမးဖၠူၣ်အဂီၢ်န့ၣ်လီၤ. မးဖၠူၣ်လဲၤဘၣ်လၢသိလ့ၣ် ယဲၢ်သီဒီးတုၤလၢတရူးဖုပှၢ်တဂၤ အဟံၣ်လီၤ. လၢခံတနံၤ တရူးပိာ်ခွါတဂၤအတၢ်ဟဲကိးအီၤလီၤ. တရူးပိာ်ခွါအံၤအိၣ်ဒီး တၢ်အီၣ်အကျးအဃိ မးဖၠူၣ်ဘၣ်မၤတၢ် လၢကျးအတၢ်မၤ, ဟံၣ်အတၢ်မၤအမဲာ်ညါ, ဘၣ်အိၣ်ဃုာ်ဝဲဒ်အမါအသိးလီၤ. တဘျီတခီၣ်ဒၣ်လဲာ် ဘၣ်တၢ်ဒိအီၤတီၢ်အီၤလီၤ. မးဖၠူၣ်တဲဝဲသါလီၤတဲာ်လၢလရာ်အပူၤန့ၣ်လီၤ. ဘၣ်တနံၤဖဲလဲၤဆူကျးတဖျၢၣ်ဒ်သိးကပှ့ၤတၢ်အဂီၢ်န့ၣ်ထံၣ်လိာ်အသးဒီးအပုၢ်ဒီး တၢၣ်ပီၣ်လိာ်သးဒီးလၢခံတနံၤ ဃ့ၢ်ထွးထီၣ်ဝဲလီၤ. ပှၤနီၤသိလ့ၣ်လၢအဝဲသ့ၣ်ဒိးလဲဝဲန့ၣ် က့ၤဆှၢက့ၤဆူအပုၢ်အဟံၣ်လီၤ. မုၢ်ဆ့ၣ် ထီၣ် တရူးပိာ်ခွါအသီတဂၤဟဲကိးကဒီးမးဖၠူၣ်လီၤ. တရူးဖုပှၢ်အံၤအသးတဘၣ်လိာ်ကဲာ်ဆိးဘၣ်. ဒုးဃာ်အီၤလၢဒၢးပူၤ, တဒုးအီၣ် တၢ်အီၣ်တၢ်အီဘၣ်ဆၢဘၣ်ကတီၢ်အမဲာ်ညါဒိဝဲတီၢ်ဝဲကိးနံၤလီၤ. ဒ်န့ၣ်အသိးမးဖၠူၣ်ဘၣ်အိၣ်စ့ၢ်ကီးဝဲဒ်အမါအသိးလီၤ. ဘၣ်တနံၤ မးဖၠူၣ်မံဘၣ်အသးဒီး ဖဲတၢ်ကိၢ်ဘၣ်အီၤန့ၣ်ဖုးပၢၢ်လီၤကတီၢ် မ့ၣ်အူအီၣ်တၢ်တဖၣ်အိၣ်ဝးတရံးအီၤ ဒီး ဘၣ်တၢ်စၢဃာ်အီၤလၢ ပျံၤဒီဂၤညါလီၤ. ကိးဝဲဘၣ်ဆၣ်မတၤမးတနၢ်ဟူဘၣ်. မ့မ့ၢ်ထံၣ်ဒၣ်ထဲသးပှၢ်အံၤအမဲာ်လၢမ့ၣ်အူလၣ်ဒီး သးပ့ၤနီၣ်ဘၣ်အသးလီၤ. ဖဲသ့ၣ်နီၣ်ထီၣ်တုၤလၢတၢ်ဆါဟံၣ်ဒီး မတၤဟဲဆှၢအီၤန့ၣ်တသ့ၣ်ညါဝဲဘၣ်. ပၢၢ်ထီၣ်တခီအနီၢ်ကစၢ် ကိၢ်အူကိၢ်ကဖးဒီဂၤညါလီၤ. အနၢ်လၢစ့ၣ်တခီမ့ၣ်အူအီၣ်ကွံာ်ဒီးအနၢ်အပူၤတအိၣ်လၢၤဘၣ်. အနၢ်လၢထွဲတခီမ့ၣ်အူအီၣ်ကွံာ် တဝာ်ဒီးအဖံးတဖၣ်ဘိၣ်တံၢ် အသးလီၤ. အခၣ်ဒီးအဖံဘၣ်ခိၣ်တဖၣ် စဲဘူးအသးတခီဒ့ဒီး အနီၢ်ကစၢ်အဖီခိၣ်တကပၤအဖံးတဖၣ် ဟးဂီၤကွံာ်ဝဲခဲလၢာ်လီၤ. အဝဲအိၣ်ဖဲတၢ်ဆါဟံၣ် ၇လါဝံၤဘၣ်တနၤအဝဲမံဘၣ်အသးအခါ ပှၤစိာ်ထီၣ်ကွံာ်အီၤဒီးလဲၤကွံာ်အီၤ လၢပှၤစူးကွံာ်ပာ်တၢ်ဘၣ်အၢ ဘၣ်သီ တၢ်သပှီာ်တဖၣ်အကျါလီၤ. တအိဘၣ်ထံ, တအီၣ်ဘၣ်မ့ၤ ၂သီ ဒီးအပူၤလီၢ်တဖၣ်ဒၣ်လဲာ်လၢၣ်ထီၣ်၀ဲဒၣ်န့ၣ်လီၤ. ဒီးဖဲန့ၣ် တရူးပၢၤကီၢ်တဖၣ်ဟဲကိးက့ၤအီၤဒီးဆှၢအီၤဆူတၢ်ကဟုကယာ် ပှၤဘၣ်တၢ်ဆါလီၤကွံာ်ပှၤတဖၣ်အတၢ်အိၣ်ဆိးလီၢ်ဒီး ဘၣ်အိၣ် ဖဲန့ၣ် ၂လါဒီးဘၣ်တၢ်ကူစါအီၤလီၤ. ဝံၤအဝဲဘၣ်တၢ်ဟဲဆှၢက့ၤတဆီဘၣ်တဆီ တုၤလၢအဟံၣ်လီၤ.
ဖဲန့ၣ်ကီၢ်ပိာ်မုၣ်ကရၢတၢ်ကဟုကယာ်ပှၤလၢ အဘၣ်တၢ်ဆါကွံာ်အီၤအတၢ်တိာ်ကျဲၤအပှၤမၤသကိးတၢ်တဖၣ် ဘၣ်ဟံးန့ၢ်မူဒါ သုးကျဲၤဖံးမၤတိာ်ကျဲၤ တၢ်လၢမးဖၠူၣ်အဂီၢ် — သးပှၢ်မုၣ်လၢအဆါလီၤအီၣ်အီၤအတၢ်မူးတၢ်ရၢ်အဂီၢ်, တၢ်ကူစါယါဘျါက့ၤ မးဖၠူၣ်အတၢ်ဆါအဂီၢ်, မးဖၠူၣ်ကဒိးန့ၢ်သးအတၢ်ဘံၣ်တၢ်ဘၢ, နီၢ်ခိအတၢ်ဘံၣ်တၢ်ဘၢတဖၣ်အဂီၢ်, မးဖၠူၣ်ကအီၣ်ဘၣ်အီဘၣ် တၢ်အဂီၢ်န့ၣ်လီၤ. မ့ၢ်လၢခိဘ့း-၁၉ အဆၢကတီၢ် ဒီး ထံကီၢ်တဂၢၢ်တကျၢၤဘၣ်အဃိ, တၢ်ကီတၢ်ခဲအိၣ်အါမးလီၤ. သနာ်က့ ယွၤအဘျုးအဖှိၣ်အဃိ ယကျဲၤန့ၢ်တၢ်လၢာ်ဘူၣ်လၢာ်စ့ၤအတၢ်လိၣ် ဒီးဃုန့ၢ်အီၤကသံၣ်သရၣ်လီၤ. ပကျဲးစၢးလၢာ်သူၣ်လၢာ်သး သနာ်က့ တချုးလၢပလဲၤကိးအီၤ ၂သီလၢတၢ်ကူစါအဂီၢ်န့ၣ် အဝဲဘှီးလီၤအသွံၣ်ဒီးအသးဟးထီၣ်ဝဲလီၤ. ပသးတမုာ်လၢ ပတမၤ စၢၤဘၣ်အီၤ တုၤအကတၢၢ်တစုဘၣ်န့ၣ်လီၤ. အဝဲတမ့ၢ်ပှၤစူၢ်က့ၤနာ်က့ၤယွၤသနာ်က့အတၢ်အိၣ်မူလၢခံ တပတီၢ်န့ၣ်ဒိးန့ၢ်ဘၣ်ဝဲ တၢ်သးမုာ်သးခုတဖၣ်ခီဖျိပပှၤမၤသကိးတၢ်တဖၣ်လီၤ.
ကစၢ်ယွၤကွဲမုာ်ပှၤခီဖျိလံာ်ထါစံးထီၣ်ပတြၢၤ ၈၂:၃-၄န့ၣ် မ့ၢ်ဒ်သိးပကဆၢထၢၣ်စၢၤလၢပှၤလၢအလိၣ်ဘၣ်ပတၢ်မၤစၢၤ, ပှၤလၢ အဖှီၣ်အယာ်ဒီးပှၤလၢပှၤမၤစၢၤအီၤတအိၣ်တဖၣ်အဂီၢ်လီၤ. ပကဆိကမိၣ်ထံက့ၤကစၢ်ခရံာ်အတၢ်ထံၣ်ဆူပှၤလၢအလိၣ်ဘၣ် တၢ်မၤစၢၤတဖၣ်အဖီခိၣ် ဒီးပကဘၣ်သမံသမိးက့ၤ ပတၢ်ထံၣ်လၢပှၤလၢအလိၣ်ဘၣ်တၢ်မၤစၢၤတဖၣ်အဖီခိၣ်န့ၣ်လီၤ.
ဘၣ်မနုၤပမၤယံာ်မၤနီၢ်ပသးလၢပကမၤစၢၤဘၣ်ပှၤတဖၣ်အံၤန့ၣ်လဲၣ်. ပအိၣ်မူဒ်တၢ်တတီတလိၤတဘၣ်ဃးဒီးပှၤဧါ. ပဘၣ်မုာ်ဘၣ်ခုၣ်လံအဃိ ပသးပ့ၤနီၣ်ကွံာ် ပှၤသ့ၣ်တဖၣ်လၢဘၣ်တၢ်မၤအီၤတတီတလိၤဧါ. မ့ၢ်နကဆၢထၢၣ်လၢတၢ်မ့ၢ်တၢ်တီအဖီခိၣ် ဒီးဃုတၢ်စံၣ်ညီၣ်တီဒ်လဲၣ်.
ယွၤဧၢ, ပဝဲခဲလၢာ်မ့ၢ်နတၢ်ဘၣ်တ့လၢ နတ့အီၤလၢနက့ၢ်နဂီၤအဃိ ပလုၢ်ပပှ့ၤမ့ၢ်ဒၣ်တၢ်ဒ်သိးသိးဒီး ပကြၢးဝဲဘၣ်ဝဲဒီး တၢ်ဒိးန့ၢ် တၢ်ခွဲးတၢ်ယာ်ဒ်သိးသိးန့ၣ်လီၤ. ကစၢ်ခရံာ်အနီၢ်ခိအက့ၢ်အဂီၤတဖၣ် ကဘၣ်ဟီၣ်သကိး တူၢ်သကိးတၢ်ဒီး ပှၤလၢအဟီၣ်ဒီး အတူၢ်ဘၣ်တဖၣ်ဘၣ် ဒီးမၤတၢ်တမံၤမံၤလၢ အဝဲသ့ၣ်ကထူၣ်ဖျဲးကွံာ်ဝဲအဂီၢ်န့ၣ်လီၤ. ဟ့ၣ်ဘၣ်ပှၤသးအတၢ်ကပီၤ ဒီးသးအတၢ်ဂံၢ်တၢ်ဘါဒ်သိး ပသုတကတၢၢ်ဖဲ ပတၢ်ထီဒါတၢ်တတီတလိၤတဖၣ် ထဲလၢထးခိၣ်န့ၣ်တဂ့ၤ. မ့မ့ၢ်ပကမ့ၢ်ပှၤလၢမၤတၢ်တမံၤမံၤ လၢတၢ်ဆၢထၢၣ်ဃုာ်ဒီး ပှၤလၢအတူၢ်ဘၣ်တၢ်တဖၣ်တက့ၢ်. လၢခရံာ်အမံၤ ယဃ့နၤလီၤ. အၤမ့ၣ်.
ARE WE PROCRASTINATING IN HELPTING THE NEEDY?
Psalm 82: 3-4 – “Defend the cause of the poor and the fatherless. Vindicate the oppressed and suffering. Rescue the poor and needy. Deliver them from the power of the wicked.” (NLT)
As a member of the Yangon Women Fellowship organization, my responsibilities include providing care and support for women who are poor, or who have been abused, or are victims of human trafficking. I would like to share the story of Ma Phyu. Ma Phyu came from a village, 40 miles from Yangon. She had many siblings and only a second-grade education. When Ma Phyu’s father died, the family situation worsened. Ma Phyu’s mother soon remarried but he was a drunkard who would regularly beat them. Ma Phyu toiled in the paddy fields to financially support the family. Her meager salary was not enough, and soon they fell into deep debt. A woman living in the same village then approached Ma Phyu and told her of a job opportunity in China looking after the elderly. Ma Phyu was promised a salary of 400,000 kyats a month (about 200 USD). This lady had also previously sent Ma Phyu’s younger sister, Ma Nyo, to China about six months ago. Soon, this woman came to Ma Phyu with 1,500,000 kyats. She gave Ma Phyu 700,000 kyats, while the remaining 800,000 kyats was for Ma Phyu’s transport to China. Ma Phyu was sent to China in a car and five days later, she arrived at an elderly Chinese man’s house. The following day, another Chinese man came to take her. This Chinese man had a food stall in the local market. Ma Phyu had to work at his food stall. On top of this, Ma Phyu was made to perform regular sexual duties. Sometimes, Ma Phyu was also beaten. Ma Phyu recounted that she fell into hell. One day while she was at the market, Ma Phyu accidentally ran into her sister, Ma Nyo. The two sisters then planned an escape and swiftly executed their plan the following day. But to their dismay, the driver who was supposed to help them escape drove the two sisters back to where Ma Nyo worked. When morning came, yet another Chinese man came and took Ma Phyu away. This Chinese man was not of sound mind. He imprisoned Ma Phyu in his house and did not give her food regularly. He also beat her every day. Ma Phyu was also forced to perform sexual duties. Then one day, Ma Phyu woke up from her sleep feeling scorching heat. She had a frightening shock when she saw flames surrounding her. She soon realized that her entire body had been tied up with a rope. She cried for help but no one heard her. She then saw a glimpse of the elderly Chinese man in the flames, but soon after lost consciousness. When Ma Phyu regained consciousness, she was in the hospital but did not know who had brought her there. She felt her entire body was burning. While her right ear was partially burnt, her entire left ear had been completely burned away. The burns also caused her jaw and shoulder to melt and join. She also suffered severe burns on the rest of her upper body. About seven months into her hospital stay and while she was sleeping, some people took Ma Phyu and discarded her at a rubbish dump. She went without food and water for two days. Her wounds became infested with maggots. Fortunately, Ma Phyu was found by Chinese officials. She was taken to a center providing care for trafficked women. She received medical treatment for two months before she was sent back to her home in the village.
The Yangon Women Fellowship organization then received the responsibility of providing help to Ma Phyu. We filed a police case for her. We arranged medical treatment for Ma Phyu’s burn injuries, provided support for her physical and mental well-being, and also gave her food. This responsibility was not made easy as the COVID-19 situation in Burma became unstable. But by the grace of God, I was able to raise enough funds and managed to find a doctor who could treat Ma Phyu. We did everything that we could and gave our all, but two days before we could bring her to the doctor, she vomited blood and eventually died. We were saddened that we were not able to help Ma Phyu until the very end. Though she was not a believer, she received comfort and joy in her last days spent with our volunteers.
Rev. Dr. Naw Paw Gaw
The Lord invites us in Psalm 82:3-4 to help those who need our help, the poor and those no one is helping. Let’s align ourselves to how Jesus responded to those who needed help.
Let us examine our attitudes towards those who need help.
How many times have we steered clear of helping those who truly needed our help?
Why are we procrastinating? Are we living as if injustice is no threat to us?
Have we forgotten the needy because we are living peaceful and comfortable lives?
Will you stand up for righteousness and seek justice for them?
PRAYER FOR THE READER
Dear God, all of us are Your creation. We are created in Your Image, so we have the same worth and are worthy of the same opportunities and privileges. As members of Christ, let us cry and suffer along with those who are crying and suffering. Please enable us to help alleviate their suffering. Give us light in our hearts and grant us strength so that we will not just speak out on injustice with our mouths, but seek justice with our actions and stand with those who are treated unjustly. In Christ Jesus’ Name we pray. Amen.