အနွံ ၃၆
ဂံၢ်နတၢ်ဆိၣ်ဂ့ၤဒီးစံးထီၣ်ပတြၢၤယွၤ
၂ၡမူၤအ့လး ၂၂:၃-၄ – ‘‘ယလၢၢ်အကစၢ်, ယကသန့ၤယသးလၢအီၤ, ယကတီၤတဘ့ၣ်, ယတၢ်အုၣ်က့ၤခီၣ်က့ၤယၤ အနၢၢ်, ယတၢးထီၣ်ထီ, ယအိၣ်တဒၢအလီၢ်, ယပှၤအုၣ်က့ၤခီၣ်က့ၤယၤ, နအုၣ်က့ၤခီၣ်က့ၤယၤလၢတၢ်မၤဆူၣ်လီၤ. ယကိးထီၣ်ယွၤလၢ အဘၣ်တၢ်စံးထီၣ်ပတြၢၤ, ဒီးယကတုၤလၢတၢ်အုၣ်က့ၤခီၣ်က့ၤလၢယဒုၣ်ယဒါလီၤ.’’
ယမိယပါမ့ၢ်ပှၤသုးက့ယဲၢ်ဖိ ဒီးယဲယအိၣ်ဖျဲၣ်စ့ၢ်ကီးလၢသုးက့ယဲၢ်ဖဲ ၁၉၆၃ နံၣ် လါမာ်ၡးန့ၣ်လီၤ. ဖဲယအိၣ်ဃုနံၣ်အခါ ယမိ ယပါသုးအသးဆူ သုးက့သၢဒီးတုၤယဒိၣ်ထီၣ်ဒီးယဒိးဘျၢထံ ဖဲထံလိာ်ဖိထၣ်တၢ်အိၣ်ဖှိၣ်, ကီၢ်ဆီထံးန့ၣ်လီၤ. စးထီၣ်ဖဲ ၁၉၇၃ နံၣ်, ယသးကအိၣ်အနံၣ်တဆံန့ၣ်တၢ်ကီတၢ်ခဲအကတီၢ်ဟဲတုၤအိၣ်ပှၤလီၤ. ပဒုၣ်ပဒါပယီၤတဖုန့ၣ်ဟဲထီၣ်ဒီးမၤသံမၤဂီၤတၢ် အါမးလီၤ. မၤသံအဒုၣ်အဒါတကးဘၣ်မၤသံဃုာ်ဒူဖိသဝီဖိတဖၣ်လၢကျဲအါဘိလီၤ. လီၤပျံၤဒိၣ်မးလီၤ. ပဘၣ်ဃ့ၢ်လၢပှၢ်မုၢ်ဒိၣ် အပူၤန့ၣ်တဘျီဘျီပတအီၣ်ဘၣ်မ့ၤပတအီဘၣ်ထံဘၣ်. ယမိယပါကဖီအီၣ်မ့ၤအဂီၢ်ထံတအိၣ်ဘၣ်အဃိဘၣ်ဒီမူခိၣ်ထံလၢ မိကၣ်ပူၤဒီးဖီအီၣ်မ့ၤ, တဘျီဘျီဘၣ်လဲၤဒၢၣ်ထံလၢတၢ်ကလီာ်ဝံၤဖီအီၣ်ဖီအီလီၤ. တဘျီဘျီထံန့ၣ်ဂီၤအဃိမ့ၢ်ဖီအီၣ်မ့ၤဒီးမ့ၤ သူလီၤ. ဖဲပဃ့ၢ်ပယီၤအခါပကတိၤတၢ်ဒိၣ်ဒိၣ်တဘူၣ်ဘၣ်. ဘၣ်ကတိၤကသွံလိာ်သးမ့ၢ်လၢပယီၤတဖၣ်ခးတၢ်တဘူးတယံၤဒီးပှၤ လီၤ. ဘၣ်ဆၣ်ယပါမ့ၢ်ပှၤလၢဘါထုကဖၣ်တၢ်လၢဂီၤလၢဟါ, သန့ၤအသးလၢယွၤအဃိပပူၤဖျဲးလၢကျိချံမျီာ်သၣ်တဖၣ်န့ၣ်လီၤ. ဒီးခဲအံၤပထံၣ်ဘၣ်တၢ်မၤအသးလၢဆၢကတီၢ်ခဲအံၤ, လၢပထံပကီၢ်အပူၤတဖၣ်န့ၣ်ယထံၣ်မှံက့ၤယဲဖဲပနီၢ်ဆံးအခါ တၢ်ကီတၢ် ခဲသ့ၣ်တဖၣ်လီၤ. ဖဲန့ၣ်အခါဘၣ်ဃးလၢတၢ်တိစၢၤမၤစၢၤဒီးတၢ်အံးထွဲကွၢ်ထွဲဒ်အံၤတအိၣ်ဘၣ်. ဒုၣ်ဒါသ့ၣ်တဖၣ်စ့ၢ်ကီးဟဲထီၣ် မၤသံတၢ်လူၤထီၣ်တၢ်ထဲလၢအခီၣ်လီၤ. လၢကဘီယူၤတဖၣ်အပူၤကဟဲခးလီၤတၢ်တအိၣ်ဘၣ်. ပကွၢ်က့ၤလၢစိၤဆၢကတီၢ်ခဲ အံၤဒီပုၢ်ဝဲၢ်လၢကီၢ်ပယီၤသ့ၣ်တဖၣ်ကဘၣ်ကွၢ်ဆၢၣ်မဲာ်တၢ်အါန့ၢ်ဒံးလၢညါ, ခီဖျိကဘီယူၤတခါန့ၣ်လီၤ. ဘၣ်ဆၣ်တၢ်တိစၢၤ မၤစၢၤအိၣ်ဝဲအဃိမ့ၢ်စ့ၢ်ကီးတၢ်ဘျုးတၢ်ဖှိၣ်တခါစ့ၢ်ကီးလီၤ.
တုၤယဒိၣ်ထီၣ်ယဆီဟံၣ်ဆီဃီဝံၤယဖိအိၣ်ဃုဂၤအလီၢ်ခံန့ၣ် ပဘၣ်ကွၢ်ဆၢၣ်မဲာ်ဒီးတၢ်ကီတၢ်ခဲတခါလၢအမ့ၢ်တၢ်ဟၢဖၢလူဒီး လီၤလၢအသွံၣ်န့ၣ်လီၤ. ဒီးပအိၣ်ဒဲကဝီၤမ့ၢ် ကျိာ်ပာ်မဲာ်စကု, ဒီးဖဲန့ၣ်အဆၢကတီၢ်ပဟဲလီၤအိၣ်သီလၢဒဲကဝီၤအပူၤလီၤ. ပှၤတနီၤ နီၤအဟၢဖၢလီၤသွံၣ်ဒီဒူၣ်လီၤ. ဒီးပဝဲဟံၣ်ဃီဖိတဖၣ် ကွၢ်ဆၢၣ်မဲာ်ဘၣ်တၢ်ဆူးတၢ်ဆါစ့ၢ်ကီးလီၤ. ယဖိဒီးယနီၢ်ကစၢ်ဒီးယဝၤပဆူး ပဆါလီၤ. လၢကစၢ်ယွၤအဘျုးအဃိ ယနီၢ်ကစၢ် ဒၣ်ယဲယဆါထဲခံသီဒီးဘျါက့ၤဝဲလီၤ. ဒီးယဘၣ်ကွၢ်ထွဲက့ၤယဖိတဖၣ်လီၤ. လၢကစၢ်ယွၤအဘျုးးအဖှိၣ်အဃိ ယဖိတဖၣ်ဒီးယၤ ပဘျါက့ၤလီၤ. မ့မ့ၢ်ယဝၤတဂၤတခီတူၢ်ဘၣ်ဝဲခံလါညါလီၤ. အဟၢဖၢလူလီၤ ထဲအသွံၣ်ဒီနံၤဒီနၤ, ယဘၣ်ကွၢ်အီၤ, ယတမံဘၣ် ဘၣ်. ဒီးပှၤတဟဲမၤဘူးမၤတံၢ်ယၤလၢၤနီတဂၤဘၣ်. တုၤလၢယဒီပုၢ်ဝဲၢ်, ယမိၢ် ယပၢ်ဒၣ်လဲာ်ဟဲဝဲတဘူၣ်လၢၤဘၣ်. မ့ၢ်လၢ တၢ်ဆါတခါအံၤ ဘၣ်ကူဘၣ်ဂာ်တၢ်သ့ဒီးပှၤပျံၤအီၤကိးဂၤဒဲးလီၤ. ဘၣ်ဆၣ်ကစၢ်ယွၤ ဆှၢလီၤန့ၢ်ယၤယတၢ်အိၣ်ဖှိၣ်သးပှၢ်တဂၤလီၤ. အဝဲဟဲအိၣ်သကိးပှၤဒီးဘါထုကဖၣ်တၢ်လၢပဂီၢ်ကိးဟါဒဲးလီၤ. ဒီးလၢခံအဝဲကွၢ် တၢ်လၢယဝၤတဂၤအတၢ်အိၣ်သးတဂ့ၤ လၢၤဘၣ်အဃိ, အဝဲဃုဝဲကသံၣ်သရၣ်တဂၤ, ဒီးမ့ၢ်ဝဲသုးအကသံၣ်သရၣ်အဃိ ယဝၤကူစါဘၣ်အသးဒီးဖဲခံလါအတီၢ်ပူၤ ယဝၤ တဂၤ ဖီၣ်နီၣ်ထိးဘိဒီးဟးထီၣ်သ့ဝဲဒၣ်န့ၣ်လီၤ.
ယသ့ၣ်ညါလၢကစၢ်ယွၤတလဲၤသဒၣ်ယၤဘၣ်. အတၢ်ဆိၣ်ဂ့ၤဒီးအတၢ်ဘျုးတၢ်ဖှိၣ်န့ၣ်အါဝဲလၢယဂီၢ်အဃိ, ယသးခုဒီး စံးဘျုးစံးဖှိၣ်ကစၢ်ယွၤလီၤ. မ့တမ့ၢ်လၢကစၢ်ယွၤပာ်မူပှၤအဃိပတၢ်အိၣ်မူန့ၣ်ပအိၣ်မူ သကိးဘၣ်တုၤခဲအံၤ တအိၣ်ဒီး တၢ်ကဲဘၣ်ဖိၣ်ဃဲမုၣ်ကမဲဘၣ်န့ၣ်လီၤ.
မုၢ်ဂၢ်လၢၢ်မူ
ဖံန့းက်စ်, အရံၣ်စိနါကီၢ်စဲၣ်
တၢ်ဆိကမိၣ်ထံမၤဘၣ်ထွဲက့ၤတၢ်ဟ့ၣ်ဂံၢ်ဟ့ၣ်ဘါလၢပတၢ်အိၣ်မူ
ပှၤဃုထံၣ်သ့ၣ်ညါတၢ်သ့ၣ်တဖၣ် ပာ်ဖျါထီၣ်ဝဲလၢ လုၢ်လၢ်လၢအအိၣ်ဒီးတၢ်စံးဘျုးစံးဖှိၣ်န့ၣ် မၤအါထီၣ်တၢ်သူၣ်ခုသးခု ဒီး မၤဂ့ၤထီၣ်နီၢ်ခိတၢ်အိၣ်ဆူၣ်အိၣ်ချ့န့ၣ်လီၤ. အဝဲသ့ၣ်ထံၣ်ဘၣ်ဝဲလၢ တၢ်မံတၢ်ဂဲၤဟဲဂ့ၤထီၣ်, နီၢ်ခိဂံၢ်တြီဆၢတၢ်အသဟီၣ်ဟဲ ဆူၣ်ထီၣ်, ဒီး တၢ်ဆူးတၢ်ဆါစှၤလီၤဝဲန့ၣ်လီၤ. ၁သ့းစၤလနံ ၅:၁၈ တဲဘၣ်ပှၤ, ‘‘လၢတၢ်ခဲလၢာ်အပူၤန့ၣ်, စံးထီၣ်ပတြၢၤ တၢ်အဘျုးအဖှိၣ်တက့ၢ်. အဂ့ၢ်ဒ်အံၤ, အဝဲန့ၣ်မ့ၢ်တၢ် ဘၣ်ယွၤအသးလၢယ့ၣ်ရှူးခရံာ်အပူၤလၢသုဂီၢ်လီၤ.’’
ဒ်မုၢ်ဂၢ်လၢၢ်မူမၤဝဲအသိး တနံၤအံၤနကဂံၢ်ထီၣ်နတၢ်ဆိၣ်ဂ့ၤမနုၤတဖၣ်ဒီးစံးဘျုးယွၤလဲၣ်.
မ့ၢ်မတၤအိၣ်တဂၤလၢမၤဘျုးတ့ၢ်နၤ လၢနအဲၣ်ဒိးကိးအီၤဒီးစံးဘျုးအီၤလဲၣ်.
ကျဲသၢမံၤလၢနမၤဘျုးပှၤအဂၤကသ့လၢတနံၤအံၤကမ့ၢ်မနုၤလဲၣ်.
တၢ်ထုကဖၣ်လၢပှၤဖးတၢ်ဖိအဂီၢ်
ယွၤဧၢ, ဝံသးစူၤဆိၣ်ဂ့ၤဘၣ်နဖိတဂၤအံၤလၢအဖးဝဲတၢ်ဟ့ၣ်ဂံၢ်ဟ့ၣ်ဘါအံၤ န့ၣ်တက့ၢ်. ပၢ်ယွၤဧၢ, နမ့ၢ် နဖိအံၤအလၢၢ်, အကစၢ်, အတၢ်သန့ၤလီၢ်, အကတီၤ တဘ့ၣ်, အတၢ်အုၣ်က့ၤခီၣ်က့ၤအနၢၢ်, အတၢးထီၣ်ထီ, အတၢ်အိၣ်တဒၢအလီၢ်, အပှၤအုၣ်က့ၤခီၣ်က့ၤအီၤ, ဒီး နအုၣ်က့ၤခီၣ်က့ၤ အီၤလၢတၢ်မၤဆူၣ် လီၤ. နတပာ်တ့ၢ်အီၤဘၣ်. နစိာ်ခီအီၤတုၤလီၤလၢ မုၢ်တနံၤအံၤထူးထူးတီၤတီၤလီၤ. မ်အကဂံၢ်က့ၤနတၢ်မၤဂ့ၤတဖၣ်အါန့ၢ်ဒံး မဲးမုၢ်ခိၣ်အမဲး တဖၣ်န့ၣ်တက့ၢ်. တၢ်ဘျုးဒိၣ်မးလီၤ. မ်အဝဲကစံးဘျုးက့ၤ နၤ ဒီး စံးထီၣ်ပတြၢၤနမံၤန့ၣ်တက့ၢ်. မၤကဆှီဘၣ် အသူၣ်အသး, သိၣ်အီၤ, ဘှီအီၤ, ဒီးသူအီၤဒ်တၢ်ဘၣ်နသးအသိးတက့ၢ်. လၢခရံာ်အမံၤ ယဃ့နၤလီၤ. အၤမ့ၣ်.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Week 36
COUNT YOUR BLESSINGS & GIVE THANKS
2 Samuel 22:3-4 – “My God is my rock, in whom I take refuge, my shield and the horn of my salvation. He is my stronghold, my refuge and my savior – from violent people you save me. I called to the LORD, who is worthy of praise, and have been saved from my enemies.” (NIV)
My parents were from Brigade 5. I was born there in March 1963. When I was about six years old, our family moved to Brigade 3. I grew up there and was baptized at Htee Lo Poe Ta Church in Gaw Hsaw Hti. In 1973 when I was about 10 years old, problems started to appear for us. Our foe, the Myanmar army began to terrorize us by killing villagers and destroying our land. Their diverse ways of killing our villagers were brutal and savage. It was extremely terrifying. We had to run for our lives into the thick jungle and many times we went without food or water. There are times when we had to collect water with plastic sheets when it rained. Other times, we collected water from potholes and used it for cooking. Sometimes, the water was red so when we used it to cook our rice, it would turn black. While on the run from the Burmese army, we could not talk loudly either. Instead, we had to talk in whispers as the Burmese army was shooting not too far away from us. My dad was a prayerful man and he prayed day and night. He put his faith in God and I believe that because of his prayers, we were able to avoid getting shot and killed by the Burmese army day after day. As I look at the present unrest and challenging situation in our homeland, I recall my childhood days when I went through similar circumstances. Back there, we were pretty much helpless and we had nowhere to turn to. Back then, the enemy could only chase us on foot. They were not able to hunt us down using planes. I believe our brothers and sisters back in our homeland now are facing an even greater adversity because of the enemy planes. At the same time, it is a blessing that more help seems to be available these days.
After having six children, we faced a serious health problem. I was suffering from dysentery and there was blood in my stool. By then, we were living in a refugee camp. There were a few of us who had the same health issue including my own husband and children. By God’s grace, I was only unwell for two days and was able to recover enough to look after my children. But my husband had to suffer for two long months. I did not get much sleep looking after my husband. There wasn’t anyone who came to offer help to us. Even my own siblings and parents stayed away. This was because this illness was not curable in the refugee camp and communicable. So, everyone was afraid. However, God sent help in the form of a church elder. This church elder came by every day to check on my family and to pray over us. The church elder saw that my husband was no longer in a good condition so he searched and found a military doctor who was able to treat my husband successfully. My husband’s health soon returned and he was able to walk.
I believe God saved us. I am always thankful and praise God for his grace and blessings upon me. If not for His mercy, my children would have lost their father and I would be a widow.
Aunty Ler Moo
Phoenix, Arizona
REFLECT
Research has shown that practicing gratitude as a habit increases happiness and improves physical health. Researchers found that the quality of sleep improved, the immune system got stronger, and health problems decreased. 1 Thessalonians 5:18 tells us, “Give thanks in all circumstances; for this is God’s will for you in Christ Jesus.”
How are you going to count your blessings and give thanks today like Aunty Ler M00?
Is there someone you are grateful to and would like to call and express your gratitude?
What are three ways you can be a blessing to someone today?
PRAYER FOR THE READER
Dear Lord, Please bless Your children reading this devotional journal. Father, You are their rock, their Lord, their refuge, their shield, their savior, their stronghold, their shelter, the One Who saves them from their enemies. You have not forsaken them. You have carried them even until today. Help them to count Your plentiful blessings that overflow like sand. Thank you! May Your children be thankful and praise Your Name. Anoint them, teach them, correct their ways and make use of them. In Jesus’ Name, I pray. Amen.