အနွံ ၃၈
ယွၤစံးဆၢယတၢ်ကိးထီၣ်အီၤ
ယံးရမံယၤ ၃၃:၃ – ‘‘ကိးထီၣ်ယၤတက့ၢ်, ဒီးယကစံးဆၢနၤ, ဒီးယကဒုးနဲၣ်နၤ လၢတၢ်အဒိၣ်အထီ, ဒီးတၢ်လီၤလးတဖၣ်, လၢနတသ့ၣ်ညါဘၣ်လီၤ.’’
ကစၢ်ယွၤမၤတၢ်လီၤလးလၢယဂီၢ်လၢယတၢ်ကွၢ်ဆၢၣ်မဲာ် သတူၢ်ကလာ်အပူၤန့ၣ်လီၤ. ပဟံၣ်ဖိဃီဖိအိၣ်ဝဲလၢ ထါမဟ့ ပှၤဘၣ်ကီ ဘၣ်ခဲဒဲကဝီၤန့ၣ်လီၤ. ပကွၢ်ဆၢၣ်မဲာ်ဘၣ်တၢ်ကီတၢ်ခဲ တၢ်ဃံးတၢ်စ့ၤအကလုာ်ကလုာ်လီၤ. ယအိၣ် ဒီးယဖိ ယဲၢ်ဂၤ ဒီး တသ့ ဖဲအသ့ ပကဟုကယာ် ကွၢ်လုၢ်ဒိၣ်ထီၣ်အဝဲသ့ၣ် လၢပမၤသ့အဂ့ၤကတၢၢ်လီၤ. လၢဒဲကဝီၤအပူၤ ပဘၣ်ပျံၤတၢ် ဘၣ်ယိၣ်တၢ် အလီၢ်အိၣ်မါမးလီၤ. ပဟးထီၣ်ဟးလီၤတဖျိနီတပူၤဘၣ်. ပဘၣ်အိၣ်ဒၣ်ဒဲကဝီၤအပူၤလီၤ. ပမ့ၢ်လဲၤတၢ်တကျိၤကျိၤဒီး ယိၤသုး မ့ၢ်ချုးန့ၢ်ဒီး ပှၤဖီၣ်ပှၤ ပှၤထၢနုာ်လီၤပှၤဆူဃိာ်ပူၤ, မ့တမ့ၢ်ဘၣ်တခီ ဆှၢဖျိးပှၤဆူတၢ်လီၢ်အယံၤလီၤ. တၢ်လဲၤတၢ်က့ၤ, ထဲလၢ ပကလဲၤပှ့ၤအီၣ်တၢ်, ပကလဲၤတၢ်လၢတၢ်ဂ့ၢ်တၢ်ကျိၤအလိၣ်တဖၣ်အဂီၢ်, ပဘၣ်ပလီၢ်ပဒီပသး ဖးဒိၣ်လီၤ. တဘျီတခီၣ် ယဆိကမိၣ်လၢယဘၣ်အိၣ်လၢဃိာ်အပူၤန့ၣ်လီၤ. ယသးလီဘၣ် တၢ်သဘျ့အလၢအပှဲၤလၢ ယကလဲၤဘၣ်က့ၤဘၣ်တၢ် တအိၣ်ဒီး တၢ်ပျံၤ တၢ်ဘၣ်ယိၣ်ဘၣ်ဘီ န့ၣ်လီၤ.
အိၣ်တဘျီန့ၣ် ယတခွါမုၣ်တဂၤဒီးယၤ လဲၤလီၤဟးပှ့ၤ တၢ်အီၣ်တၢ်အီ တၢ်ဖိတၢ်လံၤ လၢတကိၤလါလီၤ. တချုးပဟးထီၣ်ဒံး ဘၣ်န့ၣ်ယတခွါမုၣ် တဲယၤလၢ ပကဘၣ်ဘါဆိယွၤဒီး ပထိးဖှိၣ်လိာ်ပခိၣ်ဝံၤ ယဘါထုကဖၣ်ယွၤလီၤ. ပလဲၤတုၤလၢ တကိၤလါ ဂ့ၤဂ့ၤလီၤ. တုၤမုၢ်ဆ့ၣ်ထီၣ်ပလဲၤလီၤဆူတၢ်ဆါတၢ်ပှ့ၤလီၢ် ဒီးပတပာ်သးနီတမံၤဘၣ်. ပၢၤကီၢ်ပှၤခိးတၢ်တဖၣ်ဟဲ ဒီးကွၢ်ဟုၣ်ပှၤ လီၤ. ပတပာ်သူၣ်ပာ်သးစ့ၢ်ကီးဘၣ်. ပပှ့ၤတၢ်ဝံၤ ပဟဲက့ၤ အီၣ်မ့ၤဝံၤ ပထိးဖှိၣ်လီၤပခိၣ်ဒီး ပဘါထုကဖၣ်ယွၤလီၤ. ပှၤဘၣ်ကီ ဘၣ်ခဲအါဂၤ လဲၤလီၤပှ့ၤတၢ်လၢ တၢ်ဆါတၢ်ပှ့ၤလီၢ်ဖဲန့ၣ် န့ၣ် လီၤ. ပဝဲတနီၤပက့ၤက့ၤဆူ ပှၤဘၣ်ကီဘၣ်ခဲဒဲကဝီၤပူၤလီၤ.
ဖဲပက့ၤလၢကျဲမုၢ်ဒီး ပဝဲတနီၤ ပက့ၤကျဲလၢကစၢၢ်ခိၣ်လီၤ. တုၤယက့ၤဘူးကတုၤန့ၣ် ယန့ၢ်ဘၣ်တၢ်ကစီၣ်လၢ ယိၤသုးဖီၣ်န့ၢ် ပှၤအါဂၤ, ဒီး လိဃ့လီၤဝဲလၢတၢ်ပျီပူၤလီၤ. ပဒိးန့ၢ်ဘၣ် တၢ်ကစီၣ်လၢ ယိၤသုးတဖၣ်အံၤ အိၣ်ခိးလီၤစ့ၢ်ကီး ပခိၣ်လၢကစၢၢ်ခီၣ် ထံးလၢကဖီၣ်န့ၢ်ပှၤအဂီၢ်လီၤ. တၢ်ကိၢ်တၢ်ဂီၤလီၤဘၣ်ယၤဒိၣ်မး ဒ်ယမ့ၢ် မိၢ်တဂၤအသိး ဒီး ယဆိကမိၣ်ထီၣ် ယဖိဆံး ၅ ဂၤ အိၣ်တ့ၢ်လၢ ဘၣ်ကီဘၣ်ခဲဒဲကဝီၤပူၤလီၤ. ယမ့ၢ်တက့ၤတုၤဆူအဝဲသ့ၣ်အအိၣ် ဒီးယဖိတဖၣ်အဂီၢ်ကကဲထီၣ် တၢ်ကီတၢ်ခဲ ဒိၣ်မးလီၤ. ဆိကမိၣ်တၢ်တဘၣ်နီတမံၤလၢၤဘၣ်. တၢ်အံၤ ယကဘၣ်မၤဒ်လဲၣ်. ဖဲန့ၣ် အိၣ်ဒီးဝၣ်ဃးဖးဒိၣ်တဘိအဃိ ယထီၣ်လၢဝၣ်ဃးတဘိအဖီခိၣ်ဒီး ယဃ့တၢ်ဆူကစၢ်ယွၤအအိၣ်ဒီး စံးဘၣ်အီၤဒ်အံၤ, “ကစၢ်ဧၢ, ဝံသးစူၤ မၤစၢၤဘၣ်ဒ်သိး တၢ်ကဟဲစူၤလီၤဖးဒိၣ်တုၤယိၤသုးလၢအခိးလီၤပှၤတဖၣ် အခိးတၢ်အသုတကဲလၢၤတဂ့ၤ ဒီး ကက့ၤကွံာ်ဒၣ်ဝဲန့ၣ်တက့ၢ်.” ဖဲန့ၣ်အခါ တၢ်အၢၣ်တအိၣ်နီတစဲး တၢ်ကိၢ်ဖိးလ့ကဒ့လီၤ. တစိၢ်ဖိဝံၤ တၢ်အၢၣ်ဟဲခံးသူလီၤဒီး တၢ်စူၤလီၤဖးဒိၣ် တုၤဒၣ်လဲာ် ထါမဟ့ ဒဲကဝီၤ အထံကျိဒိၣ်လီၤဖးဒိၣ်ညါန့ၣ်လီၤ. ဝံၤဒီးယဒိးန့ၢ်ဘၣ်က့ၤတၢ်ကစီၣ်လၢ ယိၤသုး က့ၤလီၤလၢာ်လံ. ဖဲန့ၣ် ပဟဲက့ၤက့ၤဆူ ဒဲကဝီၤပူၤ ထံၣ်လိာ်ဘၣ်က့ၤသးဒီး ဖိမုၣ်ဖိခွါတဖၣ်ပှဲၤတၢ်သူၣ်ခုသးခုန့ၣ်လီၤ. ပပူၤဖျဲး ပဝဲဒၣ်ဂ့ၤဂ့ၤလၢ ယိၤသုးအတၢ်မၤကီမၤခဲ တဘျီအံၤန့ၣ်လီၤ.
မ့ၢ်တၢ်လီၤကမၢကမၣ်လၢယဂီၢ်ခီဖျိယွၤစံးဆၢယတၢ်ကိးထီၣ်အီၤန့ၣ်လီၤ. တမ့ၢ်တၢ်ဘၣ်ဆၢၣ်ဘၣ်တီၤဘၣ်. မ့ၢ်ယွၤ အတၢ်စံးဆၢဒီး ဒိကနၣ်ယၤပှၤအဆံးလၢ အကိးထီၣ်အီၤလၢတၢ်သူၣ်ကၢ်သးလီၤနီၢ်နီၢ်အံၤအဃိ ယစံးဘျုးယွၤ လၢအဒိကနၣ် ယတၢ်ထုကဖၣ်ဒီး မ့ၢ်ယတၢ်အုၣ်သးဆူယဒီပုၢ်ဝဲၢ်ပှၤဖးတၢ်ဖိတဖၣ်လၢ ယွၤန့ၣ်အိၣ်ဝဲနီၢ်နီၢ်ဒီး နၢ်ဟူပတၢ်ထုကဖၣ်လီၤ. ကစံးဆၢနတၢ်ထုကဖၣ်ဖဲတၢ်ဆၢကတီၢ်ဘၣ်ဝဲအခါသပှၢ်တၢၢ်လီၤ.
နီၢ်လူၤဒံ
အဲၣ်ခရီန်, အိၣ်ဟါအိၣ်
တၢ်ဆိကမိၣ်ထံမၤဘၣ်ထွဲက့ၤတၢ်ဟ့ၣ်ဂံၢ်ဟ့ၣ်ဘါလၢပတၢ်အိၣ်မူ
ကစၢ်ယွၤမၤပူၤဖျဲး အဖိအလံၤတဖၣ်လၢတၢ်အိၣ်သးအလီၤပျံၤလီၤဖုး လီၤဘၣ်ယိၣ်ဘၣ်ဘီတဖၣ်လီၤ. ပမၤလိဘၣ်လၢ လံာ်စီဆှံအပူၤ လၢစီၤဒၤနံးယ့လးပူၤဖျဲးလၢခ့ယုၢ်အပူၤ, စီယိၤနါလၢညၣ်ဖးဒိၣ်အဟၢဖၢပူၤ, မ့ၢ်လၢယွၤအဘျုးအဖှိၣ်အဃိလီၤ. မုၢ်မဆါတနံၤအံၤစ့ၢ်ကီး ကစၢ်ယွၤမၤတၢ်လီၤလးဒီးမၤပူၤဖျဲးအဖိအလံၤ ဒ်ပဖးဘၣ်နီၢ်လူၤဒံအတၢ်လဲၤခီဖျိန့ၣ်လီၤ. အဒိၣ်ကတၢၢ်ကစၢ်ယွၤမၤပူၤဖျဲးပှၤလၢတၢ်သံလီၤထူလီၤယိာ်လီၤ.
မ့ၢ်နအိၣ်ဘၣ်လၢခ့ယုၢ်အပူၤအခဲအံၤဧါ. မ့ၢ်နဃ့ၢ်ဖျိးဒ်စီၤယိၤနါအသိးဧါ. မ့ၢ်နကွၢ်ဆၢၣ်မဲာ်ဘၣ် တၢ်ဖီၣ်ဃံး, တၢ်တြီဃာ် ဒ်နီၢ်လူၤဒံအသိးဧါ. ဘါထုကဖၣ်တထံၣ်ဃီတက့ၢ်. ပမ့ၢ်အိၣ်ဂၢၢ်ကျၢၤလၢတၢ်နာ်အပူၤန့ၣ် ယွၤကအိၣ်ဒီးပှၤ ဒ်အအိၣ်ဝဲလၢစီၤဒၤနံးယ့လးလၢခ့ယုၢ်အပူၤ, စီၤယိၤနါလၢညၣ်အဟၢဖၢအပူၤ, ဒီး နီၢ်လူၤဒံလၢတၢ်သဘျ့တအိၣ်အလီၢ်, အသိး ယွၤအိၣ်ဒီးနၤလီၤ. အဝဲကမၤထူၣ်ဖျဲးနၤလၢတၢ်စၢဃာ်တဖၣ်အခဲအံၤ ဒီး အစိၤစိၤအဃၣ်ဃၣ်လီၤ.
တၢ်ထုကဖၣ်လၢပှၤဖးတၢ်ဖိအဂီၢ်
ယွၤဧၢ, ဝံသးစူၤဆိၣ်ဂ့ၤဘၣ်နဖိတဂၤအံၤလၢအဖးဝဲတၢ်ဟ့ၣ်ဂံၢ်ဟ့ၣ်ဘါအံၤန့ၣ်တက့ၢ်. ယဃ့ထုကဖၣ်လၢ နကဒိကနၣ်နဲ အတၢ်ကိးထီၣ်နၤ ဖဲအဘၣ်ကွၢ်ဆၢၣ်မဲာ်ဒီး တၢ်ကိၢ်တၢ်ဂီၤ တၢ်ကီတၢ်ခဲအခါ ဒီး ဟ့ၣ်လီၤဘၣ်အီၤ သးလၢ အနာ်န့ၢ်ဒၣ်ထဲလၢ နၤ တက့ၢ် . ဖဲ အစုကတၢၢ် တၢ်မၤစၢၤအဂၤတအိၣ်လၢၤအခါ ဒၣ်လဲာ် ဒုးသ့ၣ်နီၣ်ထီၣ်အီၤလၢ နမ့ၢ်ကစၢ်လၢ အဒိၣ်န့ၢ် သးသမူအတၢ်ကီတၢ်ခဲခဲလၢာ် ဒီး မၤစၢၤအီၤဒ်သိး အဝဲကအိၣ်ဒီး တၢ်မုၢ်လၢ် လၢအမူထီဘိ လၢနပူၤတက့ၢ်. ဟံးဃာ်အီၤလၢ နစုစီဆှံကျၢၤကျၢၤဖဲအဝဲ အဂံၢ်ဘါစၢ်ဝဲအဆၢကတီၢ်တက့ၢ်. စူးကါအီၤလၢ အတၢ်လဲၤခီဖျိတဖၣ် ကကဲထီၣ်က့ၤ တၢ်လၤတၢ်ကပီၤလၢနဂီၢ်တက့ၢ်. လၢခရံာ်အမံၤ ယဃ့နၤလီၤ. အၤမ့ၣ်.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Week 38
The LORD ANSWERED MY CALL FOR HELP
Jeremiah 33:3 – “Call to me and I will answer you and tell you great and unsearchable things you do not know” (NIV)
The LORD did an incredible thing for me during a particularly difficult hardship. Our family lived in Tham Hin refugee camp, one of the most ‘closed’ camps on the border. We faced countless obstacles. To the best of my ability, I did my utmost to raise my five children despite the harsh living conditions. We always had to be on guard and be wary of everything. There was no way we could move freely because of the cramped conditions, much less travel in and out of the camp without fuss. If the Thai soldiers found us, they would imprison us or even send us away to somewhere really remote. We always had to be cautious even when we wanted to buy something to eat. Many times, I felt like I was living in a prison. I longed for a day when I could move freely wherever I wanted without having to fear for my safety.
One day, my cousin and I went out of the camp to purchase some food and basic necessities at a Thai Karen village called ‘Terkawlah.’ Before we set off, my cousin reminded me that we should pray. As such, we bowed our heads together in prayer. We soon arrived safely at ‘Terkawlah.’ When morning came, we made our way to the marketplace without much thought. The border guards we came across searched us and even then, we did not think much of it. After purchasing what we had to buy, we returned and had our meal. We then bowed our heads to pray. Many of our fellow refugees from Tham Hin were also there at this marketplace and some of us returned to the refugee camp. On our journey back to the camp, some of us took the mountain route. And when we were really close to the camp, we received information that the Thai soldiers had caught many of our fellow refugees and had put them under the scorching sun. We were also told there were Thai soldiers waiting at the foot of the mountain in order to catch us. I was overwhelmed with worry for my five young children back inside the refugee camp. If I chose not to return to the camp, my children would have to face a huge problem. I did not know what to think or do. At that moment, I saw a big bamboo tree so I climbed it and started to pray desperately, “LORD, please send heavy rains so that the Thai soldiers who are lying in wait to catch us will no longer be able to do so and have no choice but to leave.” But there were no clouds in the sky and it was scorching hot. But after a while, dark clouds started to gather and it rained so heavily that the river leading to Tham Hin refugee camp was bursting at its seams. Not long after that, we received news that the Thai soldiers had left so we were able to return to Tham Hin refugee camp. I was so relieved to be able to see my children again. We managed to escape this sticky situation with the Thai soldiers.
I was really astounded that God answered my plea to Him for help. It is not a mere coincidence. The LORD had most definitely answered the call of a lowly and desperate person like me. I thank the LORD for hearing my prayer and this is my testimony to the readers of this devotional journal that God exists and He hears our prayers. He will answer your prayer without hesitation at the right moment.
Naw Lu Dee
Akron, Ohio
REFLECT
The LORD delivers His children from challenging and frightening situations. We have learned from the biblical examples of Daniel in the lion’s den and Jonah being swallowed by a big fish that they were saved by God’s grace alone. As we read Naw Lu Dee’s testimony today, we are once again reminded of our LORD’s deliverance of His children until this day. Most importantly, our LORD delivers us from eternal death.
Are you presently trapped inside a lion’s den? Are you running away from God like Jonah? Or are you going through harsh living conditions like Naw Lu Dee? Continue to pray. When your faith is deeply rooted in Him, the LORD will be with you just like He was with Daniel in the lion’s den, Jonah inside the belly of a big fish, and Naw Lu Dee in confinement. He will deliver you from your bondages now and forever.
PRAYER FOR THE READER
Dear God, please bless Your children reading this devotional journal. I pray that You will answer Your children’s call to You when they face difficulties. May Your children put their trust in You alone when they are faced with worries in their times of need. When they are at their wits’ end and there is no help available, please remind them that You are greater than the worries of this world. Please help Your children see that You are their hope alone. Hold on to Your Children’s hands tightly when they are weak in spirit. May Your children’s journeys bring glory to You. In Jesus’ Name, I pray. Amen.