အနွံ ၃၉
တၢ်ခံးတၢ်နၤအစိကမီၤလၢအမၤတံာ်တာ်ပှၤ
၁ပ့းတရူး ၅:၈ – ‘‘ကီၤသုသးတက့ၢ်. ဆိးသီတက့ၢ်. အဂ့ၢ်ဒ်အံၤ, ဒ်ခ့ယုၢ်ကညီၤရုၢ်ရုၢ်အသိးန့ၣ်, သုဒုၣ်သုဒါမုၣ်ကီၤလံၢ်ဟးဝ့ၤဝီၤဃုပှၤလၢအကယူၢ်လီၤဝဲလီၤ.’’
တၢ်သ့ၣ်တဖၣ်လၢတၤပပှၤကညီဖိတဖၣ်န့ၣ်မ့ၢ်စ့ၢ်ကီး တၢ်အူတၢ်သမူတဖၣ် ဒီး တၢ်ဝံတၢ်နါစိကမီၤလုၢ်ဘၢတၢ်တဖၣ် န့ၣ်လီၤ. ဖဲယအိၣ်ဝဲနွံနံၣ်အခါ တၢ်ကဲထီၣ်အသးနီၢ်နီၢ် လၢပသဝီပူၤတၢ်ဂ့ၢ်ဖိလီၤ. ယမိၢ်အတခွါ, ယဖါတံၢ်, စီၤအဲၣ်ဖျါ လဲၤမၤတၢ်လၢ ကီးသီ အနံၣ်တစှၤဘၣ်. တဟဲက့ၤဆူမိၢ်ပၢ်ဘူးတံၢ်တဖၣ် အါနံၣ်အါလါလီၤ. ဘၣ်ဆၣ်တနံၤအဝဲဟဲက့ၤ ဆူဝ့ၢ်တကူၣ်လၢ ကဘီယူၤန့ၣ်လီၤ. ဖဲအဝဲဟဲက့ၤဆူဝ့ၢ်တကူၣ်န့ၣ်ထံၣ်လီၤအသးဒီးအဖိဒိၣ်မုၣ်ဒီးတဲဝဲ “ယနီၢ်ကစၢ်, ယဟၢဖၢပူၤ တၢ်မနုၤမးတအိၣ် ဘၣ်. ယသံဝံၤလံ. ယနီၢ်ကစၢ်အပူၤန့ၣ်တမ့ၢ်ယၤဘၣ်. မ့ၢ်ပှၤအဂၤလီၤ.” ယဖါတံၢ် စီၤအဲၣ်ဖျါ အံၤ တမ့ၢ်ဒ်သိးပှၤပတီၢ်မုၢ်ဖိ လၢၤဘၣ်. အတၢ်အိၣ်ဖျါသ့ၣ်တဖၣ်လီၤဆီဝဲလီၤ. အါတက့ၢ် အမဲာ်ချံန့ၣ်ကပီၤထီၣ် ဒီးတဘျီဘျီတမ့ၢ်ဒ်သိးအဝဲဘၣ်. မ့ၢ်ဒ်သိး ပှၤအဂၤလီၤ. ဒီးအဝဲလဲၤမံဝဲဖဲ ယမိၢ်အဝဲၢ်အဟံၣ်လၢဝ့ၢ်တကူၣ် ဒီး ပှၤဒုးအီၣ်အီၤမ့ၤဒီး ယမိၢ်အဝဲၢ်တဲအီၤ “ယဒုးအီၣ်ဒၣ်နၤလီၤ.” ဖဲန့ၣ်အခါ အဝဲနီၢ်ဟးထီၣ်ပှၤတဂၤဒီးတဲဝဲ, “ထွးထီၣ်ထွးထီၣ်” န့ၣ်လီၤ. ပှၤမ့ၢ်ဘါယွၤဒီးအဝဲအိၣ်ဝဲတဂၢၢ်ဘၣ်. လၢခံအဝဲဟဲက့ၤ ဆူသဝီလီၤ. သိလ့ၣ်ကျဲဒီးပသဝီအဘၢၣ်စၢၤန့ၣ် တၢ်စူၤခါ ကျဲတဂ့ၤအဃိ ပှၤဘၣ်ဟးလၢပှၤခီၣ်လီၤ. ဖဲန့ၣ်အဝဲဟးဝဲလၢအခီၣ်ဒီး ဘူးကနုာ်လီၤ ဆူသဝီန့ၣ် ဟးဝဲတသ့လၢၤဘၣ်. အနီၢ်ကစၢ်လီၤပှီၤ, လီၤလၢအမဲာ်, ဒီးတထံၣ်တၢ်လၢၤဘၣ်. ပှၤဘၣ်ယိးအီၤလီၤ. ဖဲန့ၣ်ဟဲက့ၤအိၣ် ဝဲလၢ ယဖါတံၢ်တဂၤအဟံၣ်ဒီး အသးပူၤပျံၤတၢ်ထီဘိလီၤ. ဘၣ်ဖဲမုၢ်ယဲၢ်နံၤတနၤန့ၣ်အလုးယၢ်ဒီးမၤသးဒ်ကယူၤ ထီၣ်ဝဲလီၤ. မ့ၢ်မံ နီၤစ့ၢ်ကီး လီၤဂာ်ဒ်ပှၤသံလီၤ. ပှၤဘၣ်ခိးမံအီၤဒီနၤညါလီၤ. ဖဲန့ၣ်, တၢ်လီၤဆီဟဲအိၣ်ထီၣ် ဒီး ယဖါတံၢ်အံၤအဝဲၢ်, စီၤသးတီစ့ၢ်ကီး တၢ်ခံးတၢ်နၤအစိကမီၤ ဟဲစးထီၣ်လုၢ်ဘၢအီၤန့ၣ်လီၤ. အိၣ်ဘှံးနံၤဂီၤခီန့ၣ် စီၤသးတီ တဲဝဲအပုၢ် စီၤအဲၣ်ဖျါ, “ယကဘၣ်က့ၤကူစါ နၤလၢယဟံၣ်လီၤ. ဖုသရၣ်စ့ၢ်ကီးမၢယကူစါလီၤ.” ဖုသရၣ်လၢအတဲန့ၣ် တအိၣ်နီၢ်ကီၢ်ဘၣ်. တၢ်အိၣ်ဖှိၣ် သရၣ်နၢ်ဟူတၢ်ဂ့ၢ်တၢ် ကျိၤဒီးလဲၤဘါထုကဖၣ်လၢစီၤအဲၣ်ဖျါအဂီၢ်ခါ, အဝဲ တၢ်ထီၣ်အီၤ, အမဲာ်သၣ်ဂီၤရဲထီၣ်, ဒီးဖဲပှၤစံး ‘‘အၤမ့ၣ်’’ မး အဝဲအသးပၢၢ်ထီၣ် ဝဲလီၤ. က့ၤတုၤဆူအဝဲၢ်စီၤသးတီအဟံၣ်ဒီး အဝဲၢ်မၢအပုၢ် ဘှီးလီၤ, တီၤလီၤအခီၣ်, လုၢ်ထံ, ဒီး လဲလိာ်ကွံာ် အကူအကၤလီၤ. ဝံၤမၢ ပှၤဃိကွံာ်အပုၢ်အကူအကၤသ့ၣ်တဖၣ်လီၤ. ဖဲပှၤဃိ အပုၢ်အကူအကၤအခါ အပုၢ်န့ၣ်တကိ ထီၣ်, အိၣ်တသ့ ဆိးတဘၣ်, ပှၤဘၣ် ကၠီၣ်ဃာ်အနီၢ်ကစၢ်လီၤ. စီၤသးတီစ့ၢ်ကီးထံၣ်မှံတၢ်ဒီး တဲဝဲ, ‘‘ယဝးတြံးဃာ်နၤလၢပျံၤ တကလး’’ (ပှၤတထံၣ်ပျံၤဘၣ်. ထဲဒၣ်စီၤသး တီထံၣ်၀ဲတဂၤလီၤ.) ဒီး ဃၣ်ဝဲလၢအချၢ ဒီးတကွၢ်အပုၢ်ဘၣ်လီၤ. ဖဲပှၤဘၣ်ဖိး ဃာ်အပုၢ် ဖဲအတကိထီၣ်အသးအခါ စီၤသးတီ ဆဲးထူအခီၣ်နၢၢ်ခံ, အူထီၣ်တၢ်ဒီးအပုၢ်န့ၣ် က့ၤမံနီၤလီၤလီၤ. ဒီးမၢစီၤအဲၣ်ဖျါ, ‘‘လဲၤစူးကွံာ်အတၢ်ဆူးတၢ်ဆါ လၢဟံၣ်မဲာ်ညါလၢ တၢ်ခံးကျါ’’ လီၤ. အပုၢ်မၤဒ်အဝဲၢ်တဲအခါ, တဟဲက့ၤထီၣ်ဆူဟံၣ် ဖးယံာ်ညါလီၤ. စီၤသးတီ အိၣ်လၢဟံၣ်ဖီခိၣ် ဒီးတဲဝဲအပုၢ် “နတဟဲက့ၤထီၣ်ဒံးလဲၣ်. နအဲၣ်ဒိးကဲပှၤလၢတၢ်ချၢဧါ.” အပုၢ်စ့ၢ်ကီးတဲဝဲ “ယဟဲလံ.” ဒီးဖဲစီၤအဲၣ်ဖျါ ဟဲက့ၤထီၣ် ဒီးဆ့ၣ်နီၤခါ စီၤသးတီထံၣ်မှံတၢ်ဒီးတဲဝဲ “အိ, ပျံၤထီၣ်တဲာ်လံ.” ဒီး ဒီပုၢ်ဝဲၢ်ခံဂၤ ဒုးလိာ်အသး မၤသးဒ်တရူး(သိုင်း)လီၤ. လၢခံ အပုၢ်လီၤဃံၤ တဘျီ အဝဲဟံးန့ၢ်ဝဲကွါဒီး ကျီအပုၢ်အကိာ်ဒ်သိးပှၤကျီထိးညၣ်လီၤ. ဒီးဖဲအပုၢ်အခီၣ်ခံခီဘိးဆၢထၢၣ်အသးန့ၣ် ကျီဃုာ် အပုၢ်အခီၣ် နၢၢ်ခံ ခံခီလၢာ်လီၤ. ဖဲအနၤအဝဲန့ၣ်, စီၤသးတီလဲၤဆူ ပၢၤကီၢ်အဝဲၤလီၢ်ဒီး ခီၣ်ဖီၣ်အသးအတၢ်တၢ်လီၤ. ဒီပုၢ်ဝဲၢ်ခံဂၤလၢညါခါ အဲၣ်လိာ်ကွံလိာ်အသးသနာ်က့မၤသံဘၣ်အပုၢ်လံ. အပုၢ်တချုး ဟဲက့ၤအခါန့ၣ်စီၤသးတီမ့ၢ်ဒၣ်ပှၤအိၣ်ယိယိဖိလီၤ. တၢ်ဆီတလဲ လၢဟဲအိၣ်ထီၣ်လၢအပုၢ်ဟဲက့ၤဝံၤန့ၣ်, မ့ၢ်တၢ်လီၤပျံၤလီၤဖုးလီၤ. မတၤမးတနၢ်ပၢၢ်ဘၣ်လီၤ.
တၢ်ဂ့ၢ်လၢယဟ့ၣ်နီၤအံၤဘၣ်တဘၣ်ကကီဝဲလၢပှၤကနာ်အီၤန့ၣ်လီၤ. သနာ်က့ပသဝီဖိတဖၣ်ထံၣ်ဘၣ်လၢပမဲာ်ပှဲၤပှဲၤလီၤ. တၢ်လၢ အဆီၣ်တံၢ်မၤနၢၤပှၤန့ၣ်တမ့ၢ်ထဲလၢနီၢ်ခိအဒုၣ်အဒါဘၣ်. မ့ၢ်စ့ၢ်ကီးတၢ်ခံးတၢ်နၤအစိကမီၤတဖၣ်လီၤ. မ်ပသုးဘူးသးလၢယွၤ ဒီး ပျဲသးစီဆှံမၤပှဲၤပှၤလၢအစိကမီၤ ဒ်သိးပကမၤနၢၤ ဒုၣ်ဒါမုၣ်ကီၤလံၢ် လၢနီၢ်ခိမ့ၢ်ဂ့ၤ, နီၢ်သးမ့ၢ်ဂ့ၤန့ၣ်တက့ၢ်. ဆိးသီတက့ၢ်.
နီၢ်ဟဲဘျုး
ကီၢ်လါ
တၢ်ဆိကမိၣ်ထံမၤဘၣ်ထွဲက့ၤတၢ်ဟ့ၣ်ဂံၢ်ဟ့ၣ်ဘါလၢပတၢ်အိၣ်မူ
တၢ်ပျံၤမုၣ်ကီၤလံၢ်ဒီးတၢ်ခံးတၢ်နၤအစိကမီၤတဖၣ်န့ၣ် အိၣ်ဒီးအဂ့ၢ်အဝီန့ၣ်လီၤ. တမ့ၢ်တၢ်ပျံၤတၢ်နါစိၤဘၣ်. မုၣ်ကီၤလံၤ အိၣ်ဒီးအစိအကမီၤ, ဒီးအိၣ်ဝဲတုၤဒၣ်လဲာ် ပနၢ်ပၢၢ်တသ့ဘၣ်န့ၣ်လီၤ. မုၣ်ကီၢ်လံၢ်ဟးဝ့ၤဝီၤဒီးဃုပှၤလၢကယူၢ်လီၤပှၤန့ၣ် ထဲပနီၢ်ကစၢ်အဂံၢ်အဘါန့ၣ်ပကဒုးဆၢအီၤဒ်လဲၣ်. ပကဒုးကန့ၢ်ဒၣ်ထဲလၢယွၤအစိအကမီၤလီၤ. ခရံာ်အနီၢ်ကစၢ် မၤနၢၤဝဲ လ့းကူၣ် လၢအမ့ၢ်ဝဲအါဒု, ဒီး တၢ်နါန့ၣ် ပျံၤဝဲခရံာ် ဒီး ခရံာ်နီဟးထီၣ်အီၤဆူထိးသ့ၣ်တဖၣ်အပူၤန့ၣ်လီၤ.
မ့ၢ်နကဘၣ်ထုးဖးနသးလၢ တၢ်ဘၣ်ထွဲဒီးတၢ်ခံးတၢ်နၤအစိအကမီၤတမံၤမံၤဧါ. မ့ၢ်တၢ်စိကမီၤအခံးမနုၤအိၣ်သူၣ်လီၤ အသးလၢနပူၤ လၢနကဘၣ်နီဟးထီၣ်လဲၣ်. နကဆၢထၢၣ်ဂၢၢ်ကျၢၤဒ်လဲၣ် ဖဲမုၣ်ကီၤလံၢ်ဒုးနၤအခါန့ၣ်လဲၣ်.
မ်ပကဆိးသီ ဒီးထုကဖၣ်တၢ်လၢ ပှၤသ့ၣ်တဖၣ်လၢ တၢ်ခံးအစိကမီၤလုၢ်ဘၢအီၤတဖၣ်အဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအကလုၢ်ကထါစံးဝဲ, ‘‘ဒီးကွၢ်ကွၢ်, ယဟ့ၣ်သုစိသုကမီၤ, ဒ်သိးသုကယီၢ် ဂုၢ်ဧိၤဒးဧိၤ, ပတ့ၤတၢၢ်ပတ့ၤချဲး, ဒီးလၢဒုၣ်ဒါအစိကမီၤ ခဲလၢာ်အဖီခိၣ်လီၤ. ဒီးတၢ်တမၤအၢမၤနးဘၣ်သုနီတမံၤဘၣ်. ဘၣ်ဆၣ်ဒီးမ့ၢ်သးတဖၣ်အိၣ်လၢသုဖီလာ်အ ဃိဒီး, သုတသးခုတဂ့ၤ. မ့ၢ်သုမံၤဆဲးလီၤအသးလၢမူ ခိၣ်အဃိဒီး, သးခုတက့ၢ်.’’ (လူၤကၣ် ၁၀:၁၉-၂၀)
တၢ်ထုကဖၣ်လၢပှၤဖးတၢ်ဖိအဂီၢ်
ယွၤဧၢ, ဝံသးစူၤဆိၣ်ဂ့ၤဘၣ်နဖိတဂၤအံၤလၢအဖးဝဲတၢ်ဟ့ၣ်ဂံၢ်ဟ့ၣ်ဘါအံၤန့ၣ်တက့ၢ်. ပၢ်ဧၢ, ပအိၣ်မူလၢဟီၣ်ခိၣ်အံၤ ပကွၢ်ဆၢၣ်မဲာ်ဘၣ်တၢ်အါမံၤအါမၠိဒီးတနီၤနီၤန့ၣ်ပနၢ်တ ပၢၢ်ဝဲဘၣ်. ဘၣ်ဆၣ်ပသ့ၣ်ညါဘၣ်လၢ ပကဘၣ်ရ့ဒီးနၤကိးဆၢကတီၢ်ဒဲး ဒ်သိး မုၣ်ကီၤလံၢ်အသုတနုာ်ဒီးပၢပှၤတဂ့ၤန့ၣ်လီၤ. နဟ့ၣ်ဃာ်မုၣ်ကီၤလံၢ်တၢ်စိတၢ်ကမီၤအဃိ အဝဲဝ့ၤဝီၤဒီးဃုပှၤဒ်သိးအကယူၢ်လီၤ ဝဲလီၤ. ဝံသးစူၤ ဒီသဒၢနဖိလၢမုၣ်ကီၤလံၢ်အတၢ် ဟဲမၤတံာ်တာ်အီၤန့ၣ်တက့ၢ်. တဘၣ်ပျဲ တၢ်စိကမီၤ အခံးအအၢတဖၣ် ဟဲထိးဘူး အီၤတဂ့ၤ. လဲၤနုာ်ဘၣ်လၢ နဖိတဂၤအံၤအသးအပူၤဒီးပၢဘၣ်ဆှၢဘၣ် အတၢ်အိၣ်မူ လၢနစိနကမီၤ, နတၢ်စီတၢ်ဆှံ, နတၢ်ဂ့ၤတၢ်ဝါ န့ၣ်တက့ၢ်. မၤဟးဂီၤကွံာ် မုၣ်ကီၤလံၢ်လၢအဆိအချ့ န့ၣ်တက့ၢ်. လၢခရံာ်အမံၤပဃ့နၤလီၤ. အၤမ့ၣ်.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Week 39
DARKNESS THAT ENGULFS US
1 Peter 5:8 – “Be alert and of sober mind. Your enemy the devil prowls around like a roaring lion looking for someone to devour.” (NIV)
One of the challenges for our Karen people would be the practice of witchcraft and divination. Something once happened in my village when I was seven years old. My mother had a cousin named Saw Eh Plah, who worked in Kawthaung for many years. During those years, he didn’t once return to his parents and relatives. But one day, Saw Eh Plah flew back to Yangon. Saw Eh Plah saw one of his nieces and said, “I have nothing in my stomach. I’m hungry. It’s not me inside my body. It is someone else.” Saw Eh Plah appeared abnormal and acted strangely. His eyes looked bright. He seemed to be someone else. He briefly stayed in Yangon. When it was time to eat, my uncle told Saw Eh Plah, “This food is for you.” When Saw Eh Plah heard this, he said to ‘someone,’ “Get out!” Whenever people prayed, Saw Eh Plah became restless. Eventually, Saw Eh Plah returned to our village. The roads leading to our village become inaccessible to cars during the rainy season so walking was the only option. Saw Eh Plah made his way to the village on foot. When he arrived at the village entrance, he suddenly could no longer walk. His feet buckled and he fell flat on his face. He also couldn’t see anything so people had to carry him into the village. He stayed at one uncle’s house. He became easily frightened. One Friday evening, Saw Eh Plah wrapped himself in a blanket and he looked like he was going to levitate. When he laid flat, he appeared like a corpse. He had to be kept watch over every night. Not long after that Saw Eh Plah’s older brother, Saw Tha Taw, also became affected by this darkness and it started to slowly consume him. One Sunday, Saw Tha Taw told Saw Eh Plah, “I have to take you home for a cure. The old pastor told me to cure you as well.” However, there was no such old pastor around. Our church pastor heard about this matter so he went to pray for Saw Eh Plah. When the pastor started praying, Saw Eh Plah started convulsing and his face reddened. He returned to normal only when the prayer ended with “Amen.” When Saw Eh Plah returned to Saw Tha Taw’s house, Saw Tha Taw told him to vomit, flex his legs, take a shower and change into new clothes. After that, they burned Saw Eh Plah’s clothes. When his clothes were being burned, Saw Eh Plah became agitated and people had to hold him back. At the same time, Saw Tha Taw appeared to hallucinate and he uttered, “I have tied you with ten thousand ropes.” (But no one actually saw the rope and only Saw Tha Taw appeared to be able to see this.) Saw Tha Taw then turned his back so he was no longer facing Saw Eh Plah. As the others were holding back a shaking Saw Eh Plah, Saw Tha Taw kicked his heel and blew out air. Next, Saw Tha Taw commanded Saw Eh Plah to “Toss away your sickness at the front gate and into the darkness.” Saw Eh Plah did as he was told but it took him a while before he returned to the house. Saw Tha Taw was then on the second floor of the house when he called out to Saw Eh Plah “Why are you not entering the house? Do you want to be like that person who is outside?” Saw Eh Plah responded, “I’m coming.” Then Saw Eh Plah entered the house and sat down, Saw Tha Taw once again started hallucinating and said, “Oh, the ropes are broken.” The two of them started fighting each other with Kungfu-like moves. Eventually, Saw Eh Plar collapsed and immediately, Saw Tha Taw took an axe and started chopping away at Saw Eh Plar’s throat, as if slaughtering a pig. When Saw Eh Plar’s legs started moving, Saw Tha Taw took the axe to Saw Eh Plar’s heels. Saw Tha Taw handed himself over to the authorities that same night. The two brothers used to be so loving before but it tragically ended with the older brother murdering the younger brother. Before Saw Eh Plar returned to the village, Saw Tha Taw was just a normal person. The terrifying change began with the return of Saw Eh Plah. Until this day, none of us has been able to comprehend this terrifying event. Perhaps what I am sharing may be baffling to most, but we saw the events unfold with our own eyes. Evidently, it is not only physical matters, but also spiritual darkness that can devour us. So let’s get closer to God! Let the Holy Spirit fill us so we can overcome both our physical and spiritual enemies. Be alert!
Naw Heh Blute
Myanmar
REFLECT
There is a reason why we fear the devil and his darkness. It is not baseless. The devil is powerful, so powerful that we are unable to comprehend the intensity of it. The devil is always prowling, looking for someone to devour. So how can we defeat the devil with our own might? We can only fight with the power of God. Jesus himself overcame the devil. Demons were afraid of Jesus and he drove them out of a man into a herd of swine.
Is there a need for you now to break free from the power of darkness? Is there a darkness inside of you that needs to be driven out? How will you be able to stand firm and be alert when the devil fights you? Let us be watchful and pray for those who are battling such darkness in their lives. For the Word of God says, “I have given you authority to trample on snakes and scorpions and to overcome all the power of the enemy; nothing will harm you. However, do not rejoice that the spirits submit to you, but rejoice that your names are written in heaven.” (Luke 10:19-20)
PRAYER FOR THE READER
Dear God, please bless Your children reading this devotional journal. Father, we have to face such diverse and difficult situations during our time on earth. We know that we have to talk to You so that the devil will not engulf us. You have given the devil power so he is prowling around looking for someone to devour. Please protect Your children who have been disturbed by the devil. Please do not let the power of such evil darkness touch them. Please enter the hearts of Your children who have been affected, take control of their lives and fill them with Your power, Your holiness and goodness. Please defeat the devil once and for all, as soon as possible. In Jesus’ Name, I pray. Amen.